ISAI 22:25 - Pathien Lekhabu Inthieng (BSI)

²⁵ Chu nia chun, kilna, hmun nghettaka kil tlata um chun la dâwl naw nih; sât thlâka umin, tla tâng a ta, a chunga thil rik um chu sukbo- hmangin um tâng a tih, LALPAIN chu chu a hril ta si, sipaihai LALPA chun a tih,” tiin.

ISAI 22:25 ပူးပေါင်းရင်းမြစ်များ

INPÂKNA HLABU 146:3

Mi lienhai chu ring naw unla, Mihriem naupa ṭhangpuina hrim hrim um nawna chu, ring bawk naw ro.

INPÂKNA HLABU 52:5

Pathien chun kumkhawtluonga dingin sukse vêng a ti che, Man a ti cheh a, i umnaa inthawkin kei dawk a ti cheh a, Mi hring rama inthawk hin kei suok dai a ti che.

ISAI 22:23

Ama chu kilna hi hmun dettaka an kil tlat angin, sukdet tlat ka ta, chuongchun, ama chu a pa sûnghai ta dingin lalṭhungpha ropuitak ding nîng a tih.

ISAI 22:24

Amaa chun a pa sûnghai ro- puina po po chu la khai vawng an ta, a nauhai le a thlahai, bûr le bêl chîn tinrêng, berbu bûr le bêla inthawka tui siena bûr le bêl po po chenin.

ISAI 46:11

khawsak tienga inthawkin vate hnukinrâwltak, ram hlataka in- thawka ka mi ruot chu ka ko a, anih, ka hril tah a, muolsuo bawk ka tih; ka tum tah a, thaw bawk ka tih.

ISAI 48:15

Kei, keima ngei hin thu ka hril tah a; anih, ama chu ka ko a, ka ṭhuoi a, a lampui chu suktluong pei ka tih.

JEREMIA 4:28

Hi hi lei hin leihnuoi chun sûn a ta, chun, chunga vânhai inthim a tih; ka hril ta leiin, ka tum tlat tah a; kân sîr bawk nawh a; chutaka inthawk lamlêt bawk naw ning.”

EZEKIEL 5:13

“Chuongchun, ka lunginsenna chu sukpuitling ni tâng a ta, ka lung inthakna chu an chunga chun suktlai tâng ka ta, inhawi ti tâng ka tih; chun, an chunga ka lung inthakna ka sukpuitling pha chun kei LALPA hin ṭhahnemngaia ka lo hril a ni ti hre tâng an tih.

EZEKIEL 5:15

Chuongchun, vauna ṭiumhai le, lunginthak le lunginsennaa rorêlna- hai ka hung suktlung pha chun, i vêla hnam umhai ta ding chun makti ding le, inchûkna ding le, hrânghla le, invaunaa hmang la nîng a tih, kei LALPA hin ka hril tah a nih:

EZEKIEL 5:17

in chunga chun ramsa ṭha naw- hai le ṭâmhai hung tir ka ta; nau insûntir an ti cheu; chun, hripuihai le thisen chu nangmaa chun fe thleng a ta; i chunga chun kâwlhnâm ka hung lâk suok ding a nih; kei, LALPAIN ka hril ta a ni hi,” tiin.

MIKA 4:4

Mi tinhai chu an grêp hrui hnuoia le an theichang kûng hnuoiah ṭhung lem an ta, tukhawma sukṭi naw ni hai; sipaihai LALPA bau chun a hril tah a.