ISAI 23:1 - Pathien Lekhabu Inthieng (BSI)

¹ Tura khaw phurrik chu. Tarsis lawng lienhai, khêk rak rak ro; in hrim hrim um naw khawp le lûtna hrim hrim um naw khawp rauin Tura chu suksietin a um ta hi, chu chu Kupra rama inthawk chun an kuoma suklangin a um a.

ISAI 23:1 ပူးပေါင်းရင်းမြစ်များ

INṬANNA 10:4

Javan naupasalhai chu: Elisa, Tarsis, Kittim le Dodanim an nih.

1 LALHAI 10:22

Lal chun tuisuorieta chun Hiram lawng ruol inkawppuitu ding Tarsis lawng ruol a nei a, Tarsis lawng ruol chun kum thum dan peiah rângkachak dâm, tangkaruo dâm, saiha dâm, zâwng dâm, ârâwnhai dâm, a hung phur hlak a.

1 LALHAI 22:48

Jehosaphat chun Ophira râng- kachak phur ding Tarsis lawnghai a tuk a, nisienlakhawm, an fe ta nawh a; Ezion-geber hmuna chun lawnghai chu a se ta vawng sih a.

1 LALHAI 5:1

Chun, Tura lal Hiram chun Solomon kuoma chun a siehlaw- hai a tir a, a pa aia lal dingin hriek an nâl ti a lo hriet sih a; Hiram chu David ngainatu a ni rawp hlak hrim a.

2 CHANCHIN SUINA 9:21

Huram siehlawhai le Tarsisa fe hlak lal chun lawnghai inkawppui a nei sih a, kum thum dan peiah Tarsis lawnghai chu hungin rângkachak dâm, tangkaruo dâm, saiha dâm, zâwng dâm, ârawn dâm a hung phur hlak a.

INPÂKNA HLABU 48:7

Khawsak thliin, Tarsis lawnglienhai chu i suksiet a.

ISAI 15:8

Khêkri chu Moab ramri vêlahai chun a um sih a, khêk rak rak ri chu Eglaim khuo chenin ân hriet a nih; khêk rak rak ri chu Beerelim khuo chenin ân hriet a nih.

ISAI 2:16

Tarsis lawng lien po po chunga dâm, thil tehlêm ditum po po chunga dâm khawm la um a tih.

ISAI 23:12

Chun, ama chun, “Aw Zidon nau nunghâk, mi nêksâwr, hlim nâwk ta naw ti nih; tho la, Kittim ramah kai rawh; chutaka khawm chun châwlna hrim hrim hmu chuong naw ti nih,” a ta.

ISAI 23:6

Tarsisah va kai unla; thlierkâra umhai, khêk rak rak ro.

ISAI 24:10

Buoina khawpui chu sukchimin a um tah; tukhawm an lût nawna dingin in tin chu khârin a um tah.

ISAI 60:9

Ama chun a chawimawi che leiin LALPA i Pathien hming ta ding le Israelhai Mi Inthieng ta ding chun i naupasalhai an tangka le rângka- chak leh hlataka inthawka ṭhuoi dingin matheiloin thlierkârhai chun mi nghâk an ta. Tarsis lawng lienhai chun hmasak inchûng an tih.

JEREMIA 2:10

Kittim thlierkârhai chu kai unla, va en ta u; Kedara khawm chun mî tir unla, nguntakin ngaituo ta u; chuong ang thil chu a um hrim am en fie ta u.

JEREMIA 25:15

Israel Pathien, LALPA chun ka kuomah hieng hin a ti sih a: “Hi lung- insenna no ka kuta hi la la, hnam an kuoma ka tirnahai po po che chu indâwntir tâwl rawh.

JEREMIA 25:22

Zidon lalhai po po, Tura lalhai po po, tuisuoriet khêla thlierkâra lal- hai po po leh;

JEREMIA 47:4

ṭhangpuitu la um taphawthai chu Tura le Zidona inthawka sât thlâk dingin, Philistin mihai po po suksietna dinga ni hung tlung chu a ni leiin, Kaphtor thlierkâra la um- sunhai, Philistin mihai chu LALPA chun a sukbohmang ding a ni sih a.

EZEKIEL 26:1

Kum sâwm pakhatna, chu thlaa ni khat ni chun LALPA thu chu ka kuomah a hung tlung a,

EZEKIEL 26:2

“Mihriem naupa, Tura chun Jerusalem chunga chun, E he, hnam tinhai dâi kawtkhâr chu a tliek a ni ta hi; tuhin keia kuom tieng a hung inher tah a, kei chu hluosip nâwkin um ka ta; tuhin ama chu suksiet a ni hi, a ti leiin,

EZEKIEL 27:30

An râwlhai chu i chunga hriet dingin siem an ta, Lungna takin ṭap an tih. Chun, an lu chunga chun pilvutin inthêkhum an ta, Vuta chun anni chu inbuol an tih.

EZEKIEL 27:6

I lawngzâpna an siem Basan thingsaisuohaiin, I ṭuong chu Kittima thing tlo chi saihaa tuomkhumin.

DANIEL 11:30

Kittima lawnghai chun ama an hung rûn ding a ni sih a; chuleiin, lungngai a ta, hung kîr nâwk a ta, Thuthlung Inthieng chunga chun lunginsenna nei a ta, a nuom ang angin thâwng a tih; kîr nâwk a ta, chuong Thuthlung Inthieng nghat- santuhai chu ngaisak a tih.

JONA 1:3

Nisienlakhawm, Jona chu LALPA hmaa inthawka Tarsis-a tlân hmang dingin a tho tah a; chun, Joppa khuoah a zuk feh a, Tarsis khaw pan ding lawng a hmuh a, chuongchun, a chuong man ding chu a pêk a, LALPA hmaa inthawk chun Tarsis pan dinghai le fe dingin lawnga chun a lût thla ve tah a.

NAMBAR 24:24

Kittim rama inthawkin lawnghai hung tlung a ta, Assur le Eber sukrinum a ta. Anni khawm chu bohmang vawng an tih,” a ta.

LUKA 10:13

“Korazin i chung a rik! Bethsaida, i chung a rik! Nangnia thil maktak thawa umhai kha Tura le Sidona thaw ni sienla, saiip puon sila vut laia ṭhungin sim dai tâng an tih.

JOSUA 19:29

chun, ramri chu Ramaa le Tura khawpui kul neia chun ân kuol phei a; chun, ramri chu Hosaah ân kuol phei pei a, chuongchun, Akzib ram tuisuorietah a suok a.