ISAI 11:1 - Pathien Lekhabu Inthieng (BSI)

¹ Jessai a bula inthawkin a dâwn hung suok a ta, a zunga inthawka kak suokhai chu râng a tih;

ISAI 11:1 ပူးပေါင်းရင်းမြစ်များ

2 SAMUEL 23:3

Israelhai Pathien chun a hril a, Israelhai lungpui chun: ‘Mi chunga feltaka rorêl hlaka, Pathien ṭi puma rorêl hlak chu,

1 CHANCHIN SUINA 2:12

Boaz chun Obed a nei a, Obed chun Jessai a nei a.

INPÂKNA HLABU 145:11

I ram ropuizie thu hrilin, I thilthawtheina thu chu thusimah la hmang an tih.

ISAI 11:10

Chun, chu nia chun, Jessai zung, mi tin inchikna dinga ngîr chu ama ngei chu hnam tinin râwn an ta, a châwlna hmun chu ropui a tih.

ISAI 4:2

Chu ni chun LALPA kâu chu mawitak le ropuitakin um a ta, Israelhai a la damhai ta ding chun hnuoia rahai chu ṭhatak le mawi- takin um a tih.

ISAI 53:2

A hmaa chun thil ṭo innotak angin ama chu ân dâwn suok sih a, hnuoi ṭâwla zung angin a hung kak suok bawk a nih; pienken ṭhatna le hmêl mawina hrim hrim a nei nawh a, ama ei hmuin ama ei ditna dingin mawina hrim hrim a nei nawh.

ISAI 6:13

Chun, a sûnga chun sâwm laia pakhat khawm la um sienla, fâk zoin um nâwk nghâl an tih; nisienla- khawm, sething le thingsaisuo chu phûr hnung khawma a bul a la um zing hlak angin chi inthieng chu a bul la um zing chu a nih,” tiin.

ISAI 9:6

Ei ta dingin naupang a hung pieng a, naupa pêkin ei um tah a; rorêlna chu a liengkoah chuong a ta, a hminga chun Maka, Remruottu, Pathien Hrât, Chatuon Pa, Remna Lal an ti ding a ni sih a.

ISAI 9:7

David lalṭhungpha chunga le a ram chungah a rorêlna pungzie le inremnain tâwpintai nei naw nih, sukdet ding le tuta inthawka chatuon chen khawma rorêlna le felnaa tung- ding dingin. Sipaihai LALPA ṭha- hnemngaina chun chuong chu thâwng a tih.

JEREMIA 23:5

Ngai ta, nihai chu a hung tlung mêk; LALPA chun a tih: David-a hin kau feltak chu hung inṭotir ka ta, ama chun lal angin rorêl a ta, vartak- in thâwng a ta; rama chun rorêlna le felna chu suksuok a tih.

JEREMIA 33:15

Chuong nihaia le, chu huna chun, David kuoma chun felna Kau hung indâwntir ka ta, rama chun rorêlna le felna chu tir suok a tih.

EZEKIEL 17:22

“Lalpa PATHIEN chun hieng hin a tih; sidar lêr zîk insâng chu lâng ka ta, phun ka tih; a lêr zîktaka inthawk chun a kâu dâwng chu ektliek ka ta, tlâng insângtak le lang- sârtak chungah phun ka tih;

EZEKIEL 37:25

Ka siehlaw Jakob kuoma ram ka pêk, in thlatuhai chêngnaa khan chêng an ta; chutaka chun kumkhuoa dingin chêng an ta, anni le an nauhai leh, an nauhai nauhai leh; chun, ka siehlaw David chu kumkhuoa dingin an lal nîng a tih.

MIKA 5:2

Nisienlakhawm, nang Bethle- hem Ephratha, Juda rama sâng tamtakhai laia ṭhanga chun chîn hle la khawm, nangmaa inthawk hin Israelhai rorêltu ding chu ka ta ding hung suok a tih; a hung inṭanna chu tiena chatuona inthawk ta khan a nih.

ZEKARIA 3:8

Tuhin thiempu lal aw Josua, nang le i hmaa i rawihai ṭhung hlakhai le chun ngai ta u; inchikna dinga mihai an ni sih a; ngai ta u, a Kau, ka siehlaw chu ka hung lâk suok ding a ni sih a.

ZEKARIA 6:12

chun, a kuoma chun hril la, ‘Sipaihai LALPA chun hieng ang hin a tih: Ngai ta, mi pakhat a hming chu Kau a nih; ama chu a hmuna inthawkin hung inṭhang a ta, LALPA biekin chu hung bâwl a ta:

MATTHAI 1:1

Abraham naupa, David naupa, Isu Krista thlatuhai inthlazie chanchin chu:

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:12

Chun, Isaiin, “Jessai zung zâm chu um a ta, Jentailhai Lala um dingin, A hung suok ding chu um bawk a ta, Ama chu Jentailhai chun beisei phâng an tih,” a ti nâwk bawk a.

HEBRAIHAI 7:14

Ei Lalpa chu Juda hnam laia inthawka hung suok a ni ti ân lang fel sih a, chu hnam thua chun Mosiein thiempuhai kawng thu iengkhawm a hril nawh.

THUPUONGSUO 22:16

“Kei Isu hin kohranhai ta ding- in hieng thu hi in kuomah inhriettir dingin ka vântirko chu ka hung tir a nih. David bulpui le a thla arasi vartak, sikhawvar chu ka nih,” a ta.

THUPUONGSUO 5:5

Chun, upa laia pakhat chun, ka kuomah, “Ṭap naw, ngai ta, Sakei- baknei Juda hnama mi, David Bulpui khan, lekhabu chu phar ding le, a închikna pasari sût dingin a hne tah,” a tih a.

RUTH 4:17

Chun, a tuolbâwm nuhmei- hai chun, nau hming chu an hung sak a, “Naomiin naupasal a nei tah,” tiin a hmingah Obed an sak a; ama chu, David pa Jesai a pa a hung nih.

1 SAMUEL 17:58

Chun, Saula chun, “Tu naupa am i nih a, tlangvâl?” a ta. David chun a dawn a, “Bethlehem mi i siehlaw Jesai naupa ka nih,” tiin, a dawn a.