ISAI 11:11 - Pathien Lekhabu Inthieng (BSI)

¹¹ Chun, chu nia chun LALPA chun a mihai, a thi mahla la um sun, Assuria rama inthawk dâmin, Aigup- ta rama inthawk dâmin, Pathros rama inthawk dâmin, Kus rama inthawk dâmin, Elam rama inthawk dâmin, Sinar rama inthawk dâmin, Hamath khuoa inthawk dâmin, tuisuoriet thlierkâra inthawk dâma la nâwk dingin a vawi hninaa chun a kut la phar nâwk a tih.

ISAI 11:11 ပူးပေါင်းရင်းမြစ်များ

INṬANNA 10:10

Ân lal phutna chu Sinar rama Babel, Erek, Akkad le Kalne khuo a nih.

INṬANNA 10:22

Sem naupasalhai chu: Elam, Assur, Arpaksad, Lud le Aram an nih.

INṬANNA 11:2

Chun, hieng hi a na, khawsak tienga an insawn pei lai chun Sinar ramah phaizâwl an hmuh a; chutaka chun umhmun an khuor tah a.

INṬANNA 14:1

Chun, Sinar lal Amraphel, Ellasar lal Ariok, Ellam lal Kedorlaomer le, Goiim lal Tidal dam lai chun hieng hi a na,

INṬANNA 2:13

Vadung pahnina hming chu Gihon a nih; chu chu Kus ram po po luong huoltu chu a nih.

2 LALHAI 17:24

Chun, Assuria lalin Babulon khuoa mihai, Kutha khuoa mihai, Ava khuoa mihai, Hamath khuoa mi- hai, Sepharvaim khuoa mihai ân cha suok a; Samari ram khuoahai chun Israel thlahai hmun ân hluotir a, chuongchun, Samari ram chu an hluoh a, a khuoahai chun an um tah a.

ESTHER 10:1

Chun, lal Ahasuer chun ram le tuisuoriet thlierkârhai chunga chun leiman a siem a.

INPÂKNA HLABU 68:22

LALPAIN, “Basan rama inthawkin ṭhuoi nâwk ka ta, Tuisuoriet mawng inthûktaka inthawk chu ṭhuoi nâwk ka tih.

ISAI 1:9

Sipaihai LALPA chun hlabîkhai tlâwmte mi lo hlapêk naw sienla chu Sodom ang khan um dai tâng ei ta, Gomorra ang el khan um tâng ei tih.

ISAI 10:20

Chun, chu ni chun, Israelhai hlabîkhai le Jakob sûnghai laia a la dam sunhai chun anni thattu chu ring nâwk ta naw ni hai a; LALPA Israelhai Mi Inthieng chu, titakzetin ring lem tâng an tih.

ISAI 10:9

Hamath khuo chu Arpad khuo ang el a ni tah a ni naw am a nih? Samari khuo chu Damaska khuo ang el a ni tah a ni naw am a nih?

ISAI 11:16

Chuongchun, Aigupta rama inthawka an suok nia, Israelhai ta dinga lamlien a lo um ang khan a mihai thi mahla la um sunhai ta ding chun Assuria rama inthawkin lamlien hung um a tih.

ISAI 19:21

Chuongchun, LALPA chu Aigupta mihai ihriet ni tâng a ta, Aigupta mihai chun chu nia chun LALPA chu hre tâng an tih; anih, inthawina le thilpêkin chibai bûk an tih, LALPA kuoma chun thu tiem an ta, muolsuo bawk an tih.

ISAI 19:22

Chun, LALPA chun Aigupta mihai chu vuong a ta, sukdam bawk a tih: chuongchun, LALPA kuomah kîr nâwk an ta, ama chu anni ngên thlûk- in um a ta, anni chu sukdam a tih.

ISAI 21:2

Inlârna khirkhântak el ka kuomah inhriettir a ni tah; vervêktaka thawtu chun vervêktakin a thawh a, rawktu chun a rawk a. Aw Elam mihai, hang fe ro; aw Media mihai, inhuol ro; an inrûmna po po chu ka sukbo vawng tah.

ISAI 22:6

Chuongchun, Elam mihai chun thal bâwm an chawi a, mihriem chuongna tawlailîrhai le sakawr chung chuong mihai leh; Kir mihai chun phaw tuomna chu an sût a.

ISAI 24:15

Chu chu lei chun LALPA chu khawsaktieng chun chawimawi ro, LALPA Israelhai Pathien hming ngei chu tuisuoriet thlierkârahai chun chawimawi ro.

ISAI 37:31

Chun, Juda sûnghai laia a la dam sunhai chu a suktienga zung- keia, a tungzâwnga rain um nâwk a tih.

ISAI 42:10

Tuisuorieta zu fehai le, a sûnga um po pohai le, thlierkârhai le, a chunga um po pohai, LALPA chawi- mawiin hla thar sak unla, leihnuoi tâwpa inthawk khawma ama inpâk- na hla sak ro.

ISAI 42:12

LALPA chu sukropui sienla, thlierkârahai chun ân pâkna thu hril raw se.

ISAI 42:4

Hnuoia hin rorêlna ân umtir hmakhat chun ama chu châu naw nih a, beidawng bawk naw nih; chun, thlierkârhai chun a dân thu chu nghâk zing an tih.

ISAI 45:14

LALPA chun hieng ang hin a tih, “Aigupta sininrimhai le, Ethiopia sumdâwng mi le Sabeanhai mi insângtakhai chu in kuom tieng hung an ta; in taah um tâng an tih; nangni chu zui an ti cheu, khaidiet bunin a nih an hung ding chu; chuongchun, bawkkhupin chibai bûk an ti cheu a: ‘Pathien chu nangnia hin a um ngei el, a dang hrim hrim an um nawh, Pathien dang hrim an um nawh,’ tiin in kuomah lunginsiet hnîng an tih,” tiin.

ISAI 49:12

En ta, sawhai saw, hlataka inthawkin an hung ding a ni saw; en ta, sawhai saw, hmartienga inthawk dâm, thlangtienga inthawk dâm, Sim rama inthawk dâmin an hung ding a ni saw.

ISAI 66:19

Chun, anni lai chun inchikna inumtir ka ta, chuongchun, anni laia hremna khêltuhai taphawt chu hnam tin kuomah--Tarsis dâm, Pul dâm, thalngul kuoihai Lud kuoma dâm, Tubal le Javan mihai dâm, thlierkâr hlatak, ka hminginthang la hre ngai lo a ka ropuina la hmu ngai lohai kuoma chun -- tir ka tih; chuongchun, hnam tin lai chun ka ropuina thu hril an tih.

JEREMIA 25:25

Zimri lalhai po po, Elam lalhai po po, Media lalhai po po leh;

JEREMIA 31:10

Aw nangni hnamhai, LALPA thu chu ngai unla, thlierkâr hlataka- hai chun phuong ro; chun, “Israel sukdartu ngei chun, ama chu kei khâwm nâwk a ta, berâmpuin a berâm ruol a kawl ang chun ama chu kawl a tih,” tiin hril ro.

JEREMIA 44:1

Aigupta rama Juda chêng po pohai, Migdola dâm, Tahpan- hesa dâm, Nopha dâm, Pathros rama chênghai dâm chungthua Jeremia kuoma thu hung tlung chu,

JEREMIA 49:23

Damaska chungthu chu. Hamath chu ân zak, Arpad leh; chan- chin ṭha lo an lo hriet a, an intuihmang ta si a; tuisuoriet infâwn re thei lo angin an buoi a.

EZEKIEL 27:6

I lawngzâpna an siem Basan thingsaisuohaiin, I ṭuong chu Kittima thing tlo chi saihaa tuomkhumin.

EZEKIEL 29:14

chun, Aigupta sal nina chu hung intlungtir nâwk ka ta, an pieng- na Pathros rama chun inkîrtir nâwk ka ta; chutaka chun lalram inhnuoi nîng an tih.

EZEKIEL 30:14

Pathros chu râusanah siem ka ta, Zoana chun mei hung sêm ka ta, Noa rorêlnahai chu sukpuitling ka tih.

EZEKIEL 32:24

Elam khawm chu a mipuihai po po leh a thlân sîrvêlahai chun an um a; an rêng chun kâwlhnâma lo tlu tah, thata lo um tahai, hnuoi khingtieng panga sertan loa lo fe thla tah a, mi hring rama chun an ṭitumna chu lo inumtir tah a, vânsama fe tahai le an inzakna chu lo phur tahai chu an nih.

EZEKIEL 38:8

Ni tamtak hnunga chun ko khâwm ning i ta, kum nuhnungahai chun indonaa inthawka sansuok, hnam tamtakhaia inthawka lâk khâwmhai umna ram, Israel tlâng- hai, râusana um zing zing el chu hung tlung i tih; anni chu hnamhai laia inthawka lâk suok an na, an rêng chun himtakin an chêng ding a nih.

DANIEL 1:2

Chun, Juda lal Jehoiakim chu Pathien ina bûr le bêl ṭhenkhat leh Lalpa chun ama kuta chun a pêk tah a; Sinar rama a pathien ina chun a lâk a, chuong bûr le bêlhai chu a pa- thien sum ina chun a hung lâk tah a.

DANIEL 11:18

Hi hnunga hin, thlierkâr tienga chun nghâng a ta; tamtak chu lâng a tih; nisienlakhawm, sipai hotu chun zilna amain a pêk chu suktâwp a ta, anih, chu naw khawm chu, a zilna chu ama chungah inumtir bawk a tih.

DANIEL 8:2

Chun, thil hmulâwka chun ka hmuh a; Hieng ang hi a lo nih a, thilhmulâwk ka hmu lai chun, Elam rama lal in, Susaa chun ka lo um a; thil hmulâwka chun ka hmuh a; Ulai vadung kâwlah ka lo um a.

HOSEA 1:11

Chun, Juda nauhai le Israel nauhai chu pung khâwm an ta, an lu ding ruot an ta, chu rama inthawk chun hang fêng an ta, Jezreel ni chu a ropui ding a ni sih a.

HOSEA 11:10

LALPA chu zui an ta, Sakeibaknei anga inrûm ding chu; Anih, inrûm ngei a ta, Khaw thlang tienga inthawkin a nauhai chu Inthin pumin hung an tih.

HOSEA 11:11

Aiguptaa inthawk chun chawngzawng angin, Assuriaa inthawk chun vaṭhu angin thla zâp sieu sieuin hung an tih; Chun, an in lum inhluotir ka ta, ti hi LALPA thu suok a nih.

MIKA 7:12

Chu nia chun Assuria le Aigupta khawpuia inthawk dâm, Aigupta le Vadung tlung raka in- thawk dâm, tuisuoriet le tuisuoriet inkâra inthawk le, tlâng le tlâng inkâra inthawk dâm chun, i kuomah hung an tih.

ZEPHANIA 2:11

An chunga chun LALPA chu ṭiumtak nîng a ta; hnuoi chunga pathienhai po po chu a sukbohmang ding a ni sih a; chuongchun, mihriem- hai chun ama chu be tâng an ta, mi tinin mâni hmun senga inthawk le, hnamhai po po chun mâni thlierkâr- haia inthawk chun.

ZEKARIA 5:11

Ama chun, “Sinar rama a in bâwlpêk dingin, bâwl zo a ni pha chun chutaka chun bâwm chu ama inṭhut- na ngeia chun sie nîng a tih,” a tih a.

ZEKARIA 8:7

Sipaihai LALPA chun hieng hin a tih, “Ngai ta, ka mihai chu saktieng ram le thlangtieng rama inthawkin sandam ka ta;

ZEKARIA 9:2

Hamath inripuitu chu ni bawk a ta; Tura le Sidon khawm, var hle hai sienkhawm.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:15

Anni pei thlâkna hman khawvêl ta dinga inrem nâwkna a ni chun, anni lâwm nâwkna ding chu, thinaa inthawka hring nâwkna naw chu ieng am ning a ta?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:26

Chuongchun, Israel mi po po sandamin um an tih; “Ziona inthawkin Sandamtu chu hung suok a ta, Jakob kuoma Pathien ngaisak nawna sukbo a tih.

2 KORINTH 3:16

Nisienlakhawm, an lungril Lalpa tienga an nghat tik tik inkhum- na chu lâkhmang ni tâng a tih.

DÂN PAHNINA 9:29

I thilthawtheina ropuitak le i bân phara i ṭhuoi suok, i mihai le i rochanhai an ni tlat sih a,’ ka tih a.