ISAI 15:5 - Pathien Lekhabu Inthieng (BSI)

⁵ Moabhai leiin ka lungril chu a khêk a; an mi ṭhahai chu Zoar khuoa le Eglath-selisijah-ah an tlân a, Luhith lam tunga chun ṭap pumin an fe a nih; Horonaim lampuia chun sietna khêkin an khêk suok a nih.

ISAI 15:5 ပူးပေါင်းရင်းမြစ်များ

INṬANNA 13:10

Chuongchun, Lota chu a dâk suok a, Zoar pan zâwng chun, Jordan phaizâwl po po chu LALPA huon ang, Aigupta ram ang khan ram tina tui um furna hmun a nih ti a hriet a, LALPAIN Sodom le Gomorra a suksiet hma kha a ni sih a.

INṬANNA 14:2

anni chun Sodom lal Bera chu an rûn a. Gomorra lal Birsa, Adma lal Sinab, Zeboiim lal Semeber le Bela lal chu an rûn bawk a. (Bela khuo chu Zoar khuo a ni tah).

INṬANNA 19:22

Inhmaw la, chutaka chun tlân rawh, chu chu i tlung hmakhat chu iengkhawm ka thaw thei âwm si nawh a,” a tih a. Chuleiin, chu khaw hminga chun Zoar an inbûk tah a.

2 SAMUEL 15:23

Chun, inringtakin a ram phêkin an ṭap tah a, mipui chu an fe vawng a; thlalêr lampui tieng chu panin lal khawm chun Kidron vadung chu a kân a; chun, mipui po po chun an kân bawk a.

2 SAMUEL 15:30

Chuongchun, David chu Oliv tlâng hang fenaa chun a hang feh a, fe malam chun a ṭap malam pei a, a lu a khum a, ke ruokin a feh a; chun, a kuoma mi po pohai chun an lu an khum seng a, ṭap pum peiin an hang feh a.

ISAI 16:14

Tu ruok hin chu LALPAIN, “In- hlawfa kum tiema kum thum sûngin Moab ropuina chu, a mipui nasatak- hai pumin hmusituma inumtirin um a ta, a la um sunhai chu tlâwmterek el, hril khawp lo nîng an tih,” tiin a hril tah.

ISAI 22:5

LALPA, sipaihai LALPAA in- thawk chun, inlârna ruoma hin buoina le sirdena le lunginzîngna ni a ni sih a; kulpui bang suksietna le tlânghai kona chu.

ISAI 59:7

An kehai chu thil ṭha naw tieng a tlân hlak a, pawitâwklo thisen insuo dingin an inhmaw hlak; an ngaituo- hai chu khawhlona ngaituonahai a ni hlak a; râusanna le sietna chu an lampuia chun a um hlak.

JEREMIA 13:17

Nisienlakhawm, in ngai naw chun, in chapona lei chun ka thla chu inrûkin ṭap a tih; LALPA berâm ruol chu sala man an ni tâk leiin ka mit chu rinum titakin ṭap a ta, mitthliin luong thlâng a tih.

JEREMIA 17:16

Keia chungthua chun, nanga hnunga berâmpu ni chu ka tum ṭâl nawh a, ni chungpikum khawm chu ka châk bawk nawh a, i hriet a, ka hmûra inthawka suokhai chu i hmai- hmaa chun a um sih a.

JEREMIA 4:19

Ka phîng, ka phîng! ka lungah a na; ka lung chu a to ṭawk ṭawk naw tawp a; ka to ṭawk ṭawk thei nawh; indona inṭhi lâwkna tawtawrâwt ri chu, aw ka thla, i lo hriet ta leiin.

JEREMIA 4:20

Bohmangna chungah bohmang- na a tlung a; ram pumpui chu suksiet a ni ta sih a, chawmkhat kârin ka puon inhai chu suksiet an na, mit- khap kâr loin ka puonzârhai khawm chu.

JEREMIA 48:3

Horonaima inthawka khêkri chu, suksietna le sukbohmangna nasatak a nih a!

JEREMIA 48:5

Luhith hang fenaa chun ṭap pum zing zingin an hang fe hlak ding a ni sih a; Horonaim zuk fenaa chun sukbohmangna khêkri rinum tuor ri chu an hriet sih a.

JEREMIA 50:46

Babulon lâkna ria chun hnuoi chu ân thin a, hnamhai laia chun a khêk ri chu hrietin a um a,” tiin.

JEREMIA 9:10

An kâng zo tah a, tukhawm an fe tlang ta ngai naw leiin, tlânghai ta ding chun sûnin ṭapinrûm ka ta, thlalêra tlatna hmunhai ta ding chun sûn ka tih; mihai chun ran ruol râwl khawm chu hre thei ta naw ni hai a; chunglêng vatehai le ramsahai khawm chu an tlânse tah a, an tlân- hmang tah.

NAMBAR 21:29

Arnon hmun insâng lalhai chu, I chung a rik de, Moab! I bohmang a ni tah, aw Kemos chibai bûktuhai, A naupasalhai chu tlânse ding le, A naunuhmeihai chu salah um dingin a pêk a, Amor mihai lal Sihon kuomah.