ISAI 13:9 - Pathien Lekhabu Inthieng (BSI)

⁹ Ngai ta, ram sukbohmang ding le chutaka mi suolhai chu a sûnga inthawka sukbohmang dingin LALPA ni chu nasatakin lunginsenna le lung- inthakna nasatak leh a hung tlung ding a nih.

ISAI 13:9 ပူးပေါင်းရင်းမြစ်များ

INPÂKNA HLABU 104:35

Mi suolhai chu hnuoia inthawk hin sukbohmangin um hai sienla, Mi rilohai chu um ta naw raw hai se! Aw ka hringna, LALPA chu inpâk rawh! LALPA chu inpâk ro!

THUVARHAI 2:22

Nisienlakhawm, mi khawhlo chu rama inthawka sât thlâk nîng a ta, Bawsetuhai chu amaa inthawk chun zunga phawi hmangin um an tih.

ISAI 13:6

Inrûm rak rak ro, LALPA ni chu a hnai ta sih a, Iengkimthawtheia in- thawka suksietna a hung tlung angin a hung tlung ding a nih.

ISAI 2:12

Sipaihai LALPA ni chu inngai- sâng le, chapo po po chunga le chawisânga um po pohai chunga chun a la um ding a ni sih a; chuongchun, suktlâwmin um a tih;

ISAI 34:8

LALPA phuba lâk ni a ni ta sih a; Zion sêlna kawng thua thungna kum chu.

ISAI 63:4

Phubalâk ni chu ka lungrilah a um sih a, ka mi intlanhai kum chu a hung tlung ta bawk a nih.

ISAI 66:17

Huonahai chun an feh a, a laia mi hnunga um nghien dinga insuk- thieng le insukfai hlakhai, vawk sa le thil tirdakum le mazu fa chu bohmang tâwl an tih; LALPAIN a tih.

ISAI 9:19

Sipaihai LALPA lunginsenna leiin ram chu a kâng siet a, mihai khawm chu meia ti ding thing ang an na; tukhawma mâni unau ngei khawm an hla nawh.

EZEKIEL 13:5

A âwnga chun in hang fe nawh a, LALPA nia indonaa ngîrna dingin Israel sûngkaw ta ding chun paldâi in siem bawk nawh a.

EZEKIEL 30:3

Ni chu a hnai a, LALPA ni chu a hnai ta si a; Sûm zingna ni, Hnamhai sietna ni chu nîng a tih.

JOEL 1:15

Chu ni chu a chung a rik de! LALPA ni chu a hnai ta sih a, Iengkim- thawtheia inthawka bohmangna ang hung tlung a tih.

JOEL 2:1

Ziona chun tawtawrâwt mût unla, ka tlâng inthienga chun inrâl- ringna sukri ro, hi ram sûnga mi po pohai chu inthin raw se; LALPA ni chu a hung tlung mêk a, a hnai ta sih a;

JOEL 2:31

Nisa inthimin inchang a ta, thla chu thisenah inchang a ta, LALPA ni ropuitak le râpthlâktak chu a hung tlung hma chun.

NAHUM 1:2

LALPA chu thîkthusie Pathien le phuba lâk hmang a nih; LALPA chun phuba a lâk a, lunginsennain a sip a nih; LALPA chun ama dotuhai chungah phuba a lâk a, a hmêlmahai ta ding chun lunginsenna ân khâwl- khâwm a nih.

NAHUM 1:6

A lungninawna hmaa chun tu am ngîr thei an ta, a lunginsenna nasa- taka chun tu am um thei an ta? A lunginsenna chu mei anga bunthlâk a na, lungpuihai chu a sukkawi vawng a nih.

NAHUM 1:8

Amiruokchu, tui lien luong liem- na hmangin chu hmun bohmang vawngna chu intlungtir a ta, hmêl- mahai chu inthimnaah hnawt lût a tih.

ZEPHANIA 1:15

Chu ni chu lunginsenna ni, buoina le rinumna ni a na, sietna le sukrêmna ni, inthimna le lungzîngna ni, sûm zîngna le inthim sâmup ni,

ZEKARIA 14:1

Ngai ta, LALPA ni chu a hung tlung ie, nangmaa inthawka râllâk sum i sûnga an insem ni ding chu.

MALAKI 4:1

Sipaihai LALPA chun a tih, “Ngai ta u, ni chu a hung tlung a, rawtuina thuk angin a chawk sih a; chapotaka thawtuhai po po le, khaw- hlotaka thawtuhai po po chu pâwl kûng el nîng an ta: chu ni hung tlung chun anni chu kâng hmang a tih, a zung amanih, a kau amani khawm mâksanpêk dêr loin.

THUPUONGSUO 18:8

Chuleiin, ni khat sûngin a hrem- na hri dâm, lungngaina dâm, ṭâm dâm chu–hung tlung vawng a tih; meia rawhmangin um bawk a tih; a rorêltu, Lalpa Pathien chu a hrât sih a.