ISAI 18:6 - Pathien Lekhabu Inthieng (BSI)

⁶ Chuongchu tlânga vate hnukin- râwlhai le hnuoia sahai ta dingin mâksanin um an tih, chuongchun, vate hnukinrâwlhai chun anni chu nipui sûngin fâng an ta, hnuoia sahai po po chun thlasik sûngin fâng an tih

ISAI 18:6 ပူးပေါင်းရင်းမြစ်များ

ISAI 14:19

Nang ruok chu a zung kaksuok tirdakumtak le, râl ithat, kâwlhnâma sunthleng, khursûnga lunghai laia zu fehai silfên angin i thlân ina inthawka hlatakah pei suokin i um ta lem hi; ruong ke hnuoia sirde ang elin.

ISAI 23:13

En ta, Kaldaihai ram hi, hieng mihai hi an um ta nawh; Assuria mi chun thlalêra ramsahai ta dingin a ruot tah a nih; an in insânghai chu a bâwl a, chutaka lal inhai chu an sukbohmang a, in sieah a siem tah a.

ISAI 46:11

khawsak tienga inthawkin vate hnukinrâwltak, ram hlataka in- thawka ka mi ruot chu ka ko a, anih, ka hril tah a, muolsuo bawk ka tih; ka tum tah a, thaw bawk ka tih.

ISAI 56:9

Ram sa po pohai, anih, ram- hnuoia sa um po pohai, fa dingin hung ro.

JEREMIA 15:3

Chun, an chunga tlung dingin thil chi li ruot ka ta; LALPA chun a tih: kâwlhnâm chu sukhlum dingin, uihai chu keinawitu dingin, chun, chunglêng vatehai le hnuoia ramsa- hai chu fa zotu ding le suksetu dingin.

JEREMIA 16:4

Thina lungngaiumtakin thîng an ta, ṭa khawm ṭa ni naw ni hai a, phûm khawm phûm ni naw ni hai; leihnuoi chunga êkdûr ang chau nîng an ta, ṭâmna le kâwlhnâm chun anni chu fâkzoin um an tih; chun, an ruonghai chu chunglêng vatehai le hnuoi chunga ramsahai ta dinga bu nîng a tih.

JEREMIA 7:33

Chuongchun, hieng mipuihai ruonghai hi, chunglêng vatehai ta dinga bu nîng a ta, ramsahai ta ding khawma; tukhawma an hnawt hmang âwm si nawh a.

EZEKIEL 31:13

Suksieta a umnaa chun chung- lêng vatehai po po chu chêng an ta, ram hnuoia sahai po po khawm chu a kâuhai chunga chun um an tih;