ISAI 20:1 - Pathien Lekhabu Inthieng (BSI)

¹ Assuria lal Sargon tirin Tartan chu Asdod khuoah a hung a, Asdod khuo chu a thawh a, a lâk kum khan;

ISAI 20:1 ပူးပေါင်းရင်းမြစ်များ

2 LALHAI 18:17

Chun, Assuria lal chun Tartan dâm, Rabsaris hai dâm, Rabsake hai dâm sipai tamtak leh Lakis khuoa inthawkin Jerusalem khuoa lal Hezekia kuoma chun a tir a. Chun, Jerusalem khuo chu an hang tlung a. An hang tlung chun puon sâwptu phûl lampuia dîl sakhnung lem, tuilâkna kâwla chun an ngîr a.

2 CHANCHIN SUINA 26:6

Chun, a fe suok a, Philistin mihai ân dopui a; Gath kul le, Jabne kul le Asdod kul chu a suk- siet a; chun, Philistin mihai laia le Asdod biela chun khuohai a siem bawk a.

ISAI 14:31

Aw kawtkhâr, khêk rak rak rawh; aw khawpui, khêk rawh; aw Philistin, i pumin, în tuihmang zo tah; hmârtienga inthawkin meikhu a hung suok sih a; an hun ruotahai chun ân hnu hrim an um ngai nawh.

JEREMIA 25:20

mi chilakhai po po, Uz rama lalhai po po, Philistin mihai rama lal po pohai, (Askelon, Gaza, Ekron le Asdoda la mahlahai leh);

AMOS 1:8

chun, Asdod khuoa inthawka hluotuhai le Askelon khuoa inthawka lal hmawl chawituhai chu sukbo- hmang ka tih; chun, Ekron khaw chungah ka kut inlet ka ta, chun, Philistin mi la umhai chu bohmang an tih,” Lalpa PATHIEN chun a tih.

JOSUA 11:22

Israel thlahai rama chun Anakim mihai chu pakhat khawm um an um ta dêr nawh a, Gazaa dâm, Gatha dâm, Asdoda dâm ruok chun chu a um an la um a.

1 SAMUEL 5:1

Chuongchun, Philistin mihai chun Pathien bâwm chu an lâk a, Ebenezera inthawk chun Asdod khuoah an fepui tah a.

1 SAMUEL 6:17

Philistin mihaiin rângkachak ngâwt lim LALPA kuoma bawsietna inthâwina dinga an inhlân chu hieng zât hi a nih; Asdod khaw puolin pakhat, Gaza khaw puolin pakhat, Askelon khaw puolin pakhat, Gath khaw puolin pakhat, Ekron khaw puolin pakhat;