ISAI 11:3 - Pathien Lekhabu Inthieng (BSI)

³ Chuongchun, a lâwmna chu LALPA a ṭinaah nîng a ta, a mita a hmu angin ro rêl naw nih a, a naa a hriet angin kâwk el bawk naw nih a;

ISAI 11:3 ပူးပေါင်းရင်းမြစ်များ

2 SAMUEL 14:17

Chuongchun, i suoknu ta ding hin, lalpa, ka pu thu chu lung- muongumtak ni sienla, ka hni che a nih, a sie a ṭha lo thlier dingin lalpa ka pu chu Pathien vântirko ang el a ni sih a; chun, LALPA Pathien chu i kuomah um raw se, ka ti a nih,” a ta.

2 SAMUEL 14:8

Chun, lal chun nuhmei kuoma chun, “I inah fe ta la, i chungchâng thua chun thu pe el ka ti che,” a ta.

1 LALHAI 3:28

Chun, Israelhai po po chun chu thua lal rorêl dân chu an lo hriet a; lal chu an ṭi ta hle el a; rorêlna dinga Pathien varna amaa chun a um ti an hriet ta sih a.

1 LALHAI 3:9

Chuongchun, i mihai rorêlpêkna dingin i siehlaw hi hrietna lungril hung pe la, a sie le a ṭha ka thlier theina dingin, i mi hieng zât zozai hi tuin am ro rêlpêk thei a ta le?” a ta.

JOB LEKHABU (THE BOOK OF JOB) 12:11

Na hin thuhai chu a fie ngai naw am a ni, Dangin bu chu ân tem ang el hin?

JOB LEKHABU (THE BOOK OF JOB) 34:3

Dangin fâk ding ân tem ang bawkin, Na chun thuhai chu a fie hlak sih a.

THUVARHAI 2:5

LALPA ṭitna chu hung hre tâng i ta, Pathien hrietna chu hmu suok tâng i tih.

THUVARHAI 2:9

Chun, rorêlna le felna chu hung hrethiem tâng i ta, Thlierbîk nei nawna chu, anih, lampui ṭha tinrêng el le chun.

ISAI 33:6

I dam sûng chun um nghetna um a ta, sandamna dâm, varna dâm, hrietna dâm um ṭeu a tih; LALPA ṭîna chu a ro a nih.

EZEKIEL 45:8

Chu ram chu Israelhai laia ama ta dinga a chan chu nîng a ta; ka lalhai chun ka mihai chu nêksâwr ta ngai naw ni hai a; amiruokchu, Israel sûngkuo laia chun an hnam ang peiin ram chu pe lem tâng an tih.

MIKA 4:3

Ama chun chi tamtak kârah ro rêl a ta, hlataka hnam hrâttak khawm chu kâwk a tih; chun, an kâwlhnâm- hai chu hnuoi inletna hmawr zum- haiah sut an ta, an feihai chu thei kûng ât bawngna chem inkuoihaiah sut an tih; hnam dangin hnam dang chungah kâwlhnâm inlet ta naw nih a, indo dân khawm inchûk ta naw bawk an tih.

LUKA 2:52

Chun, Isu chu a var deu deu a, a hung lien deu deu a, Pathien le mihriem ditsakin a um deu deu a.

JOHAN 2:25

Mihriem thu tukhawm ihril a ngai nawh, ama chun mihriem sûnga um taphawt chu a hriet sih a.

JOHAN 7:24

ân lang angin ngaituo naw unla, feltakin ngaituo lem ro,” a ta.

HEBRAIHAI 5:14

Bu rum ruok chu puitlinghai ta dingin a nih, chuonghai chun asie aṭha hrefie dingin an hriettheina chu hmangin an sâwizawi tah.

1 SAMUEL 16:7

Nisienlakhawm, LALPA chun Samuel kuoma chun, “A hmêl tieng amanih, ân sang tieng amanih en naw rawh, ama hi chu ka dit naw a nih, LALPA chun mihriem en dân angin a en ve si nawh a, mihriem chun puotienga inlang dân an en hlak a, LALPA ruok chun lungril tieng a en lem hlak a nih,” a ta.