ISAI 16:6 - Pathien Lekhabu Inthieng (BSI)

⁶ Moabhai chapona thu, an chapo êm êm a ni ti ei lo hriet a, an ṭawng mingemzie le an chapozie le, an lunginsenzie thu chu, an uongnahai chu iengkhawm a ni nawh.

ISAI 16:6 ပူးပေါင်းရင်းမြစ်များ

THUVARHAI 21:24

Mi chapo le mi uong chu a hming chu Hmusittu a na, Inphûloin chaponaah sin a thawh a.

ISAI 15:1

Moab ram phurrik chu. Zân khat kârin Moab rama Ar khuo chu suksietin a um a, iengkhawm ni loa siemin a um ta sih a; zân khat kârin Moab rama Kir khuo chu suksietin a um a, iengkhawm ni loa siemin a um ta sih a.

ISAI 2:11

Mihriem inditnahai chu suk- tlâwmin um a ta, mihai chapona chu sukhnuoiin um a tih; chu nia chun LALPA chau chu chawisângin um a tih.

ISAI 25:10

Hi tlânga hin LALPA kut chu innghat a ta. Moab chu, bupâwl chu êkthlia sirdea a um hlak ang hin, ama hmunah sirdein a um ding a ni sih a.

ISAI 25:11

Chuongchun, tui inhlieuin tui inhlieu dinga a vai ang hin, chu lai chun a kut chu vai a tih; chun, a chapona chu a kut vervêk pum chun LALPA chun sie hnuoi a tih.

ISAI 28:15

“Thina kuomah thu kan thlung tah, Seol leh thu kan intiem tah; vuokna tui lien liem chu a luong tlang pha khawm keini chen chun luong naw nih; khêl thu dâm kan inhumhim- na dingin kan hmang a, khêl hnuoi- ah kan inbihmang ta sih a,” in ti leiin;

ISAI 28:18

Chun, thina kuoma in thu- thlung chu sûtin um a ta, Seol le in thutiem khawm chu ngir suok naw ni, vuokna tui lien liem chu a luong tlang pha chun, chu pha chun sirdein um in tih.

ISAI 44:25

Kei hi khêlhliphai inchiknahai chu teploa siem a, aisânthiemhai in- vêta siemtu, mi varhai innghat kîrtir a, an hrietna invêtthlâka siemtu,

JEREMIA 48:14

‘Mi thilthawthei, indonaa mi hrât khawkhênghai ei nih,’ ieng tin am in ti thei a?

JEREMIA 48:26

“Ama chu vairui ta u, LALPA chu dodâlin ama le ama ân chawi- mawi sih a; Moab chu ama luoka ngei chun inbuol a ta, ama chu mi hrilin- sîm hung ni bawk a tih.

JEREMIA 48:42

Chun, Moab chu LALPA do- dâla ân chawimawi leiin, hnam ninaa inthawka sukbohmang nîng a tih.

JEREMIA 50:36

Chapohai chunga chun kâwl- hnâm chu a um a, invêtpui an ta, kâwlhnâm chu a mi thilthawtheihai chungah a um a, beidawng an tih.

AMOS 2:1

LALPAIN hieng ang hin a tih, “Moab bawsietna pathum leiin, anih, pali leiin, a hremna sukbo naw ning; Edom lal ruhai chu chinai ang hiela a raw leiin,

1 PETER 5:5

Chuong ang bawkin, nangni tleirâwl deuhai, upahai kuomah intuklût ro. Anih, in rêngin rawng inbâwltuo seng dingin thuhnuoirawl- nain inthuom ro; Pathienin chapohai a kal a, inngaitlâwmhai ruok chu lunginsietna a pêk hlak sih a.