ISAI 11:16 - Pathien Lekhabu Inthieng (BSI)

¹⁶ Chuongchun, Aigupta rama inthawka an suok nia, Israelhai ta dinga lamlien a lo um ang khan a mihai thi mahla la um sunhai ta ding chun Assuria rama inthawkin lamlien hung um a tih.

ISAI 11:16 ပူးပေါင်းရင်းမြစ်များ

FESUOKNA 14:22

Israel thlahai chu tuipui inkâra chun hnuoi hulah an fe tah a; tuihai chu an changtieng le vawitieng bang angin a um a.

ISAI 1:9

Sipaihai LALPA chun hlabîkhai tlâwmte mi lo hlapêk naw sienla chu Sodom ang khan um dai tâng ei ta, Gomorra ang el khan um tâng ei tih.

ISAI 10:20

Chun, chu ni chun, Israelhai hlabîkhai le Jakob sûnghai laia a la dam sunhai chun anni thattu chu ring nâwk ta naw ni hai a; LALPA Israelhai Mi Inthieng chu, titakzetin ring lem tâng an tih.

ISAI 11:11

Chun, chu nia chun LALPA chun a mihai, a thi mahla la um sun, Assuria rama inthawk dâmin, Aigup- ta rama inthawk dâmin, Pathros rama inthawk dâmin, Kus rama inthawk dâmin, Elam rama inthawk dâmin, Sinar rama inthawk dâmin, Hamath khuoa inthawk dâmin, tuisuoriet thlierkâra inthawk dâma la nâwk dingin a vawi hninaa chun a kut la phar nâwk a tih.

ISAI 19:23

Chu nia chun Aigupta rama inthawkin Assuria ram chenin lam- lien um a ta; chuongchun, Assuria mihai chu Aigupta ramah fêng an ta, Aigupta mihai chu Assuria ramah fe bawk an tih; Aigupta mihai chun Assuria mihai leh Pathien chu chibai bûk hmunkhat tâng an tih.

ISAI 27:13

Chu nia chun tawtawrâwt lientak mût an ta; chuongchun, Assuria rama bohmang vâng vânghai le, Aigupta rama hnawtdawka umhai chu hung an ta; Jerusalem khuoa tlâng inthienga chun, LALPA chu chibai bûk an tih.

ISAI 49:11

Chuongchun, ka tlâng po po chu lampuiah siem ka ta, ka lamlienhai chu suksângin um bawk a tih.

ISAI 49:12

En ta, sawhai saw, hlataka inthawkin an hung ding a ni saw; en ta, sawhai saw, hmartienga inthawk dâm, thlangtienga inthawk dâm, Sim rama inthawk dâmin an hung ding a ni saw.

ISAI 51:10

Nang hi tuisuoriet, tui inthûk lientak tui sukkangtu, tuisuoriet mawng inthûk chu intlanhai kaina dinga lampuia siempêktu i ni nâwm a nih?

ISAI 57:14

Chun, ama chun, “Sung pâwng ro, sung pâwng ro, lampui buotsai ro, ka mihai lampuia an tlûkna ding chu pei ro,” tîng a tih.

ISAI 62:10

Suok unla, kul kawtkhârahai chun suok ro; mihai ta dingin lampui buotsai unla, sung pâwng unla, lamlien chu sung pâwng ro; lunghai chu rût fai unla, mihai ta dingin inchikna târ suok ro.

ZEPHANIA 2:7

Chu vakam hrûl chu Juda sûng- kuo a la um sunhai ta ding kha nîng a ta, chutaka chun an ran ruol chu intlattir tâng an ta, Askelon inhaia chun zânah riek an tih; LALPA an Pathien chun anni chu hung sir a ta, an sal intângna chu a hlîppêk ta ding a ni sih a.