ISAI 11:14 - Pathien Lekhabu Inthieng (BSI)

¹⁴ Chuongchun, annihai chu thlangtienga Philistin mihai liengkoa chun zuk vuongin zu fûng an ta; khawsak nauhai chu rawk hmunkhat an tih; Edom le Moab mihai chungah an kut thlâk an ta; Ammon thlahai chun an thu awi tâng an tih.

ISAI 11:14 ပူးပေါင်းရင်းမြစ်များ

ISAI 14:29

Aw Philistin ram pumpui, nanga vuokna che hmawl chu a tliek ta leiin lâwm naw: rûl zunga inthawk chun rûlhmuk a hung suok ding a ni sih a; a ra chu rûl chawk vuong thei la nîng a tih.

ISAI 15:1

Moab ram phurrik chu. Zân khat kârin Moab rama Ar khuo chu suksietin a um a, iengkhawm ni loa siemin a um ta sih a; zân khat kârin Moab rama Kir khuo chu suksietin a um a, iengkhawm ni loa siemin a um ta sih a.

ISAI 16:14

Tu ruok hin chu LALPAIN, “In- hlawfa kum tiema kum thum sûngin Moab ropuina chu, a mipui nasatak- hai pumin hmusituma inumtirin um a ta, a la um sunhai chu tlâwmterek el, hril khawp lo nîng an tih,” tiin a hril tah.

ISAI 25:10

Hi tlânga hin LALPA kut chu innghat a ta. Moab chu, bupâwl chu êkthlia sirdea a um hlak ang hin, ama hmunah sirdein a um ding a ni sih a.

ISAI 33:1

Nang rawk tuok ngai si loa, rawktu, vervêktaka thaw tuok ngai si loa, vervêktaka thawtu, i chung a rik ie! Mi rawk i bân phaleh, rawk la tuok vêng i ta; vervêktaka i thaw zo phaleh i chungah vervêk- takin thâwng an tih.

ISAI 59:19

Chuongchun, LALPA hming chu thlangtienga inthawkin ṭîng an ta, a ropuina chu nisa suoknaa inthawkin ṭi bawk an tih; ama chu tui lien thut, LALPA thuoka mût luong vut vut angin a hung ding a ni sih a.

ISAI 60:14

Chun, nangma sukrimsituhai naupasalhai chu kûnin i kuomah hung an ta; nangma hmusittuhai po po chu chibai bûkin i kepha hnuoiah kûn an tih; nang chu, “LALPA khaw- pui, Israelhai Mi Inthieng Zion,” tîng an ti che.

ISAI 63:1

Edom rama inthawka hung, Bozra khuoa inthawka silfên suksen sil saw tu am a na? A puon sila ropuitak, a hrâtna a nasatzie anga hung saw? Keima, feltaka thu hril a, sandam kawnga mi hrâttak kha ka nih.

ISAI 9:12

Saktieng Suria mihai, thlang- tieng Philistin mihai chun bau kain Israelhai chu fa zo an tih. Chuong ang lâwma a thaw khawm chun a lunginsen chu a la bo chuong si nawh a; a kut chu a lân let ta rawp a.

JEREMIA 40:11

Chuong ang bawk chun Moab rama Juda chênghai po po le, Ammon thlahai laia chêng le, Edoma mihai le, ram po poa chênghai chun, Babulon lal chun hlâbîk Juda rama chun mâksan a la nei a, Saphan naupa, Ahikam naupa Gedalia chu an chunga chun a sie ti an hriet chun,

JEREMIA 48:40

“LALPA chun hieng hin a ti sih a: Ngai ta u, mupui angin vuong a ta, Moab chunga chun a thlahai zâr a tih.

JEREMIA 49:2

Chuleiin, ngai ta u, nihai chu a hung tlung mêk, LALPA chun a tih: Ammon thlahai Rabba chunga chun indona ṭhâwnglâwk ri chu hriet ngei dingin inumtir ka ta; chuongchun, râusan hmun pâwng el hung nîng a ta; a naunuhmeihai chu meiin kâng an tih; chuongchun, ama lo neitu chu Israel chun nei ve thung a ta, LALPA chun a tih.

JEREMIA 49:22

Ngai ta u, hung suok a ta, mu- pui angin vuong a tih, chun, a thlahai chu Bozra chunga chun phar a ta; chun, chu nia chun Edoma mi thil- thawtheihai lungril chu nuhmei na tuor lai lungril ang nîng a tih” tiin.

JEREMIA 49:28

Kedar le Hazor ram Babulon lal Nebukadnezzarin a rûnhai chungthu chu. LALPA chun hieng hin a tih: “Tho unla, Kedara chun hang fe ro, saktienga thlahai chu hang sukse ro.

EZEKIEL 25:14

Chun, ka mi Israelhai kut hmangin Edom chunga chun ka phuba lâkna chu sieng ka ta, ka ṭitumna ang pei le ka lunginsenna ang peiin Edoma chun thâwng an tih; chuongchun, ka phuba lâk chu hre tâng an tih, Lalpa PATHIEN chun a tih.

DANIEL 11:41

Ram ropuia khawm chun hung lût a ta, ram tamtak chu hne hung nîng an tih; nisienlakhawm, hieng Edom hai, Moab hai, Ammon thlahai lal hi a kuta inthawk chun sansuok nîng an tih.

JOEL 3:19

Juda nauhai chunga nunsetaka thawa, an ramah mi thiem thisen an insuo leiin Aigupta ram chu bo a ta, Edom ram chu thlalêr ram ṭâwl nîng a tih.

AMOS 9:12

Edom hmuna la umhai le ka hminga ko hnam po po hai chu an nei theina dingin,” LALPA hi thil thawtu hin a tih.

HABAKKUK 1:8

An sakawrhai chu keitêhai nêkin an hrât lem a, Zântienga satenehai nêkin ṭi an um lem a nih; An sakawr chung chuongmihai chu chapotakin an inân a; Anih, an sakawr chung chuongmihai chu hlataka inthawkin an hung a, Mupui sa baw vuong angin a vuongin an vuong a.

ZEPHANIA 2:5

Kereth hnam, tuisuoriet panga chêngtuhai chu an chung a va rik de! Aw Kanaan, Philistin mihai ram, LALPA thu chu nangma chungah a hung tlung a nih; Suksieng ka ti cheh a, a hluotu che um naw ni hai.

ZEPHANIA 2:7

Chu vakam hrûl chu Juda sûng- kuo a la um sunhai ta ding kha nîng a ta, chutaka chun an ran ruol chu intlattir tâng an ta, Askelon inhaia chun zânah riek an tih; LALPA an Pathien chun anni chu hung sir a ta, an sal intângna chu a hlîppêk ta ding a ni sih a.

ZEPHANIA 2:9

Chuleiin, kei le kei insâlin, sipaihai LALPA, Israelhai Pathien chun a tih: “Matheiloin Moab chu Sodom ang hung nîng a ta, Ammon thlahai chu Gomorra, chikhurhai hmun le zakthlai bil râusan kumkhuo ang chu hung nîng a tih. Ka mi a la um sunhai chun anni chu suksieng an ta, ka mi a la um sunhai chun hluong an tih.”

NAMBAR 24:17

‘Ama chu ka hmuh a, tuta a um ang ni lo hi, Ka thlîr a, hnaitea mi ang ni loin; Jakoba inthawk chun arasi hung suok a ta, Israela inthawk chun lalhmawl hung suok a ta, Moab ram tluonin sun thleng a ta, Buoina nauhai po po suktlâwm a tih.

MATTHAI 8:11

Ka hril cheu hi, sak le thlanga inthawkin mi tamtak hung an ta, vân rama chun Abraham hai, Isak hai, Jakob hai kuomah ṭhung an ta;

RORELTUHAI 6:3

Chun, Israelhaiin thil an hang chîng hin Midianhai, Amalekhai le khawsak nauhai chu an hang feh a, an hang do a,