ISAI 21:9 - Pathien Lekhabu Inthieng (BSI)

⁹ ngai ta, hitaka hin mihriem pâwl, sakawr chung chuong a kawp peia fe an hung ie,” tiin. Chun, ama bawk chun, “Babulon khuo chu a tlâwm tah, a tlâwm tah; an thiempu- hai milim siem fâwmhai po po chu hnuoia suknâwiin a um tah,” tiin a dawn a.

ISAI 21:9 ပူးပေါင်းရင်းမြစ်များ

ISAI 13:19

Chun, Babulon ramhai ropuina, Kaldai mihai isuong thil mawitak chu, Pathienin Sodom le Gomorra a sukbohmang lai ang khan la um a tih.

ISAI 14:4

hi tîelna thu hi Babulon lal khêkkhumin la hril i tih, “Iengtizie am a na, nêksâwrtu chu a va re ta de! Iengtizie am a na, rângkachak khawpui chu a va re ta de!

ISAI 2:18

Chun, milimhai chu bohmang dai an tih.

ISAI 21:7

Chun, sipai pâwl dâm, sakawr chung chuong a kawp peia fe dâm, sabengtung pâwl dâm, sanghâwngsei pâwl dâm, a hmu pha chun ngun- takin ngai kieu a tih,” tiin.

ISAI 47:5

Aw Kaldai naunu, to zingin ṭhung la, inthim hnuoiah lût ta, “Ram tin lalnu,” an ti ta naw ding che a nih.

ISAI 47:9

hieng thil pahni: nauhai chânna le hmeithaina hin, ni khat thil thuah, mitkhapkâr loah, a hung nang lem ding che a nih; i dâwi hmangna chu tam hlein i invêngna chu tam rei rui sienla khawm, chuong chu nasatakin i chungah a hung tlung ding a nih.

ISAI 48:14

Nangni rawi po pohai, inkhâwm unla, ngai ro; anni lai chun tuin am hieng thil hi a hril hlak a? LALPA chun ama chu a hmangai a, ama chun Babulon chunga chun a dit zâwng thâwng a ta, a bân chu Kaldaihai chungah inletin um a tih.

JEREMIA 50:29

“Thalkâptuhai, thalngul kuoi- hai po po chu Babulon chunga chun ko khâwm ro; a vêl el chun riekngha unla, chutaka inthawk chun tu- khawm insuokthlengtir naw ro; a sinthaw ang pei chun ama chu thung unla, a lo thaw ta ang tak khan ama chungah thaw ve ro; LALPA chungah, Israel Mi Inthieng chunga chun a lo chapo ta sih a.

JEREMIA 50:38

A tuihai chunga chun kangna a um a, kangchat an tih; milim ker- fâwm ram a na, milimah an invêt ri ngawt el a ni sih a.

JEREMIA 50:42

Anni chun thalngul le fei an chawi a; an rilo hle a, lunginsietna an nei nawh; an râwlhai chu tuisuoriet angin ân rûm a, sakawr chungahai chun an chuong a; Aw Babulon nau- nu, nangma chunga chun, indonaa mi angin, mi tin chu an intlar a nih.

JEREMIA 50:9

Ngai ta u, hmârtieng rama inthawka hnam ropuitak inkhâwm chu Babulon hung rûn dingin hung chawktho ka ta, in hungtir ka tih; a chunga chun hung intlar an ta; chutaka inthawk chun lâkin um a ta, an thalhai chu mi hrât indo thiemtak a thlâwna kîr nâwk ngai naw ang a nih.

JEREMIA 51:27

Rama chun indo puonzâr chu khai unla, hnamhai laia chun taw- tawrâwt mût unla, hnamhai chu ama do dingin buotsai ro; ama chunga chun Ararat dâm, Minni dâm, Askenaz lalramhai chu ko khâwm unla, a chunga chun sipai hotu lien inruot unla, sakawrhai chu khâu hawn angin inhungtir ro.

JEREMIA 51:44

Babulona Bêl chu hrem ka tih; a ilem tahai khawm chu a baua in- thawkin hung la suokpêk ka tih; chuongchun, hnamhai chu ama kuoma chun luong hmunkhat ta ngai naw ni hai a, anih, Babulon kulbang chu chim a tih.

JEREMIA 51:47

Chuleiin, ngai ta u, nihai chu a hung tlung mêk, Babulona milim kera siemhai chunga chun rorêl ka ta, a ram pumpui chu inzak a tih; a ithathai po po khawm chu a sûnga chun tlûng an tih.

JEREMIA 51:52

Chuleiin, ngai ta u, nihai chu a hung tlung mêk, a milim kera siem- hai chunga chun rorêlna nei ka ta, a ram sûng po poa chun hliemhai chu inrûm an tih, LALPAIN a tih.

JEREMIA 51:64

chun, ‘Hieng ang bawk hin Babulon chu tlumhmang a ta, a chunga thil ṭha naw ka hung in- tlungtir dinghai lei chun tho nâwk ta ngai naw nih a, rimsi hle tâng an tih,’ ti rawh,” a ta. Jeremia thuhai chu chu chen chu a nih.

JEREMIA 51:8

Babulon chu a tlu thut a, suksietin a um a; ama ta dingin ṭap inrûm unla; a natna ta dingin thinghnai damdawi la unla, chuong- chun, a hung dam khiet rawi mawh.

THUPUONGSUO 14:8

Chun, vântirko dang, a pahnina chun, “Babulon khaw ropui, a mi dit chîngna leia lunginsenna uoiin hnam po po indâwntirtu chu, a tlâwm tah!” tiin a hung zui a.

THUPUONGSUO 18:2

Chun, ama chun rawl inring- takin, “Babulon khaw ropui chu a tlâwm tah, a tlâwm tah! khawhrihai umna le, thlarau inthiengnaw tin- rêng kulbîng le, vate inthiengnaw le tirdakum tinrêng kulbîng a hung ni tah.

THUPUONGSUO 18:21

Chun, vântirko hrâttak hin burawtnawina lung lientak ang hi lung a lâk a, tuisuorietah a peithlâk a, “Babulon khaw ropui chu hieng anga nasa hin peithlâk nîng a tih, tûkhawmin hmu nâwk ta naw tawp an tih.