ISAI 14:27 - Pathien Lekhabu Inthieng (BSI)

²⁷ Sipaihai LALPA chun a ruot ta sih a, tuin am lâkpêk a ta? A kut chu pharin a um tah a, tuin am inlâk- kîrtir a ti leh?” tiin.

ISAI 14:27 ပူးပေါင်းရင်းမြစ်များ

2 CHANCHIN SUINA 20:6

A hril a, “Aw LALPA, kan thlatu- hai Pathien, nang chu vân Pathien i ni naw am a nih? Hnamhai lalram po pohai chunga rorêltu chu nang i ni naw am a nih? I kuta chun hrâtna le thilthawtheina a um a, chuleiin, tukhawma dang thei naw ni hai che.

JOB LEKHABU (THE BOOK OF JOB) 11:10

Ama chu a fêthleng a, a khârkhip a, A ko khâwm chun tuin am dang thei an ta?

JOB LEKHABU (THE BOOK OF JOB) 23:13

Nisienlakhawm, ama chu ngaituona thleng lo a na, tuin am ama chu herhmang thei a ta? A lungrilin a nuomtak chu, chu ngei chu a thaw hlak.

JOB LEKHABU (THE BOOK OF JOB) 40:8

Nang ngei khawma ka rorêl hi i ngaitha ding am a nih? Thiem i chang theina dingin, kei chu thiemnaw i mîn changtir ding maw?

JOB LEKHABU (THE BOOK OF JOB) 42:2

“Thil po pohai chu i thaw thei vawng ti ka hriet a, I thiltum khawm dang ruol a ni nawh a.

JOB LEKHABU (THE BOOK OF JOB) 9:12

En ta, a lâk el a, tuin am dang thei a ta? ‘Ieng am i thawh a?’ tuin am a kuomah tîng a ta?

INPÂKNA HLABU 33:11

LALPA remruot ruok chu kumkhuoin um det a ta, A lungrila a ngaituohai chu suon po po chenin umdet a tih.

THUVARHAI 19:21

Mihriem lungrila chun remruotna tamtak a um a, Amiruokchu, LALPA thurâwn chau chu ngîrsuok a tih.

THUVARHAI 21:30

LALPA kal zâwnga thurâwn amanih, Hrietthiemna amanih, varna amani khawm a um nawh.

ISAI 23:9

Sipaihai LALPA chun ropuina po po chapona chu sukmawi lo ding le, hnuoia mi inzaumhai po po hmusit- uma inumtir dingin a ruot a nih.

ISAI 43:13

Anih, ni um china inthawk khan kei chu ama chu ka nih, chuongchun, ka kuta inthawka sansuok thei tu- khawm an um dêr nawh, sin thâwng ka ta, tuin am chu chu sût an ta?” tiin.

ISAI 46:11

khawsak tienga inthawkin vate hnukinrâwltak, ram hlataka in- thawka ka mi ruot chu ka ko a, anih, ka hril tah a, muolsuo bawk ka tih; ka tum tah a, thaw bawk ka tih.

ISAI 8:10

Inrâwn khâwm ro, iengkhawm ni hliek naw ni; thu hril ro, puitling chuong bawk naw nih; Pathien ei kuomah a um sih a,” tiin.

ISAI 9:12

Saktieng Suria mihai, thlang- tieng Philistin mihai chun bau kain Israelhai chu fa zo an tih. Chuong ang lâwma a thaw khawm chun a lunginsen chu a la bo chuong si nawh a; a kut chu a lân let ta rawp a.

JEREMIA 4:28

Hi hi lei hin leihnuoi chun sûn a ta, chun, chunga vânhai inthim a tih; ka hril ta leiin, ka tum tlat tah a; kân sîr bawk nawh a; chutaka inthawk lamlêt bawk naw ning.”

JEREMIA 44:28

Chuong kâwlhnâma inthawka suokthlenghai, mi tlâwmte chau chu Aigupta rama inthawk chun Juda rama chun hung kîr nâwk an tih; chuongchun, va mikhuol dinga Aigupta rama Juda la um sun va fehai po po khan, keia thu am a ni, anni thu a ieng am a dingchang lema ti hre tâng an tih.

JEREMIA 49:20

Chuleiin, Edom khaw chung- thua LALPAIN thurâwn a ilâktak le, a thiltum, Teman hluotuhai chunga lo tum ta chu lo ngai ta u; matheiloin, anni chu ran ruol têhai hnûk hmangin um ngei ngei an ta an chêngna chu anni irâusanin siempêk a tih.

JEREMIA 51:59

A rorêl a kum li kuma, Juda lal Zedekia le Babulona an hang fe laia, Maaseia naupa Neria, chu naupa Seraia kuoma zâwlnei Jeremia thupêk thuhai chu. Tun Seraia chu khawtlâng hotu lien tak a na.

EZEKIEL 26:14

Chuongchun, lungpui fil ruouah siem ka ti cheu a, lênhai keimarna hmun hung nîng i tih; chun, bâwl khawm ni nâwk ta naw ti ni; kei LALPA hin ka lo hril ta sih a, Lalpa PATHIEN chun a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:28

Chun, Pathien hmangaituhai amain a ruot anga a kohai ta ding chun, an ṭhatna dingin iengkimin a thawpêk hlak ti ei hriet a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:31

Chuong thua chun ieng am hril tâng ei ta? Pathien eini tieng a ṭhang chun tuin am mi do thei a ta?