ISAI 16:10 - Pathien Lekhabu Inthieng (BSI)

¹⁰ Lâwmna chu lâkpêkin a um tah; lo ṭhataka inthawk dâm chun hlimna chu lâkpêkin a um ta bawk a; grêp huonahai chun hlasak hrim hrim um ta naw nih a, ri hlimum hrim hrim um ta bawk naw ni; grêp sâwrna khurahai chun sir sâwrtu hrim hrim- in uoin sir pût ta naw ni hai a; grêp sîk khêk ri chu ka sukbo tah.

ISAI 16:10 ပူးပေါင်းရင်းမြစ်များ

JOB LEKHABU (THE BOOK OF JOB) 24:11

An in huon sûngah hriek an siem a, Uoin sâwrnahai chu an chîl a, nisienlakhawm, dangchâr an tuor a.

ISAI 24:11

Uoin leiin kawtthlêrahai chun ṭap ri a um a, hlimna po po sukthimin a um a, hi ram hlimna hi a bo tah.

ISAI 32:10

Nuhmei ngaisamhai, kum khat le ni ieng amani zât chena chun lunginzîng tâng in tih; grêp lo ding hlak a um âwm si nawh a, grêp lo khâwm dinga chun iengkhawm a hung pieng âwm si nawh a.

JEREMIA 48:33

Moab rama inthawk le lo rahlâwkna hmunhaia inthawk chun hlimna le lâwmna dâm chu lâk hmang a ni tah a; uoin sâwrna khurhaia inthawk chu uoin chu kân kangtir tah a; tukhawma khêk pumin sirsâwr naw ni hai a; khêk ri khawm chu lâwmna khêk ri ni naw ni.

EZEKIEL 7:7

Aw ram hluotu, i chungrikna chu a hung tlung tah; a hun chu a hung tlung a, a ni chu a hnai tah, tlâng chunghaia hlimna khêk rihai ni loin, buoina ni chu.

JOEL 1:12

Grêp hrui chu a vuoi a, thei- chang kûng chu a châu a, theibufai kûng dâm, intûm dâm le apple thei kûng dâm, loa thing po pohai khawm chu a ṭuoi tah a; mihriem nauhai laia lâwmna chu a vuoi hmang ta sih a.

AMOS 5:11

Chuleiin, mi rimsihai sirdein bu in lâkpêk a, lung intieng inhai in bâwl a, nisienlakhawm, a sûngah chêng naw ti niu; grêp huon inhawihai in siem a, nisienlakhawm, a uoin dâwn naw ti niu.

AMOS 5:17

Chun, grêp huon po poa chun ṭap rak rakna um a ta, nangni lai ka fethleng ding a ni sih a,” LALPAIN a tih.

AMOS 9:13

LALPA chun, “Ngai ta u, nihai chu a hung tlung a ni tah, chuong nihaia chun hnuoi inlettu chun bu âttu chu hnawt phâk a ta, grêp chîltu chun chi thetu chu la hnawt phâk a ta; tlâng insâng chun uoin thlum infartir a ta, tlâng po po chu intui an tih.

ZEPHANIA 1:13

Chuongchun, an hausaknahai chu râllâk sum ang hung nîng a ta, an inhai chu râusan hung nîng a tih: anih, inhai chu bâwl hlak an ta chu, a hluo ruok chu hluo ngai naw ni hai a, grêphruihai khawm phun an ta, nisienlakhawm, chutaka a uoin chu dâwn dêr naw ni hai.

RORELTUHAI 9:27

Chuongchun, lo tieng an feh a, an grêphai chu an lo a, an chîl a, ruoi an ṭheh a, an pathien inah an lût a, an fâkin an dâwn a, Abimelek chu an deusawh a.