ISAI 13:10 - Pathien Lekhabu Inthieng (BSI)

¹⁰ Vân arasihai le a sizuchohai chun an var insuo naw ni hai a, nisa chu a suok laia sukthimin um a ta, thla khawma a var chu ân vartir ta naw ding a nih.

ISAI 13:10 ပူးပေါင်းရင်းမြစ်များ

JOB LEKHABU (THE BOOK OF JOB) 9:7

Nisa chu thu a pêk a, a hung suok ta nawh a; Arasihai chu a khârkhip bawk a.

THUHRILTU 12:2

chu huna chun, “Annia chun inhawitina ka nei nawh,” i tina hun a hung tlung hma hin; nisa amanih, var amanih, thla amanih, arasihai amanih an inthim hmain, sûmhai chu ruo hnunga an hung ki nâwk hma hin.

ISAI 24:21

Chun, chu nia chun LALPA chun chungtienga mi achunghnung- hai pâwl lientak chu hrem a tih, hnuoia hnuoi lalhai leh.

ISAI 24:23

Chu hnunga chun thla khi inzaktakin um a ta, nisa khi muol- photakin um a tih; sipaihai LALPA chu Zion tlâng le, Jerusalem khuoa le, a upahai hmaa chun, ropuitakin lalah a um ding a ni sih a.

ISAI 47:5

Aw Kaldai naunu, to zingin ṭhung la, inthim hnuoiah lût ta, “Ram tin lalnu,” an ti ta naw ding che a nih.

ISAI 5:30

Chu nia chun tuisuoriet inri dur dur angin an chungah inri dur dur an ta, chuongchun, miin ram chu an hei thlîr chun, ngai ta, inthim le lungin- zingna ruok nîng a tih, var hlak chu chutaka sûmahai chun sukthimin a um a.

ISAI 50:3

Vân khi inthimnain kân thuom hlak a, saiip puon ân khumna dingin ka siem hlak,” tiin.

JOEL 2:10

An hmaa chun hnuoi khawm ân thin a; vânhai ân hnîng a; nisa le thla chu an inthim a, arasihai chun an var an thup a:

JOEL 2:31

Nisa inthimin inchang a ta, thla chu thisenah inchang a ta, LALPA ni ropuitak le râpthlâktak chu a hung tlung hma chun.

JOEL 3:15

Nisa le thla dâm an inthim a, arasihaiin an varna an thup a.

AMOS 5:20

LALPA ni chu var ni loin inthim a ni naw ding am a nih? Thim sâtak, var hrim hrim khawm nei dêr lo.

NAHUM 1:8

Amiruokchu, tui lien luong liem- na hmangin chu hmun bohmang vawngna chu intlungtir a ta, hmêl- mahai chu inthimnaah hnawt lût a tih.

ZEKARIA 14:6

Chu ni chun a var khawm chu var ta naw nih a, inthim lem tâng a ta;

MATTHAI 24:29

“Nisienlakhawm, chuong ni rinum zo phingle chun, nisa inthimin um a ta, thla var ta naw nih a, vâna arasihai hung tlâng an ta, vân thilthawtheinahai chu sukhnîngin um a tih.

MARKA 13:24

“Nisienlakhawm, chuong nia chuong rimsikna hnunga chun nisa sukthimin um a ta, thla var ta naw nih a,

LUKA 21:25

“Chun, nisaa dâm, thlaa dâm, arasia dâm inchikna um a tih; tuisuoriet inrûm le a fâwn leiin hnuoia khawm hin hnam tin rinumna le lunginzîngna tlung a tih;

THILTHAWHAI 2:20

Nisa inthimin inchang a ta, Thla thisenin inchang a ta, Lalpa ni ropuitak le hminginthangtak chu A hung tlung hma chun;

THUPUONGSUO 8:12

Vântirko palina chun a hang mût a; chuongchun, nisa hmun thuma ṭhea hmun khat, thla hmun thuma ṭhea hmun khat, arasihai khawm hmun thuma ṭhea hmun khat chu suksiet a ni tah a; chuonghai hmun thuma ṭhea hmun khat chu ân thimna ding le, sûn chu hmun thuma ṭhea hmun khat a var nawna dingin, zân khawm chuong ang bawkin a nih.