ISAI 19:20 - Pathien Lekhabu Inthieng (BSI)

²⁰ Chu chu Aigupta rama sipaihai LALPA ta ding chun inchikna le hrietna nîng a tih, nêksâwrtuhai leiin LALPA chu an la ko ding a ni sih a; chuongchun, ama chun sandamtu le humhimtu tir a ta, ama chun annirawi chu sansuok a tih.

ISAI 19:20 ပူးပေါင်းရင်းမြစ်များ

INPÂKNA HLABU 50:15

Chun, lunginzîng ni chun mi ko la, Sanhim ka ti che, chuongchun, nangin i mi chawimawi ding annâwm,” a tih a.

FESUOKNA 2:23

Chuong ni tamtak sûng chun Aigupta lal chu a thi tah a. Israel thlahai chu an intângna lei chun an thuok a dawng hleh a, Pathien an ko a, an intângna leia ama an kona chun Pathien kuom a tlung tah a.

FESUOKNA 3:7

Chun LALPA chun, “Aiguptaa ka mihai rimsikzie chu feltakin ka hmuh a, an sinthaw hotuhai sukrimsikna leia an khêkri khawm chu ka hriet a, an tuornahai chu ka hriet a,

ISAI 19:4

Chun, Aigupta mihai chu hotu nunsetak kutah inhlân ka ta; lal nunsetakin an chungah ro rêl tâng a tih, Lalpa, sipaihai LALPA chun a tih.

ISAI 20:4

Assuria lal chun Aiguptahai manhai le Ethiopiahai salhai chu, a nuhmei a pasalin, saruok le kekawk bun lo le mawng inlangin Aiguptahai muolphona dingin ṭhuoi hmang a tih.

ISAI 37:36

Chuongchun, LALPA vântirko chu a va suok a. Assuria mihai riekhmuna chun mi nuoi khat, sing riet sâng nga a sukhlum a; chun, zîngkâra mi an hang tho chun ngai ta, mithi ruong khât ngawt a lo ni tah a.

ISAI 43:11

Kei, keima ngei hi, LALPA chu ka nih; keima naw chu sandamtu hrim hrim an um nawh.

ISAI 43:3

Kei hi LALPA in Pathien Israel- hai Mi Inthieng, nangni sandamtu ka ni sih a; nangni intlanna dingin Aigupta ram ka pêk a, Ethiopia le Seba ramhai chu nangni aiah ka pêk a.

ISAI 45:15

Aw Israelhai Pathien, Sandam- tu, Pathien inthup hlak chu i ni ngei el.

ISAI 52:5

Chuongchun, hitaka hin tuhin ieng am a na ka thaw ding? Ka mihai hi iengkhawm ni loa ṭhuoi hmangin an um sih a, LALPAIN a tih a, an chunga rorêltuhai chu an khêk tuor tuor a, LALPAIN a tih, ka hming hi sûnnithlâk thlâka hrilsietin a um hlak.

ISAI 55:13

Hlohlingnei nêk chun fâr mâwng lem a ta, buor nêk chun inhmui mâwng lem a tih; chu chu LALPA ta dinga hmingṭhatna ding le, kum- khawtluonga inchikna sukbohmanga um lo ding nîng a tih.

ISAI 60:16

Chun, hnam tin nênetui fâwp i ta, lalhai nêne khawm nêng i tih; kei LALPA hi nangma sandamtu le nangma intlantu, Jakobhai Mi Hrât chu ka nih ti la hre bawk i tih.

ISAI 63:8

Ama chun, “Ka mihai, nau a tehlêma thaw lo dinghai an ni ngei el,” a ti sih a; chuongchun, anni san- damtuah a hung um tah a.

LUKA 2:11

Vawisûn hin in ta dingin David khuoah Sandamtu a pieng tah, Lal Krista chu.

TITA 2:13

beiseina lâwmum ei Pathien ropuitak Sandamtu Isu Krista ropui- na inlârna chu nghâk dingin a mîn chûktir a.

JAKOB 5:4

Ngai ta u, in loa bu sîka inhlawfahai hlaw, hlêma in pêk naw kha, a khêk a, a sîktuhai lunginzing khêk ri khawm chu Mipuihai Lalpa naah a hung lût tah a.

JOSUA 22:34

Chun, Reuben thlahai le Gad thlahai chun chu mâichâm chu Ed an inbûk a, “LALPA chu Pathien a lo ni ngei ti ei kâra hin hrietpuitu a ni leiin”, an ta.