ISAI 13:20 - Pathien Lekhabu Inthieng (BSI)

²⁰ Iengtika khawm chutaka chun mi um ta naw ni hai a, suon um sûng po po chun a sûnga um um naw ni hai; Arab mihai chun chutaka chun an puon in chu zâr naw ni hai a; berâm vêngtuhaiin chutaka chun an berâm ruol chu inbawktir bawk naw ni hai.

ISAI 13:20 ပူးပေါင်းရင်းမြစ်များ

2 CHANCHIN SUINA 17:11

Chun, Philistin mi ṭhenkhathai chu Jehosaphat kuoma chun thil- pêkhai le, siechawi dingin tangkaruo an hung pêk a; chun, Arabia mihai khawma ran ruol, berâmchal sâng sari le za sari le, kêlchal sâng sari le za sari an hung kei a.

JOB LEKHABU (THE BOOK OF JOB) 3:7

Anih, chu zân chu zân dawkdâium ni sienla, Chu zâna chun hlim râwl hrim hrim um naw raw se.

HLAHAI HLA 1:7

Aw nang ka thlain a ihmangai, mi hril rawh, I ran ruol chu khâwlai am în tlattir a, sûn huna chun khâwlai am în châwltirna; I pâwlhai ran ruol sîra chun, Iengdinga invâk invâk ding am ka na? Tlangvâl

ISAI 14:23

Saku ta dingin roah siem ka ta, tuihai ta dinga intling khâwmnaah siem bawk ka tih; sukbohmangna hmunphiin phît bawk ka tih, sipaihai LALPAIN a tih.

ISAI 21:1

Tuipui thlalêr phurrik chu. Sim rama thlivir a fe thlengin thlalêra inthawkin, ram ṭiumtaka inthawk chun, a hung ie.

ISAI 25:2

Khawpui khawm hnuoi pâwngah în changtir a; khuo kulpui nei khawm khaw ṭawpah în changtir a; ram dang mihai lal in khawm bâwlin um nâwk ta naw nih.

ISAI 34:17

Ama chun an ta dingin ai a sânpêk a, a kutin hruia inkhiin ram chu a sempêk tâwl a; kumkhuoin nei an ta, suon um sûng po po chun chutaka chun um an tih.

JEREMIA 49:33

Chun, Hazor chu sihalhai ta dinga chêngna hmuna le, kumkhaw râusan nîng a ta, chutaka chun tu- khawm chêng naw ni hai a, mihriem nau tukhawm chutaka chun inzin khawm vân zin bawk naw ni” tiin.

JEREMIA 50:13

LALPA lunginsenna lei chun hluoin um naw nih a, a pumpuia râusan nîng a ta, mi tin Babulon fekhêltuhai phawt chun mak tîng an ta, a sietna po poa chun inchek an tih.

JEREMIA 50:21

“Merathaim ram chu, chu ngei chu, Pekod hluotuhai le chun hang rûn ro; anni chu that unla, sukbo- hmang vawng ro, LALPA chun a tih: thu ka pêk ang tak cheu chun thaw unla.

JEREMIA 50:3

Hmârtienga inthawk chun hnam pakhat a ram chu râusana siema tukhawm chêng lo dinga siem dingin a hung mêk a; an tlânseh a, mihriem le ramsahai khawm chu, an fe hmang zo tah a.

JEREMIA 50:39

“Chuleiin, thlalêr ramsa hrâng- hai chu sihalhai leh chutaka chun chêng an ta; vangalsânghai khawm chêng an ta; kumkhuoin hluo hrim hrim ni ta naw ni; suona inthawka suon dang chena khawm hluo ni naw ni.

JEREMIA 50:45

Chuleiin, Babulon chungthua LALPAIN thurâwn a nei chu lo ngai ta u, Kaldaihai ram chunga thiltum a nei tâk le chun. Matheiloin anni chu ran ruol têhai hnûkhmangin um ngei ngei an ta, an chêngna chu anni irâusanin siempêk a tih.

JEREMIA 51:25

“Ngai ta, Aw suksetu tlâng, hnuoi po po suksetu, nang ka dodâl che a nih, LALPA chun a tih: i chunga chun ka kut hung inlet ka ta, râwl- khotlânga inthawk chun inhlum thlâng ka ti cheh a, tlâng kângah siem ka ti che.

JEREMIA 51:29

Ram chu ân thin a, a nah a; Babulon chunga LALPA thiltum, Babulon ram chu hluotu um loa râusana um dinga a tum chu a la um zing sih a.

JEREMIA 51:37

Babulon chu hmun dêng pâwng el, sihalhai ta dinga chêngna hmun ding le, maktia um ding le, hluotu um loa inchek khum el ding nîng a tih.

JEREMIA 51:43

A khawpuihai chu râusan, ram ṭâwl, thlalêr ram, ram mi chêng nawna hmun, mihriem nau tukhawm sir ngai lo ram a lo ni tah a.