ISAI 16:3 - Pathien Lekhabu Inthieng (BSI)

³ Rem mi ruotpêk la, ro mi rêlpêk rawh; i hlim chu sûn laia zân angin siem la, hnawt suoka umhai chu inbîkhmangtir rawh; tlân hmang chu inmantir naw.

ISAI 16:3 ပူးပေါင်းရင်းမြစ်များ

1 LALHAI 18:4

Jezebelin LALPA zâwlneihai a râwt rak lai khan Obadia chun zâwl- nei za a ṭhuoi a, pûkah sâwmnga peiin a thuphmang a, bei le tuiin a châwm hlak a nih.)

ISAI 1:17

rorêlna fel zawng unla, nêk- sâwrna tuorhai chu ṭhangpui unla, pa bohai chu ro rêlpêk unla, hmeithaihai chu hrilpui ro,” ti hi.

ISAI 25:4

Mi ṭiumhai thuok chu thlipuiin bang a nam sawk sawk anga a hung um lai hin, nang chu mi rimsihai ta dingin kulbîng, pasie lunginzîng laia dinga kulbîng, thlipuia inthawka inhumhimna, nisa sat hlietu i ni hlak sih a.

ISAI 32:2

Mi pakhat chu thlipuia inthawka inbîkna hmun ang le, ruopuia in- thawka inbîkna ang nîng a ta, hmun ṭâwla tui luonghai ang, ram châutaka lungpui lientak hlim ang el chu.

ISAI 56:8

LALPA Pathien, Israelhai hnawt suoka umhai ṭhuoi khâwmtu chun, “Ama ta ṭhuoi khâwma umhai naw khawm hnam danghai a kuomah la ṭhuoi khâwm ka tih,” a ta.

ISAI 58:7

Mâni bu mi phîngṭâmhai kuoma sem le, rimsi hnawtsuoka umhai mâni ina ṭhuoi hi ni lem lo am a nih? Mi saruok hmua puona dêng le, mâni tisa ang put mihaia inthawka inbîk- hmang naw hi ni lem lo am a nih?

ISAI 9:6

Ei ta dingin naupang a hung pieng a, naupa pêkin ei um tah a; rorêlna chu a liengkoah chuong a ta, a hminga chun Maka, Remruottu, Pathien Hrât, Chatuon Pa, Remna Lal an ti ding a ni sih a.

JEREMIA 21:12

Aw David sûngkuo, LALPA chun hieng hin a tih: Zîngtieng chun rorêlna chu tirsuok la, nêksâwrtu kuta inthawk chun suksieta um chu sansuok la; chuong naw chun, in thil- thawhai rîtlo leiin, mei angin ka lunginsenna chu fe suok a ta, tukhawm ṭhel ruol loin chawk a tih.

JEREMIA 22:3

LALPA chun hieng hin a tih: Felna le rorêlna chu tirsuok unla, nêksâwrtu kuta inthawk suksieta um chu sansuok ro; thil dik naw chu thaw naw unla, thawluina chu thaw naw unla, hmeithaihai le, mikhuolhai le pa neilohai chunga chun; hi hmuna hin mi thiem thisen chu insuo bawk naw ro.

DANIEL 4:27

Chuleiin, aw lalpa, ka thurâwn hi i kuoma chun pawmtlâka ngai ni raw se; i suolnahai chu felnain thleng la, i khawhlonahai chu mi rimsihai chunga lunginsietna inentir bawk rawh; i sukdik nawnahai hi sukdama a um ding chun chu,” a ta.

ZEKARIA 7:9

Rorêlna ṭha chu suksuok un- la, mi tinin mâni unau chungah zângaina le lunginsietna inlangtir raw se;

MATTHAI 25:35

ka phîng a ṭâmin nangnîn fâk ding in mi pêk a, ka dang a chârin dâwn ding in mi pêk a; mikhuol ka niin in mîn tlung tir a;

HEBRAIHAI 13:2

Mikhuolhai chunga hmangai in- suo theinghil naw ro; chuong anga thawin mi ṭhenkhatin hre loin vân- tirkohai an lo intlungtir sih a.

RORELTUHAI 9:15

Hling chun thinghai kuoma chun, ‘In lal dinga hriek mi nâl takzet in ni chun ka hlima hin hung inbi ta unla, in ni naw ruok chun hlinga inthawka mei hung suokin, Lebanon tlânga sidar thinghai chu kâng zo vawng raw se,’ a tih a.