ISAI 21:2 - Pathien Lekhabu Inthieng (BSI)

² Inlârna khirkhântak el ka kuomah inhriettir a ni tah; vervêktaka thawtu chun vervêktakin a thawh a, rawktu chun a rawk a. Aw Elam mihai, hang fe ro; aw Media mihai, inhuol ro; an inrûmna po po chu ka sukbo vawng tah.

ISAI 21:2 ပူးပေါင်းရင်းမြစ်များ

INṬANNA 10:22

Sem naupasalhai chu: Elam, Assur, Arpaksad, Lud le Aram an nih.

2 LALHAI 17:6

Hosea kum kuo ân lal kum chun Assuria lal chun Samari khuo chu a lâk a, Israel mihai chu Assuria rama chun a ṭhuoi a, Hala rama dâm, Gozan rama Habor vadunga dâm, Media mihai khuoa dâm ân umtir a.

INPÂKNA HLABU 119:158

Vervêktaka thawtuhai chu, ka en a, ka lungni nawh a, I thu an zâwm naw leiin.

INPÂKNA HLABU 12:5

LALPA chun, “Rimsihai an nêksâwr lei le, pasiehai inrûm lei chun, Tho nghâl el ka ta, An innuisan chu himtakin inumtir ka tih,” a tih a.

INPÂKNA HLABU 25:3

Anih, nangma nghâktu hrim hrim chu tukhawm muolphoin um naw ni hai, A san um loa vervêktaka thawtuhai ruok chu muolphoin um an tih.

INPÂKNA HLABU 60:3

I mihai hi thil inkhawtakhai în tuoktir a, Pêmna uoin chu i mîn dâwn tir tah a.

INPÂKNA HLABU 79:11

Mi intâng inrûm ri chu i hmaah tlung sienla, I thilthawtheina nasatzie ang peiin thi dinga ruothai chu humhim rawh.

THUVARHAI 13:15

Hrietthiemna ṭha chun ditsakna a chang a, Mi ringum naw lampui ruok chu a kherinkhâwng.

ISAI 11:11

Chun, chu nia chun LALPA chun a mihai, a thi mahla la um sun, Assuria rama inthawk dâmin, Aigup- ta rama inthawk dâmin, Pathros rama inthawk dâmin, Kus rama inthawk dâmin, Elam rama inthawk dâmin, Sinar rama inthawk dâmin, Hamath khuoa inthawk dâmin, tuisuoriet thlierkâra inthawk dâma la nâwk dingin a vawi hninaa chun a kut la phar nâwk a tih.

ISAI 14:4

hi tîelna thu hi Babulon lal khêkkhumin la hril i tih, “Iengtizie am a na, nêksâwrtu chu a va re ta de! Iengtizie am a na, rângkachak khawpui chu a va re ta de!

ISAI 14:7

Leihnuoi pumpui hi a châwl a, a re vawng vawng a; hla an sak suok phut a.

ISAI 22:6

Chuongchun, Elam mihai chun thal bâwm an chawi a, mihriem chuongna tawlailîrhai le sakawr chung chuong mihai leh; Kir mihai chun phaw tuomna chu an sût a.

ISAI 24:16

Kâwlkawdawnga hla sakhai kan hriet a, “Mi felhai kuomah ro- puina um raw se,” ti hla hi. Nisien- lakhawm, kei chun, “Ka chêr deu deu a, ka chêr deu deu a, ka chung a rik ie! vervêktaka thawtuhai chun vervêk- takin an thawh a, anih, vervêktaka thawtuhai chun vervêktakin an thaw,” ka tih a.

ISAI 33:1

Nang rawk tuok ngai si loa, rawktu, vervêktaka thaw tuok ngai si loa, vervêktaka thawtu, i chung a rik ie! Mi rawk i bân phaleh, rawk la tuok vêng i ta; vervêktaka i thaw zo phaleh i chungah vervêk- takin thâwng an tih.

ISAI 35:10

chun, LALPA intlanhai chu kîr nâwk an ta, hla sak pumin Zion chu tlung an tih; chatuona lâwmna an lu chungah um tâng a ta, hlimna le lâwmna hmûng an tih, lungngaina le inrûmna chu bo tâng a tih.

ISAI 47:6

Ka mihai chungah ka lunginsen a, ka rochan chu ka sukpawrcheh a, i kutah pêng ka ti cheh a, nang chun an chungah lunginsietna hrim hrim în langtir naw a, tarhai chung chena khawm i rîngkawl riktak chu în nghat a.

JEREMIA 25:25

Zimri lalhai po po, Elam lalhai po po, Media lalhai po po leh;

JEREMIA 31:20

Ephraim hi ka naupa dittak am a nih? Ama hi naupang tiawi am a nih? Ama ka thunun pha, ama chu ka hriet zing tlat el hi? Chuleiin, ka lungril chun ama ka lainat a; matheiloin, ama chunga chun zâ- ngaina nei ngei ka tih, LALPA chun a tih.

JEREMIA 31:25

Mi chauhai chu ka suktlai a, mi lungngai tinhai khawm chu ka sukhar bawk a.

JEREMIA 45:3

‘LALPA chun ka natna chunga hin lungngaina chu a belsa si a, ka chung a va rik de! kân rûmna leiin ka chau a, sâwldamna hrim ka hmu nawh,’ i tih a.

JEREMIA 49:34

Juda lal Zedekia rorêl ṭantir lai Elam chungthua zâwlnei Jeremia kuoma LALPA thu hung tlung chu:

JEREMIA 49:35

“Sipaihai LALPA chun hieng hin a tih: Ngai ta u, an thilthawtheina laili Elam thalngul chu sukthliek ka tih.

JEREMIA 50:14

Babulon chu a vêlin nangni khawma intlar khum ro, thalngul kuoituhai, ama chu kâp unla, thal chu ren naw ro, LALPA chungah thil a lo suksuol ta sih a.

JEREMIA 50:34

Anni sanhimtu chu a hrât a, a hming khawm, sipaihai LALPA a nih, ama chun an chungthu chu ṭan tlat a ta; hnuoi chunga chun châwlna a pêk thei a, Babulon hluotuhai ruok chu a sukto ṭawkṭawk nawna dingin.

JEREMIA 51:11

Thalhai chu tâtngei unla, phawhai chu chel det ro; LALPA chun Media lalhai lungril chu a hung chawktho ta sih a; a remruot chu Babulon do le suksiet chu a na, LALPA phuba lâkna, a biekin phuba lâkna chu a ni sih a.

JEREMIA 51:44

Babulona Bêl chu hrem ka tih; a ilem tahai khawm chu a baua in- thawkin hung la suokpêk ka tih; chuongchun, hnamhai chu ama kuoma chun luong hmunkhat ta ngai naw ni hai a, anih, Babulon kulbang chu chim a tih.

JEREMIA 51:53

Babulon chu vân chenin vûm sienkhawm, a hrâtna insâng khawm chu la sukhrât zuol pei sienkhawm, keia kuoma inthawkin suksetuhai an hung ding a ni sih a, LALPA chun a tih.

ṬAP HLA 1:22

An khawhlonahai po po chu i hmaa chun hung tlung sienla, Ka bawsietnahai po po leia ka chunga i thaw ang khan an chunga khawm thaw ve rawh. Ka thuokdawngnahai chu tamtak an na, ka lungril khawm a chau a nih.

DANIEL 5:28

PERES chu ‘I ram chu ṭhe a ni tah a, Media le Persia mihai kuom- a chun pêk a ni tah,’ tina a nih,” tiin.

DANIEL 5:9

Chuongchun, lal Belsazzar chu nasatakin a lunginzîng tah a, a hmêl chu a hung danglam a, a lalhai khawm chu an lunginzîng nasa hleh a.

DANIEL 8:2

Chun, thil hmulâwka chun ka hmuh a; Hieng ang hi a lo nih a, thilhmulâwk ka hmu lai chun, Elam rama lal in, Susaa chun ka lo um a; thil hmulâwka chun ka hmuh a; Ulai vadung kâwlah ka lo um a.

DANIEL 8:20

Berâmchal ki pahni nei i hmu kha Media le Persia lalhai an na.

THUPUONGSUO 13:10

Tûkhawm sala um ding ani chun salah a um hlak, tûkhawmin kâwlhnâma mi a that chun kâwl- hnâma that ding a nih. Hitaka hin mi inthienghai selna le ringna inlang theina a um.

1 SAMUEL 24:13

Tienlai mihai thuvarin, ‘Mi suola inthawkin suol a hung suok hlak a,’ a tih a, nisienlakhawm, i chungah kut thlâk naw ning,