ISAI 12:5 - Pathien Lekhabu Inthieng (BSI)

⁵ LALPA chawimawiin hla sak unla, ama chun thil ṭhatakhai chu a lo thaw ta sih a; chu chu hnuoi chunga um po pohaia hin hrietin um raw se.

ISAI 12:5 ပူးပေါင်းရင်းမြစ်များ

INPÂKNA HLABU 105:2

Ama chawimawiin hla sak unla, ama inpâkin sak ro; A thilmak thaw po po thu chu titi ro.

INPÂKNA HLABU 72:19

A hming ropuitak hi kumkhawtluongin inpâkin um bawk sienla, Hnuoi pumpui khawm hi a ropuinaa suksipin um raw se; Amen, Amen.

INPÂKNA HLABU 98:1

Aw LALPA chawimawiin hla thar sak unla, Thil maktakhai a thaw ta sih a; A kut changtieng le a bân inthieng chun ama ta dingin sandamna a siempêk tah a.

FESUOKNA 15:1

Chun, Mosie le Israel thlahai chun LALPA kuomah hi hla hi an sak a, “Ropuitaka a hne ta leiin LALPA kuomah hla sak ka tih. Sakawr le a chunga chuong chu tuipuiah a pei lût a.

FESUOKNA 15:21

Miriam chun, “Ropuitaka a hne ta leiin LALPA kuoma chun hla sak ro; Sakawr le a chunga chuong chu tuipuiah a pei lût a,” tiin a dawn a.

ISAI 24:14

Chuonghai chun an râwl in- suong an ta, khêk an tih; LALPA ropuina leiin tuisuorieta inthawkin inringtakin an khêk ie.

ISAI 40:9

Aw Zion kuoma chanchin ṭha hriltu, tlâng insângtaka hin hang fe rawh, aw Jerusalem kuoma chanchin ṭha hriltu, inringtakin i râwl insuo rawh; insuo rawh, ṭi naw rawh; Juda khuohai kuoma chun, “En ta u, in Pathien hi!

ISAI 42:10

Tuisuorieta zu fehai le, a sûnga um po pohai le, thlierkârhai le, a chunga um po pohai, LALPA chawi- mawiin hla thar sak unla, leihnuoi tâwpa inthawk khawma ama inpâk- na hla sak ro.

ISAI 42:11

Thlalêr le an khawpuihai chun an râwl insuo raw se, Kedarhai umna khuohai chun: Sela khuoa umhai chu hlimtakin hla sak hai sienla, tlâng sîpa inthawk chun khêk raw se,

ISAI 44:23

Aw vânhai, hlimtakin hla sak ro, LALPAIN chu chu a thaw ta sih a; leihnuoi hnuoitienghai, khêk ro, tlânghai, aw ramhnuoi le a sûnga thing um tinrênghai, hla sak suok phut ro: LALPA chun Jakobhai chu ân tlan tah a, Israelhaia chun ân chawimawi ding a ni sih a.

HABAKKUK 2:14

Tuisuoriet chu tuihaiin ân khum angin, LALPA ropuina hrietna chun hnuoi hi a suksip ding a ni sih a.

MALAKI 1:11

Nisa suoknaa inthawka a tlâk- na chenin Jentailhai lai hman ka hming hi a ropui a na; hmun tinahai chun riminhnik dâm ka hminga in- hlân a na, thil inthieng inhlân leh; Jentailhai lai hman ka hming chu a ropui sih a, sipaihai LALPA chun a tih.

THUPUONGSUO 15:3

Chun, Pathien suok Mosie le Berâmte hla an sak a, “Aw Lalpa Pathien Iengkimthawthei, I thilthawhai chu a ropuiin a mak a; Nang, hnam tin Laltak, I lampuihai chu a felin ân dik a nih.