ISAI 22:5 - Pathien Lekhabu Inthieng (BSI)

⁵ LALPA, sipaihai LALPAA in- thawk chun, inlârna ruoma hin buoina le sirdena le lunginzîngna ni a ni sih a; kulpui bang suksietna le tlânghai kona chu.

ISAI 22:5 ပူးပေါင်းရင်းမြစ်များ

2 LALHAI 19:3

Anni chun a kuomah, “Hezekia chun hieng ang hin a tih, ‘Vawisûn ni hi lunginzîngna ni le, halna ni le hmingsietna ni a nih; nauhai chu an pieng a hun ta sih a, nei dingin hrât- na a um ta si nawh.

2 LALHAI 25:10

Chun, vêngtu pâwl hotu kuoma um Kaldai sipaihai po po chun Jerusalem vêla kul chu an sukchim vawng a.

ESTHER 3:15

Lekhathawn phurnahai chu lal thupêkin inhmâwtakin a fe suok tah a; chun, thupêk chu Susa khawpuia inthawka siem a ni bawk a: chun, lal le Haman chu zu dâwn dingin an ṭhung a, Susa khawpui sûng ruok chu buoi namênin a buoi nawh a.

ISAI 10:6

Râllâk la ding le, thil lâkpêk la ding le kawtthlêr chirhak anga sir dingin ama chu Pathien inza naw hnam do dingin tir ka ta, ka lunginsenna mihai chu thaw dingin thu pêng ka tih.

ISAI 22:1

Inlârna ruom phurrik chu. Ieng am in ti a ni leh, in chunga dâm in lâwn vawng leh?

ISAI 25:10

Hi tlânga hin LALPA kut chu innghat a ta. Moab chu, bupâwl chu êkthlia sirdea a um hlak ang hin, ama hmunah sirdein a um ding a ni sih a.

ISAI 37:3

Anni chun a kuomah, “Hezekia chun hieng ang hin a tih, ‘Vawisûn ni hi lunginzîngna ni le hmingsietna ni a nih, nauhai chu an pieng a hun ta sih a; anni chu nei dingin hrâtna a um ta si nawh,

ISAI 5:5

Tuhin ka grêp huon chunga ka thaw ding chu hril ka ti cheu; a hling pal chu la hmang ka ta, fâk zoin um a ta, a lung pal chu sukchim ka ta, sirdein um a tih.

ISAI 63:3

Keima chauin grêp sâwrna khurah ka sirsâwr a; mi tin laia mi pakhat khawm ka kuomah an um nawh a, anih, anni chu ka lungin- senin ka sir a, ka lunginsenin ka chîl a; chuongchun, an hringna thisen chu ka silfênahai hin thein a um a, ka puon po po hi ka sukpawrche tah a.

ISAI 63:6

Chuongchun, mi tin chu ka lung- insenin ka sirdeh a, ka lunginsenin ka sukrui a, an hringna thisen chu hnuoiah ka bunthlâk tah.

JEREMIA 30:7

Ahei, chu ni chu a ropui sih a, chu ang hrim chu a um nawh a, Jakob buoina hun ngei chu a ni el a nih; nisienlakhawm, chutaka inthawk chun sansuokin um a tih.

ṬAP HLA 1:5

A khingtuhai chu lu an hung na, a hmêlmahai chu an hung hlawtling a; A bawsietna tamtak el lei chun LALPAIN ama chu a sukrimsi sih a, A nau le têhai chu a hmêl- mahai hmaa chun salah an feh a.

ṬAP HLA 2:2

LALPA chun Jakob ram hluohai po po chu a lem zo vawng a, a lunginsiet nawh, Juda naunu kul dethai chu a lunginsen chun a keichim a; Hnuoiah a hung tethlûk a; Lalram le lalhai khawm chu a suktlâwm tah a.

ṬAP HLA 2:8

LALPA chun Zion naunu kul chu suksiet a tum tah a; Rînin ân khi vawng tah a, suksietnaa inthawk chun a kut keitîm ta naw ni; Kul le a daihai chu ân sûntir a, an ngui hmunkhat ve ve a.

EZEKIEL 7:7

Aw ram hluotu, i chungrikna chu a hung tlung tah; a hun chu a hung tlung a, a ni chu a hnai tah, tlâng chunghaia hlimna khêk rihai ni loin, buoina ni chu.

HOSEA 10:8

Israel suolna Aven hmun insânghai khawm chu suksiet nîng a tih, An mâichâmahai chun hling le hlohlingnei hung ṭo a tih. Tlâng kuoma chun, “Mîn khum rawh,” tîng an ta; Muol kuoma chun, “Mi del rawh,” tîng an tih.

MIKA 7:4

Anni laia mi ṭhatak khawm chu buor ang a na, mi indiktak khawm chu hlohlingnei nêkin a se lem; i vêngtuhai ni, fanga i um ni ngei chu a hung tlung tah, chu chu an lungin- zîngna ni nîng a tih.

ZEPHANIA 1:15

Chu ni chu lunginsenna ni, buoina le rinumna ni a na, sietna le sukrêmna ni, inthimna le lungzîngna ni, sûm zîngna le inthim sâmup ni,

MATTHAI 24:16

Juda rama umhai chu tlânga dâm tlân hmang raw hai se;

LUKA 23:30

Chu pha chun mihaiin tlâng kâwla dâm, ‘Mi del rawh,’ la tîng an ta; muol kâwla dâm, ‘Mîn khum rawh,’ la tîng an tih.