ISAI 14:19 - Pathien Lekhabu Inthieng (BSI)

¹⁹ Nang ruok chu a zung kaksuok tirdakumtak le, râl ithat, kâwlhnâma sunthleng, khursûnga lunghai laia zu fehai silfên angin i thlân ina inthawka hlatakah pei suokin i um ta lem hi; ruong ke hnuoia sirde ang elin.

ISAI 14:19 ပူးပေါင်းရင်းမြစ်များ

1 LALHAI 21:19

A kuoma chun, ‘LALPAIN hieng ang hin a tih, I that a, i neipêk nâwk nghâl a ni maw? tiin,’ ti la, a kuomah, ‘LALPAIN hieng ang hin a tih, Uiin Naboth thisen an liekna hmun ngeia hin nanga thisen khawm hi an liek ve ding a nih, tiin,’ ti rawh,” a tih a.

1 LALHAI 21:24

Ahab sûngkuohai laia mi khawpuia thihai po chu uiin fâng an ta; rama thihai po chu chunglêng vatehaiin fâng an tih,” tiin.

2 LALHAI 9:25

Chuongchun, Jehu chun a sipai hotu Bidkar kuomah, “Pawm la Jezreel mi Naboth huon hmunah pei thla rawh, kha hmaa a pa Ahab hnunga ei pahnia ei chuong hmun- khat laia LALPAIN hi phur hi ama chunga ân nghat hrim a ni kha;

ISAI 13:15

Tukhawm an hmu taphawt sun- thlengin um an ta, tukhawm an man taphawt kâwlhnâma sukthlûkin um an tih.

ISAI 14:18

Hnam tin lal po po, an rêngin, mâni in sengah ropuitakin an in a.

ISAI 34:3

Anni laia thata umhai chu pei suokin um an ta, an ruong rimsie chu innam vut vut a ta; tlânghai chu an thisen suktuiin um a tih.

ISAI 5:25

Chuleiin, LALPA lung chu a mihai chungah ân thawk a, a kut chu an chungah ân let a, a vuok a, chuongchun, tlânghai chu an inthin dur dur a, an ruonghai chu khawlai dungah hmunhnawk ang elin ân hlum rem rum a. Chuong lâwma a thaw khawm chun a lunginsen chu a la bo chuong nawh a; a kut chu a lân let ta rawp a.

JEREMIA 16:6

Hi rama hin a lien le a chîn khawm thîng an ta; phûmin um naw ni hai a, mihai khawma anni chu ṭa naw ni hai, anni le anni khawm in ât naw ni hai, an ta dingin an lu suk- kâwk bawk naw ni hai;

JEREMIA 22:19

Sabengtung phûm angin phûm an ta, Jerusalem dai kawtkhârhai khêla hnûka kei dawkin.

JEREMIA 41:7

Chun, chuong ang tak chun a hung na, khawpui sûnga an hung phing chun Nethania naupa Ismael chun anni chu a that tah a, ama le a kuoma mi umhai chun anni chu khur sûnga chun an pei thlâk tah a.

JEREMIA 41:9

Chun, chu khur, Ismaelin Geda- lia sîra mi a thathai ruong po po a pei thlâkna chu (chu chu Israel lal Baasa a ṭi leia lal Asain a lo siem kha a nih) Nethania naupa Ismael chun chu chu mi thathai chun a suksip tah a.

JEREMIA 51:4

Kaldai rama chun thata umin tlûng an ta, an kawtthlêrhaia chun sunthlengin um an tih.

EZEKIEL 32:23

chuonghai thlânhai chu vânsam kilkhâwrtakahai chun siein a um a, an rêng chun kâwlhnâma lo tlu tah, thata lo um tah, mi hringhai rama ṭitumna lo inumtirtuhai chu an nih.

EZEKIEL 32:27

Anni chu mi thilthawtheihai, sertanloa lo tlu taha, an indona hriemhreihai le hremhmuna lo fe thla taha, an luhai hnuoia an kâwlhnâm- hai lo siea, an suolnahai chu an ru- haia umhai laia chun anni chu zâl ve naw ni hai a; mi hring rama chun mi hrâthai ṭisimhai chu an lo ni ta sih a.