ISAI 14:3 - Pathien Lekhabu Inthieng (BSI)

³ Chun, i lungngainaa inthawk dâm, i buoinaa inthawk dâm, sinthaw intaktak an inthawtirna chea inthawk dâma LALPAIN ân châwltir nia che chun hieng ang hi nîng a tih,

ISAI 14:3 ပူးပေါင်းရင်းမြစ်များ

ISAI 11:10

Chun, chu nia chun, Jessai zung, mi tin inchikna dinga ngîr chu ama ngei chu hnam tinin râwn an ta, a châwlna hmun chu ropui a tih.

ISAI 12:1

Chu nia chun hieng ang hin la hril i tih, “Aw LALPA, lâwm- thu hril ka ti che; ka chungah lo lunginsen ta la khawm, i lunginsen chu a bo tah a, nangin i mi thlamuon ta a ni hi.

ISAI 32:18

Chuongchun, ka mihai chu râl- muonga umnaahai le in dettakhaia le châwlna hmun muongumtakhaia chun um tâng an tih.

ISAI 40:2

Jerusalem mihai kuomah thla- muongna tieng pangah thu hril unla, an indona chu a tâwp a, an suolna chu ngaidam an nih a, an thil suksuol po po aiah LALPA kuta inthawkin a let hniin an hmu tah ti hril ro.

JEREMIA 17:4

Nang khawm, nang ngei khawm, i rochan dinga, ka pêk chea chun um zing naw ti nih a, ram i hriet ngai loa chun i hmêlmahai rawng inbâwltir ka ti che a; ka lunginsennain mei, kumkhuoa chawk ding chu i lo sêm ta sih a.

JEREMIA 30:10

Chuleiin, Aw Jakob, ka siehlaw, ṭi naw rawh, LALPA chun a tih: Aw Israel, beidawng bawk naw rawh, ngai ta, ram hlataka inthawkin ka sandam ding che a ni sih a, i thlahai chu an sal intângna rama inthawkin sandam bawk ka tih; chuongchun, Jakob chu hung kîr a ta, nuomsa le to ṭawk ṭawkin um a tih, tukhawma sukṭi ta naw ni hai.

JEREMIA 30:8

Chun, chu nia chun hieng hi hung nîng a ta, sipaihai LALPA chun a tih: I rînga inthawk chun rîngkawl chu sukthliek ka ta, i hruihai chu suktan bawk ka tih; chuongchun, mi hmêlmakhai chun ama rawng chu bâwlpêk ta naw ni hai;

JEREMIA 50:34

Anni sanhimtu chu a hrât a, a hming khawm, sipaihai LALPA a nih, ama chun an chungthu chu ṭan tlat a ta; hnuoi chunga chun châwlna a pêk thei a, Babulon hluotuhai ruok chu a sukto ṭawkṭawk nawna dingin.

EZEKIEL 28:24

“Chun, Israel sûngkuoa chun a suntu hling um ta naw nih a, an sîr vêla hling buoipuiumhai anni suk- hmingse dinghai chu um ta naw nih a, chun, Lalpa PATHIEN chu ka nih ti mi hre tâng an tih.

ZEKARIA 8:2

“Sipaihai LALPA chun hieng hin a tih: Zion chu îtthîkna nasatakin ka îtthîk a, lungsenna nasatak leh ama chu ka îtthîk a nih,” tiin.

ZEKARIA 8:8

anni chu hung ṭhuoi ka ta, Jerusalem sûnga chun chêng an tih; chun, anni chu ka mihai nîng an ta, kei chu, felna le indiknain an Pathien nîng ka tih,” tiin.

DÂN PAHNINA 28:48

nangni thaw dinga LALPAIN a la hung tir ding in hmêlmahai rawng chu, phîngṭâm pum dâm, dangchâr pum dâm, saruok pum dâm, thil ieng- kim tlasam pum dâmin la bâwl in tih; an sukbohmang hmakhat cheu chun in rîngah thîr rîngkawl inbâttir an tih.

THUPUONGSUO 18:20

“Aw vân le nangni mi in- thienghai, tirkohai dâm, zâwlneihai dâm, lâwm ro, ama chun in chunga ro a rêlna chun Pathienin a chungah ro a rêl ve ta hi,” tiin.