ISAI 13:18 - Pathien Lekhabu Inthieng (BSI)

¹⁸ An thalngulhai chun tlangvâlhai chu suknâwi a ta; mi rîla ra lunginsietna hrim hrim nei naw ni hai a; an mit chun naupanghai khawm hla naw nih.

ISAI 13:18 ပူးပေါင်းရင်းမြစ်များ

2 LALHAI 8:12

Chun, Hazael chun, “Iengdinga ka pu hi a ṭap el am a na?” a ta. Ama chun a dawn a, “Israel thlahai chunga i thil ṭha naw thaw ding chu ka hriet leiin a nih, a kulhai la rawpêk i ta, an tlangvâlhai kâwlhnâmin la that i ta, an nau le têhai chu la pei nâwi i ta, nau vawn lai an nuhmeihai chu i la phirthlêr ding a nih,” a ta.

2 CHANCHIN SUINA 36:17

Chuleichun, an chunga chun Kaldai lal a hung tir a, anni chun hmun inthienghaia chun an tlang- vâlhai dâm kâwlhnâmin an that a, tlangvâl amanih, nunghâkhai ama- nih, upa amanih, tar amani chunga khawm lunginsietna an nei nawh a, chuongchun, an rêng chun a kutah a pêk a.

INPÂKNA HLABU 127:3

Ngai ta, nau le têhai hi LALPAA inthawka ei rochan an na, Rîla ra hi a lâwmman mi pêk a nih.

ISAI 13:16

An nautêhai khawm an mit- hmuah innâwi dar khawpa hnuoi vuoknaa hmangin um an ta, an inhai chu rawkin um a ta; an nuhmeihai chu pâwngsuol tuokin um bawk an tih.

ISAI 47:9

hieng thil pahni: nauhai chânna le hmeithaina hin, ni khat thil thuah, mitkhapkâr loah, a hung nang lem ding che a nih; i dâwi hmangna chu tam hlein i invêngna chu tam rei rui sienla khawm, chuong chu nasatakin i chungah a hung tlung ding a nih.

ISAI 5:28

an thalhai chu inzumtak a na, an thalngulhai po po chu kuoi sain a um ṭhup a; an sakawr tinhai chu meitâwklung ang nîng an ta, an tawlailîr kehai chu thlivir ang ela ngai ni bawk an tih.

JEREMIA 18:21

Chuleiin, an thlahai chu ṭâm kuoma chun pe la, anni chu kâwl- hnâm thilthawtheina kuoma chun pe rawh; chuongchun, an nuhmeihai chu nau bo le, hmeithaihai innitir la, an pasalhai chu thinaa sukhlum ni hai sienla, chun, an tlangvâlhai chu indonaa kâwlhnâma that ni raw hai se.

JEREMIA 5:16

An thal bâwmhai chu thlân in- hawng ang a na, mi hrât khawkhêng ruok an nih.

JEREMIA 50:30

Chuleiin, a tlangvâlhai chu a kawtthlêrahai chun tlûng an ta; chu ni chun a mi indo mihai po po khawm chu sukto ṭawk ṭawk nîng an tih, LALPA chun a tih.

JEREMIA 50:42

Anni chun thalngul le fei an chawi a; an rilo hle a, lunginsietna an nei nawh; an râwlhai chu tuisuoriet angin ân rûm a, sakawr chungahai chun an chuong a; Aw Babulon nau- nu, nangma chunga chun, indonaa mi angin, mi tin chu an intlar a nih.

JEREMIA 51:22

chun, nangma chu hmangin sakawr tawlailîr le a chunga chuong khawm suknawi vawng ka ta, nang- ma hmangin nuhmei khawm pasal khawm suknawi bawk ka tih; nang- ma hmangin upa le naupang khawm suknawi vawng ka ta; nangma hmangin tlangvâl le nunghâk khawm suknawi vawng ka tih;

JEREMIA 6:23

Thalngul le fei an chawi a; an râwng hle a, lunginsietna hrim an nei dêr nawh; an râwl chu tuisuoriet angin ân hawk a, anni chu sakawr chunghaia chun an chuong a; mi tin el chu indonaa angin, i chunga chun, aw Zion naunu, an hung intlar a nih.

EZEKIEL 9:10

Chuongchun, keia ta ding khawma, ka mitin hla naw nih a, lunginsietna nei bawk naw ning, ami- ruokchu, an suol man chu an lu chungah innghat lem ka tih,” a ta.

DANIEL 7:5

Chun, ngai ta, sahrâng dang, a pahnina chu, savawm ang, a sîr khat tienga indawm kâng a na, a baua a hahai kâra chun nâkru pathum a um a; chun a kuoma chun, ‘Tho la, tisa tamtak fa zo vawng rawh,’ an ta.

HOSEA 13:16

Samaria chu sukrêmin um a tih, A Pathien chungah a hel sih a; Kâwlhnâma sukthlûkin um an ta, An nautêhai chu peinawi nîng an tih, An nuhmei nau vawn laihai chu phirthlêr nîng an tih.

NAHUM 2:1

Sukkawinâwitu chu i hmai- hmaa chun a hung suok ie, kul- bîng chu enkawl la, lampui chu vêng rawh, i kâwng chu sukngar la, i thil- thawtheina chu hrâttakin siem ṭha rawh.

NAHUM 3:10

Chuong sa khawm chun lâk hmangin a um a, salah ân tâng a: kawtthlêr tin tâwpah a naupangtehai chu an pei nawipêk a; a mi ṭhahai ta dingin ai an sân a, a mi lienhai po po chu khaidieta khuop an nih.