ISAI 19:2 - Pathien Lekhabu Inthieng (BSI)

² Chun, Aigupta mihai chu Aigup- ta mi vêk thaw dingin chawktho ka ta; chuongchun, mi tinin mâni unau thawin, mi tinin mâni tuolbâwmhai thawin, indo an tih; khuo le khuo inthâwng an ta, ram le ram inthâwng an tih.

ISAI 19:2 ပူးပေါင်းရင်းမြစ်များ

1 LALHAI 16:21

Chuongchun, Israel mipuihai chu pâwl hniah an hung inṭhe tah a, mipui zâtve chun Ginath naupa Tibni chu lala siem tumin an zui a; chun, a zâtvein Omri chu an zui bawk a.

2 CHANCHIN SUINA 15:6

A tum tumin an insukdar vawng a, hnam chungah hnam dang, khaw- pui chungah khawpui dang; inhmêl- mâkna tinrêngin Pathienin anni chu a suklungsen tâwl sih a.

ISAI 3:5

Chun, mihai chu innêksâwrtuoin um an ta, mi tin an ruolhai leh, mi tin mâni tuolbâwmhai leh, naupang chu upa chungah chapotakin um an ta, mi setak khawm mi inzaumtak chungah chapotakin um bawk an tih.

ISAI 9:21

Manassehaiin Ephraimhai fâng an ta, Ephraimhaiin Manassehai fâng an tih; chun, an pahni chun Judahai do hmunkhat an tih. Chuong ang lâwma a thaw khawm chun a lunginsen chu a bo si nawh a, a kut chu a lân let ta rawp a.

JEREMIA 46:12

Hnamhai chun în zakna chu an lo hriet a, i khêkri chun hnuoi chu a sip zo tah; mi thilthawthei chu mi thilthawtheia ma chun ân suithlu a, an pahni hni chun an tlu rêl a nih.

JEREMIA 51:46

In lungrilhai chu thidang naw sienla, chu rama thuthang hriet ding lei khawm chun ṭi bawk naw ro; kum khat chu thuthang chu hung a ta, chu hnunga chun kum dangah thuthang bawk chu hung a tih, thawluina le, rorêltu le rorêltu inkalna dâm.

EZEKIEL 38:21

Ka tlânghai po po kuoma chun, ama do dingin kâwlhnâm ko ka ta, Lalpa PATHIEN chun a tih; mi tin kâwlhnâm chu a unau chungah um a tih.

ZEKARIA 8:10

Khâng nihaia khan chu mi- hriem ta dingin inhlawfâkna a um nawh a, ran ta ding khawma inhlaw- fâkna hrim a um nawh a; hmêlma leiin mi a lût le suok ta ding khawma muongna hrim a um nawh: mi po po mâni tuolbâwmhai kalin ka sie sih a.

MATTHAI 10:21

“Chun, sukhlum dingin unaupa le unaupa inmantir an ta, pa khawmin a nau inmantir bawk a tih; nauhai khawmin an nu le pahai do an ta, insukhlumtir bawk an tih.

MATTHAI 10:36

Mi a hmêlmahai chu ama sûnghai laia mi ngei nîng an tih.

MATTHAI 12:25

Chun, Isûn an ngaituohai chu a lo hriet a, an kuomah, “Khâwlai ram khawm mâni indo taphawt chu an bo hlak; khâwlai khuo khawm sûngkhat khawm, mâni indo taphawt chu ngîr suok naw ni hai.

MATTHAI 24:7

Hnam tum le hnam tum indo an ta, ram tum le ram tum indo an ta; hmun tum tumah ṭâmhai tlâng a ta, simkhawleihnuoihai inhnîng a tih.

MARKA 3:24

Ram khawm ama le ama ân do chun, chu ram chu ngîr suok thei naw ni.

RORELTUHAI 7:22

Chun, tawtawrâwt za thum chu an mût a, chun, LALPA chun sipaihai po po chu anni le anni kâwlhnâmin ân dotir tâwl tah a; chuongchun, sipai- hai chu Zerera tieng panga Betshit- tah chen, Tabbath kâwla Abel-meho- lah ramri chen an tlânsieh a.

RORELTUHAI 9:23

Chun, Pathienin Abimelek le Sekema mihai kâra chun lungril suol ân umtir a, Sekema mihai chun Abimelek chunga chun vervêktakin an thaw tah a.

1 SAMUEL 14:16

Chun, Benjamin ram Gibeaa Saula râl vêngtuhai chun an hang thlîr vêl a, ngai ta, mipuihai chu an ṭe dar hum hum a, khingtieng khing- tiengah an invâk nuoi nuoi el a.

1 SAMUEL 14:20

Chuongchun, Saula le mipuihai po po chu an fe khâwm a, indonaa chun an fe tah a; chun, anni le anni kâwlhnâma lo inthaw rak a, lo buoi nuk nuk chu an hmu a.