ISAI 19:23 - Pathien Lekhabu Inthieng (BSI)

²³ Chu nia chun Aigupta rama inthawkin Assuria ram chenin lam- lien um a ta; chuongchun, Assuria mihai chu Aigupta ramah fêng an ta, Aigupta mihai chu Assuria ramah fe bawk an tih; Aigupta mihai chun Assuria mihai leh Pathien chu chibai bûk hmunkhat tâng an tih.

ISAI 19:23 ပူးပေါင်းရင်းမြစ်များ

INPÂKNA HLABU 87:4

A mi hretuhai lai an ṭhang ve ti, Rahab le Babulon chungchâng thu hril ka tih; Philistin le Tura hi, Ethiopia le hin, en ta u; Hi mi hi chutaka pieng chu a nih.

ISAI 11:11

Chun, chu nia chun LALPA chun a mihai, a thi mahla la um sun, Assuria rama inthawk dâmin, Aigup- ta rama inthawk dâmin, Pathros rama inthawk dâmin, Kus rama inthawk dâmin, Elam rama inthawk dâmin, Sinar rama inthawk dâmin, Hamath khuoa inthawk dâmin, tuisuoriet thlierkâra inthawk dâma la nâwk dingin a vawi hninaa chun a kut la phar nâwk a tih.

ISAI 11:16

Chuongchun, Aigupta rama inthawka an suok nia, Israelhai ta dinga lamlien a lo um ang khan a mihai thi mahla la um sunhai ta ding chun Assuria rama inthawkin lamlien hung um a tih.

ISAI 19:24

Chu nia chun Israelhai chu Aiguptahai le Assuriahai pathumtu nîng an ta, hnuoi lailia hin malsâwm- na nîng an tih;

ISAI 2:3

Chun, chi tamtakhai chu fêng an ta, “Hung unla, LALPA tlângah, Jakob Pathien ina chun, hang fêng ei tiu; chuongchun, ama chun a lampui chanchinhai chu mîn chûktir a ta, a lampuiahai chun fêng ei tih,” tîng an tih. Ziona inthawk chun dân thu chu a hung suok ding a ni sih a. LALPA thu chu Jerusalema inthawkin a hung suok ding a nih.

ISAI 27:13

Chu nia chun tawtawrâwt lientak mût an ta; chuongchun, Assuria rama bohmang vâng vânghai le, Aigupta rama hnawtdawka umhai chu hung an ta; Jerusalem khuoa tlâng inthienga chun, LALPA chu chibai bûk an tih.

ISAI 49:11

Chuongchun, ka tlâng po po chu lampuiah siem ka ta, ka lamlienhai chu suksângin um bawk a tih.

ISAI 49:7

LALPA Israelhai intlantu le an Mi Inthieng chun, nasataka hmusita um le hnamhai iten, rorêltuhai sie- hlaw kuoma chun hieng ang hin a hril, “LALPA ringum, Israelhai Mi Inthieng, nangma thlangtu lei khan lalhaiin hmûng an ta, tho an tih; mi lienhai khawma chibai bûk an tih,” tiin.

ISAI 62:10

Suok unla, kul kawtkhârahai chun suok ro; mihai ta dingin lampui buotsai unla, sung pâwng unla, lamlien chu sung pâwng ro; lunghai chu rût fai unla, mihai ta dingin inchikna târ suok ro.

ISAI 66:23

Chun, hieng hi hung nîng a ta, thla thara inthawka thla thar dang chenin, châwlnia inthawka châwlni dang chenin mi po po ka hmaa chibai mi bûk dingin hung zut zut an tih, LALPAIN a tih.

MIKA 7:12

Chu nia chun Assuria le Aigupta khawpuia inthawk dâm, Aigupta le Vadung tlung raka in- thawk dâm, tuisuoriet le tuisuoriet inkâra inthawk le, tlâng le tlâng inkâra inthawk dâm chun, i kuomah hung an tih.