ISAI 12:1 - Pathien Lekhabu Inthieng (BSI)

¹ Chu nia chun hieng ang hin la hril i tih, “Aw LALPA, lâwm- thu hril ka ti che; ka chungah lo lunginsen ta la khawm, i lunginsen chu a bo tah a, nangin i mi thlamuon ta a ni hi.

ISAI 12:1 ပူးပေါင်းရင်းမြစ်များ

NEHEMIA 8:10

Chuongchun, ama chun an kuomah, “Fe unla, a thâu thâu fa unla, a thlum thlum dâwn unla, ieng- khawm buotsai nei lohai ta dingin chanpuol inphur unla, vawisûn ni hi ei LALPA ta dinga ni inthieng a ni hi; lungngaiin um naw ro, LALPA chunga lâwmna chu in hrâtna a ni sih a,” a ta.

JOB LEKHABU (THE BOOK OF JOB) 11:16

I rinum tuorhai chu i theinghil ta âwm sih a; Tui luong hmang tahai ang chau chun hre zing i tih.

JOB LEKHABU (THE BOOK OF JOB) 13:16

Hi hi ka sandamna chu nîng a ta; Pathien ngaisak naw mi chu a hmaa hin a hung âwm si nawh a.

INPÂKNA HLABU 30:5

A lungsen chu mitkhap kâr chaua ding a ni sih a; A ditsakna ruok chu dam sûnga ding a nih. Ṭapna chun zânkhuo a dai thei a, Hlimna ruok chu zîngkâr a hung tlung hlak.

INPÂKNA HLABU 71:21

Nangin ka ropuina mi sukpungpêk la, Hung ngha nâwkin mi thlamuon rawh.

INPÂKNA HLABU 85:4

Aw, a mi sandamtu Pathien, mîn nghatkîrtir la, Kan chungah i lunginsenna chu sukbo rawh.

INPÂKNA HLABU 86:17

Ṭhatna ding inchikna mîn entir la, A mi theidatuhai chun chu chu an hmuh a an muolphona dingin; LALPA nangin i mi ṭhangpuia i mi thlamuon leiin.

INPÂKNA HLABU 9:1

LALPA, kuoma chun ka lungril po poin lâwmthu hril ka ta, I thilmak thaw po po chu inhriettir ka tih.

ISAI 10:25

Sâwt nawtêa chun lungni- nawna chu hrîkthlâkin um tâng a ta, ka lunginsenna khawm anni sukbo- hmangnain hrîkthlâkin um tâng a tih.

ISAI 10:4

Salhai hnuoiahai chun kûn an ta, thata umhai hnuoiahai chun tlûng an tih, chu chau chu an chan ni tâng a tih. Chuong ang lâwma a thaw khawm chun a lunginsen chu a la bo chuong si nawh a, a kut chu a lân let ta rawp a.

ISAI 11:16

Chuongchun, Aigupta rama inthawka an suok nia, Israelhai ta dinga lamlien a lo um ang khan a mihai thi mahla la um sunhai ta ding chun Assuria rama inthawkin lamlien hung um a tih.

ISAI 14:3

Chun, i lungngainaa inthawk dâm, i buoinaa inthawk dâm, sinthaw intaktak an inthawtirna chea inthawk dâma LALPAIN ân châwltir nia che chun hieng ang hi nîng a tih,

ISAI 2:11

Mihriem inditnahai chu suk- tlâwmin um a ta, mihai chapona chu sukhnuoiin um a tih; chu nia chun LALPA chau chu chawisângin um a tih.

ISAI 25:1

Aw LALPA, nang chu ka Pathien i na; chawimawi ka ti cheh a, i hming inpâk ka tih; thil maktak, inhmaa remruothai chu, ringumtak le thutakin i thaw sih a.

ISAI 25:9

Chun, chu nia chun, “Ngai ta u, hi hi ei Pathien a ni hi, ama hi ei nghâk zing a; chuongchun, ama chun mi sandam a tih: hi hi LALPA chu a ni hi; ama hi ei nghâk zing a, a san- damnaa chun hlimin lâwm ei tih,” tîng an tih.

ISAI 26:1

Chu nia chun Juda ramah hi hla hi sak an tih; “Khawpui dettak ei nei a, ama chun sandamna chu kul banghai le kulpuihai leh ruot a tih.

ISAI 35:10

chun, LALPA intlanhai chu kîr nâwk an ta, hla sak pumin Zion chu tlung an tih; chatuona lâwmna an lu chungah um tâng a ta, hlimna le lâwmna hmûng an tih, lungngaina le inrûmna chu bo tâng a tih.

ISAI 49:13

Aw vânhai, hlimtakin hla sak ro; aw leihnuoi, hlimtakin um rawh; aw tlânghai, hla sak suok phut ro; LALPA chun a mihai chu a thlamuon sih a, a mi rinum tuorhai khawm chu a lunginsiet ding a ni sih a.

ISAI 51:3

LALPA chun Zion chu a thla- muon ta sih a; a hmun se tahai po po chu a thlamuon a, a thlalêr chu Eden angin a siem a, a ram ṭâwl chu LALPA huon angin a siem bawk a; chutaka chun lâwmna le hlimna dâm, lâwmthu hrilna le hla sak ri dâm um a tih.

ISAI 54:7

Mitkhapkâr chau el ka mâk cheh a; nisienlakhawm, lunginsietna nasa- takin ṭhuoi nâwk ka ti che.

ISAI 54:8

Ka lunginsen luotin mitkhapkâr nanga tieng ka hmai ka thup a; nisienlakhawm, kumkhawtluong zai- nêmnain lunginsiet ka ti che, LALPA nangma intlantu chun a tih.

ISAI 54:9

Chu chu ka ta dingin Noa tuihai ang kha a ni sih a; “Noa tuihai chun hnuoi chîm tlum nâwk ta naw ni,” tia ṭawng kân khâm ang khan, “I chungah lunginsen nâwk ta naw ning a, kâwk nâwk ta naw bawk ka ti che,” tiin ṭawng kân khâm tah a nih.

ISAI 60:10

Ram dang mihai chun i kul banghai chu rem nâwk an ta, an lalhai khawma i rawng bâwl tâng an tih: ka lunginsen chun ka vuok che a, nisienlakhawm, ka ditsaknain ka lunginsiet si che a ni hi.

ISAI 61:10

LALPAA chun nasatakin hlim ka ta, ka hringna hi ka Pathiena chun lâwmtakin um a tih; mo neitu ding chu pâr ṭhihruia ân chei hlak ang le, mo ding chu ân cheinahaia ân chei hlak ang hin, ama chun sandamna silfênhai a mi bel a, felna zakawfuolin a mi tuom ta sih a.

ISAI 64:5

Nang chun hlimtaka uma, fel- taka thawtu, i lampuihaia nangma hre zing hlaktuhai chu, i tuok hlak a; ngai ta, nang i lunginsen a, keinin thil kan suksuol a; chuongahai chun sâwttak kan lo um tah a, chuong- chun, sandamin la um thei kan ti?

ISAI 65:18

Nisienlakhawm, ka thil siema chun kumkhuoin lâwmin hlim ro; ngai ta u, Jerusalem chu hlimnaah ka siem a, a mihai chu lâwmnaah ka siem a ni hi.

ISAI 66:13

Mi, a nuin a thlamuon angin thlamuon ka ti cheu a, chuongchun, Jerusalema chun thlamuonin in um ding a nih.

JEREMIA 30:19

Annia inthawk chun lâwmthu hrilnahai siem a ta, hlimna siem- tuhai râwl ri le chun: chun, anni chu sukpung ka ta, tlâwm naw ni hai: chun, anni chu chawimawi bawk ka ta; chîn naw ni hai.

JEREMIA 31:13

Chun, nunghâk inthienghai chu, tlangvâlhai le, upahai le chun lâmnaa chun hlim an ta; an lusûnna chu hlimnaah kân changtir ding a ni sih a; chun, anni chu thlamuon ka ta, an lungngainaa inthawk chun suk- hlim tâng ka tih.

HOSEA 11:8

Aw Ephraim, iengtin am thlauthla thei ka ti che a? Aw Israel, iengtin am inthla thei ka ti che a? Iengtin am Adma angin siem thei ka ti che a? Iengtin am Zeboiim angin inumtir thei ka ti che a? Ka sûnga hin ka lung hi ân lêt a, Ka lunginsietnahai chu ân mûtâi nâwk ta lem a.

HOSEA 6:1

“Hung ta u, LALPA kuomah kîr ei tiu, A mi kei nâwi taha chu a mi lo sukdam nâwk ding a ni sih a, A mi lo vuok ta nâka chu a mi tuom nâwk ding a ni sih a;

ZEKARIA 1:16

Chuleiin, LALPA chun a tih: ‘Zângaina leh Jerusalema chun ka hung kîr nâwk a; chutaka chun ka in chu bâwl a ni ding a nih, sipaihai LALPA chun a tih; chun, Jerusalem chunga hin inkhina hmawl keimar nîng a tih.

ZEKARIA 14:20

Chu nia chun sakawr dârṭhihai chunga chun, “LALPA TA DINGA INTHIENG,” ti um tâng a ta, LALPA ina bêlhai khawm chu mâichâm hmaa maihûnhai ang ni tâng a tih.

ZEKARIA 14:9

Chun, LALPA chu leihnuoi po po chunga laltak ni tâng a ta, chu nia chun LALPA chu pakhat nîng a ta, a hming khawm pakhat chau nîng a tih.

ZEKARIA 8:11

Amiruokchu, tuhin chu hi chi hlaa umhai ta ding hin chu khâng lai nihaia ang kha chu ka ni ta naw ding a nih, sipaihai LALPA chun a tih.

ZEKARIA 8:19

“Sipaihai LALPA chun hieng ang hin a tih: Thla lina bu ngheina le, thla ngana bu ngheina le, thla sarina bu ngheina le, thla sâwmna bu ngheina chu Juda sûngkuo ta ding chun hlimna le lâwmna le thafânna ruoiṭhehai an ni lem ding a nih: chu- leiin, indikna le inremna hi ngaina ro,” tiin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:15

Anni pei thlâkna hman khawvêl ta dinga inrem nâwkna a ni chun, anni lâwm nâwkna ding chu, thinaa inthawka hring nâwkna naw chu ieng am ning a ta?