ISAI 11:15 - Pathien Lekhabu Inthieng (BSI)

¹⁵ Chun, LALPA chun Aigupta tuisuoriet kilkawi chu sukse vawng a ta; Vadungpui khawm chu a thli lum vut vut chun a kut thin khum a tih; vadungtê pasaria siem khawp rauin vuong a ta, mihai chu kepha khawm hu loin infekaitir a tih.

ISAI 11:15 ပူးပေါင်းရင်းမြစ်များ

FESUOKNA 14:21

Chun, Mosiein tuipui chunga chun a kut a phar a, chun LALPAIN sak thli hrâttak zânkhawvâra hrâng- in tuipui chu ân luong kîrtir a, tuipui chu ram ṭâwlah a siem a, tuihai chu an inṭhe tah a.

FESUOKNA 14:22

Israel thlahai chu tuipui inkâra chun hnuoi hulah an fe tah a; tuihai chu an changtieng le vawitieng bang angin a um a.

FESUOKNA 14:29

Israel thlahai ruok chu tuipui kâra chun hnuoi hulah an feh a, tui chu an changtieng le vawitieng chun bang angin a umpêk a.

ISAI 19:16

Chu nia chun Aigupta mihai chu nuhmei ruol ang nîng an ta, sipai- hai LALPA kut thin chu an chunga a thin leiin inthinin ṭîng an tih.

ISAI 43:16

LALPA chun hieng ang hin a tih: tuisuorieta lampui siemtu le, tui nasatakhaia lampui siemtu;

ISAI 44:27

tui inthûktak kuoma, ‘Kang intan rawh, i vadunghai khawm ka sukkang ding a nih,’ titu,

ISAI 50:2

Ieng leiin am ka hung khan mi hrim hrim an um nawh a? Ieng dinga ka ko khan a mi dawn an um nâwm a na? Ka kut hi intlan thei lo dingin suktâwiin a um hrim hrim am a nih? Annawleh, sanhim dingin thilthaw- theina hrim hrim ka nei nâwm a nih? Ngai ta u, ka kâwknain tuisuoriet ka sukkang hlak a, vadungpuihai chu ram ṭâwlah ka siem hlak, tui hrim hrim a um naw leiin a ngahai chu an thuh a, dangchârin an thi hlak.

ISAI 51:11

Chun, LALPA intlanhai chu kir nâwk an ta, hla sak pumin Zion chu tlung an tih; chatuona lâwmna an lu chungahai chun um tâng a ta, lâwmna le hlimna hmûng an ta, lungngaina le inrûmna chu bo tâng a tih.

ISAI 63:12

A bân ropuitak Mosie chang- tienga infetirtu kha khâw lai am? Kumkhaw hming insiemna dinga an hmaa tui sukṭhetu kha khâwlai am?

ISAI 7:20

Chu nia chun LALPAIN rêpvâw haw, Vadungpui khêl rama, Assuria lal um chu hmangin, lu le ke hmul chu mêt fai a ta, khâk hmul khawm mêt fai vawng a tih.

ISAI 8:7

ngai ta, LALPA chun Vadungpui tui, hrâttakhai le tamtakhai, (Assu- ria lal le a ropuina po po chu) an chungah inluongtir a tih; chuong- chun, a kuong po po chu hung liem dûl dûlin, a pang po poa chun hung liem dûl dûl a tih;

EZEKIEL 29:10

Chuleiin, ngai ta, ka dodâl che a nih; i vadungpuihai khawm chu; Aigupta ram chu se letdêr le râusan- ah Suene in insânga inthawka Ethio- pia ramri chenin ka siem ding a nih.

EZEKIEL 30:12

Chun, vadungpuihai khawm chu sukkangchat ka ta, ram chu mi rilohai kutah zawr ka tih; mikhuolhai kut hmangin ram le a sûnga umhai po po chu râusanah siem ka tih, kei LALPA ngeiin ka lo hril tah a nih.

ZEKARIA 10:11

Chun, ama chun sukrinumna tuisuoriet chu fe thleng a ta, tui- suorieta chun a fâwnhai chu thâwng a ta. Nile li inthûkhai po po khawm chu kang intan a tih; chun, Assuria chapona chu sukhnuoi nîng a ta, Aigupta lalhmawl chu fe hmang tâng a tih.

THUPUONGSUO 16:12

Chun, a parukna chun a berbu chu tuipui Euphratesa chun a bunthlâk a; chuongchun, nisa suokna tieng panga lal hung dinghai ta dinga lampui chu inzosa a hung ni theina dingin, a tui chu a kang intan tah a.