ISAI 16:5 - Pathien Lekhabu Inthieng (BSI)

⁵ Chuongchun, lalṭhungpha chu lunginsietnaa sukdetin um a ta, chu chunga chun, David puon ina chun, mi pakhat, rorêlin, rorêlna fel zawng- in, thil fel inhmâwtaka thaw nghâlin, titakzetin ṭhung a tih.

ISAI 16:5 ပူးပေါင်းရင်းမြစ်များ

2 SAMUEL 23:3

Israelhai Pathien chun a hril a, Israelhai lungpui chun: ‘Mi chunga feltaka rorêl hlaka, Pathien ṭi puma rorêl hlak chu,

2 SAMUEL 5:9

Chun, David chu kula chun a um a, David khuo tiin ân bûk tah a. Chun, David chun Milloa inthawkin a vêlin kul a siem a, a sûngtieng leh.

2 SAMUEL 7:16

Chun, i sûngkuo le i ram chu chatuona suknghet tlat nîng a ta, i lalṭhungpha chu chatuona suknghet nîng a tih,’ a tih,” tiin LALPA thu a hung tlung a.

1 LALHAI 10:9

LALPA i Pathien, i chunga lâwm êm êm, Israelhai lalṭhungphaa in- ṭhungtirtu che hi inpâkin um raw se; LALPAIN kumkhuoin Israelhai hi a hmangai a, chuleiin, feltaka ro rêl dingin lalah a siem che a ni hi,” a ta.

2 CHANCHIN SUINA 31:20

Chuong ang tak chun lal Hezekia chun Juda ram sûng po poa chun a thaw suok vawng a; a Pathien LALPA hmaa ringumna le, thil indik le thil ṭha chu a thaw tah a.

INPÂKNA HLABU 85:10

Ngilneina le thutak ân tuok a, Felna le remna an infâwp a.

INPÂKNA HLABU 89:14

Felna le rorêlna fel chu i lalṭhungpha innghatna a na, Ngilneina le thutak chu i hmaah an fe hlak,

INPÂKNA HLABU 96:13

LALPA hmaa chun ama chu a hung ding a nih, Hnuoi ro rêl dingin a hung ding a ni sih a. Khawvêl hi feltakin ro rêlpêk a ta, Mi tinhai chu a thutakin ro rêlpêk bawk a tih.

INPÂKNA HLABU 98:9

Hnuoi ro rêl dingin a hung ding a ni sih a, Khawvêl hi feltakin ro rêlpêk a ta; Thlierbîk nei loin mi tin ro chu rêl a tih.

INPÂKNA HLABU 99:4

Laltak hrâtna chun rorêlna a ngainah a, Nang chun thlierbîk nei nawna i sukdet hlak a, Nang chun Jakobrawihai chungah ro i rêl a, feltakin i thaw hlak a.

THUVARHAI 20:28

Lunginsietna le thutak hin lal chu a vawngṭha a, A lalṭhungpha khawm chu zângainaa tungding a nih.

THUVARHAI 29:14

Lal, mi pasiehai ringumtaka ro rêlpêk hlaktu chu, A lalṭhungpha chu kumkhuoin tungding nîng a tih.

ISAI 33:22

LALPA chu ei rorêltu a na, LALPA chu dân mi petu a nih; LALPA chu ei lal a na, ama chun mi sandam a tih.

ISAI 55:4

Ngai ta, ama chu mi tin ta dinga hretuah ka ruot a, mi tin ta dingin hotua le ṭhuoituah ka ruot a nih.

DANIEL 7:14

Chun, ama chu mi po po le hnam po po le ṭawng tinrêngin, A rawng an bâwl theina dingin a kuoma chun Rorêlna dâm, ropuina dâm, lalram dâm an pêk a, A lalram chu chatuon lalram bo ta ngailo ding le, A ram suksieta um ta ngailo ding chu a nih.

DANIEL 7:27

Chun, vânhnuoia ram le lalram le ram ropuinahai chu Achunghnung- tak mi inthienghai hnam kuoma chun pêk nîng a ta, ama ram chu chatuon ram a na, ram po pohai chun a rawng bâwl an ta, ama thu awi an tih,’ tiin.

AMOS 9:11

“Chu nia chun David bâwktê chim chu inngîr ka ta, a âwnghai chu phâwk ka ta, a sietnahai chu rem nâwk ka ta; tienlaia a um ang khan bâwl ka tih,

MIKA 4:7

kebai chu hlâbîkah siem ka ta, hlataka hnawt hmanga um chu hnam hrâttakah siem ka tih: tuta inthawk chu Zion tlângah kumkhuoin LALPA chun an chungah ro rêl a tih.

ZEKARIA 9:9

Aw Zion naunu, nasatakin hlim rawh; aw Jerusalem naunu, inring- takin khêk suok rawh; en ta, i Lal chu i kuomah a hung ta hi; ama chu mi indik a nih, sandamna neiin inngai- tlâwmtakin, sabengtung chungah, sabengtungtê chung ngeia hung chuongin.