ISAI 22:12 - Pathien Lekhabu Inthieng (BSI)

¹² Chu nia chun LALPA, sipaihai LALPA chun, ṭap ding le, âwm inchum ding le, lu sukkawl ding le, saiip puon dierkei dingin a ko a;

ISAI 22:12 ပူးပေါင်းရင်းမြစ်များ

2 CHANCHIN SUINA 35:25

Chun, Jeremia khawm chun Josia chu a sûn a; vawisûn ni chen hin, hlasaktu pasal le hlasaktu nuhmeihai khawm chun Josia an sûnna hla chu an lân sam a; Israel rama chun thupêkhaiah an siem a, chuong chu, ngai ta, sûnnaa chun ziek an nih.

EZRA 9:3

Hieng thu hi ka hriet phing chun ka silfên le ka zakawfuol chu ka keithlêr a, ka lua ka sam chu ka phawi ṭil a, ka khâkhmul leh; mak- titakin ka ṭhung tah a.

NEHEMIA 9:9

Aigupta rama kan pi le puhai rinumzie chu i hmu zing a, Tuisuoriet Sen kama an khêkri chu i hriet a;

JOB LEKHABU (THE BOOK OF JOB) 1:20

Chun, Job chu a tho a, a puon a keithlêr a, a lu a vâwkawl a, hnuoi chunga bawkkhupin Pathien chibai a bûk tah a.

THUHRILTU 3:11

Thil tinrêng chu mâni hun senga mawi dingin a siem a; a bula inthawka a tâwp chena Pathienin sin a thaw chu mihriemin a hriet suok thei nawna dingin, an lungrilah khawvêl chu a ruotdet bawk a.

THUHRILTU 3:4

Ṭap hun le innui hun a um a, Sûnna hun le lâm hun a um a;

ISAI 15:2

Dibon mipui chu bâwlhmuna hai chun ṭap dingin an hang fe a, Moab- hai chun Nebo le Medeba chu an ṭapkhum rak rak a, an lu po po a kawl vawng a, khâk hmul tinrêng khawm vawin a um ta vawng a nih.

ISAI 26:10

Mi rilo chu ditsakin um sienla khawm, felna inchûk chuong naw nih: indikna rama chun indik naw- takin thâwng a ta, LALPA ropuina hmu chuong naw ni.

ISAI 29:1

E Ariel, Ariel, David umhmun khuorna khuo! kumah kum bel ro; ruoiṭhe hunhai chu hung tlung nâwk raw se;

ISAI 3:24

Chun, mawsawla rim inhniktak aiah thil hmawn um a tih; kâwnghrên aia chun hruihruol um bawk a tih; sam inkir bap aiah lukawlna um a ta; puon mawitak aiah saiip puon dierkei um a tih; hmêl ṭhat aiah thîr linga depsietna um a tih.

ISAI 32:11

Nuhmei um mei meihai, inthin ro; mi ngaisamhai, lunginzîngtakin um ro, inhlîp unla, saruokin insiem unla, in kâwngahai chun saiip puon bi ro.

ISAI 37:1

Lal Hezekia chun chu chu a hriet phingleh a silfênhai chu a keithlêr a, saiip puon ân bel a, LALPA ina chun a lût tah a.

ISAI 37:2

Chun, a sûnghai chunga hotua um Eliakim le lekhaziektu Sebna le thiempuhai upahai chu saiip puon inbelin Amoz naupa zâwlnei Isai kuomah a tir a.

ISAI 58:3

‘Ieng leiin am bu kan nghei a i hriet si naw a, ieng leiin am kan insukrimsih a i hriet si naw maw?’ an ti hlak a. Ngai ta u, in bu nghei ni chun nangni nunkhuo in phâm a, in sinthawtuhai po po in nêksâwr hlak.

JEREMIA 16:6

Hi rama hin a lien le a chîn khawm thîng an ta; phûmin um naw ni hai a, mihai khawma anni chu ṭa naw ni hai, anni le anni khawm in ât naw ni hai, an ta dingin an lu suk- kâwk bawk naw ni hai;

JEREMIA 16:8

Anni le ṭhunga, faa, dâwn dingin ruoiṭhena inah i fe ding a ni nawh.

JEREMIA 4:8

Hi hi lei hin saiip puon dierkei unla, sûn unla, ṭap inrûm ro; LALPA lunginsenna ṭium chu einia inthawk- in a hnungkîr si nawh a.

JEREMIA 7:29

Aw Jerusalem, i sam chu tan rawh, peihâwn la, bâwlhmun tlânga- hai chun sûnna siem rawh; LALPA chun a lunginsenna thlahai chu a nghatsanin a hnâwl ta sih a.

EZEKIEL 27:31

I ta dingin invâwkawl an ta, saiip puonin inthuom an ta, Rinumtitaka sûna, lungrila natitakin ṭâng an ti che!

DANIEL 5:1

Lal Belsazzar chun a lalhai sâng khat ta dingin ruoi ropuitak a ṭheh a, sâng khat hmaa chun uoin a dâwn tah a.

HOSEA 9:1

Aw Israel, lâwm naw ta, Hnam danghai angin hlim so luom naw rawh; I Pathien chu nawchi i zawr san a, Hrizâwl tina chun nawchizawr ruoi man chu i ngaina sih a.

JOEL 1:13

Nangni thiempuhai, saiip puon dierkei unla, ṭap ro; nangni mâichâm rawngbâwltuhai, khêk rak rak ro; nangni ka Pathien rawngbâwltuhai, hung unla, saiip puon silin zânkhaw- vârin zâl ro: in Pathien ina inthawk chun beiphit inhlân le dâwn ding inhlân chu khap a ni sih a.

JOEL 1:8

Nunghâkin saiip puon bil a, a ṭhat- lai pasal a sûn angin ṭap rak rak ro.

JOEL 2:12

LALPA chun, “Chuong sa khawmin tuhin in lungril po poin, bu ngheiin, ṭapin, lungngaiin keia tieng hung ngha unla;

JOEL 2:17

Thiempu, LALPA rawngbâwl- tuhai chu, tuolpûk le mâichâm inkâra chun ṭap sienla, “Aw LALPA i mihai hla la, i rochanhai hi hrilsieta uma hnamhaiin an chunga ro an rêlpêk dingin pe naw rawh: ‘An Pathien chu khâw lai am a um ta leh,’ tiin an mipuihai lai chun ieng dingin am tîng an ta?” ti raw se.

AMOS 8:10

In ruoiṭhehai chu lungngainaa le in hlahai po po chu ṭapnaah inchangtir ka tih; kâwng po po chu saiip puon indierkeitir ka ta, lu tin sîpa chun kâwkna hung intlungtir ka tih; chun, naupa khât nei sun ta dinga lungngaina ang le, a tâwpna chu khâkna ni angin siem ka tih.

JONA 3:6

Chuong thu chu Ninevi khaw laltak nahrietah a hung tlung tah a, a lalṭhungphaa inthawk chun a tho a, a lal puon chu a hlîp thlâk a, saiip puon a sil a, vut lai a ṭhung tah a.

MIKA 1:16

Invâw kawl la, i nau dittakhai lei chun invâw kawl rawh; mulukawl ang elin insukkawl nasa rawh, i kuoma inthawka sala ṭhuoiin an um ta sih a.

JAKOB 5:1

Mi hausahai, ngai ta u khai! In chunga rinum hung tlung ding zing lei chun ṭap unla, khêk rak rak ro.