ISAI 10:34 - Pathien Lekhabu Inthieng (BSI)

³⁴ Thîrin ramhnuoi thing bittak- hai chu phûr a ta, Lebanon Sidar thinghai chu mi ropui phûrin tlu dur dur a tih.

ISAI 10:34 ပူးပေါင်းရင်းမြစ်များ

INPÂKNA HLABU 103:20

A vântirkohai, a thu ngaia, a thu zâwma, hrâtnaa ropui hlakhai, LALPA chu inpâk ro.

ISAI 10:18

A rampui le a hnuoi ṭha hmun ropuina khawm chu, thlarau le taksa chenin sukbohmang a tih, chuong- chun, inchikna chawitu a châu hun lai ang nîng a tih.

ISAI 2:13

Lebanon tlânga sidar thing insângtak le chawisânga umhai po po chunga dâm, Basan rama thingsaisuo po po chunga dâm;

ISAI 31:8

“Chu pha chun Assuria mi chu, mihriem kâwlhnâma sukthlûk ni loin, kâwlhnâm sukthlûkin um a tih; chun, kâwlhnâm mihriemhai ta ni loin ama chu fa zo a tih; kâwlhnâma inthawk chun tlân hmang a ta, a tlangvâlhai chu sie chawitu hung ni tâng an tih.

ISAI 33:9

Ram chu a ṭapin a châu a; Leba- non chu ân zakin a vuoi a, Saron chu thlalêr ang a ni tah; Basan le Karmel chun an hnahai an thin thlâk a.

ISAI 37:24

I siehlawhai hmangin LALPA chu i sukhmingsiet a, Ka tawlailîr tamtakhai leh tlâng ram, Lebanon ram rilahai hin ka hung tlung tah a; sidar thing insângtakhai le a far thing ṭha mihai hi phûr ka ta; a hmun inzotak, a hnuoi ṭhatna hmun ram- puia chun lût ka tih.

ISAI 37:36

Chuongchun, LALPA vântirko chu a va suok a. Assuria mihai riekhmuna chun mi nuoi khat, sing riet sâng nga a sukhlum a; chun, zîngkâra mi an hang tho chun ngai ta, mithi ruong khât ngawt a lo ni tah a.

JEREMIA 22:7

I chunga chun suksetuhai, mi tin el chu mâni hriemhrei seng leh, ka buotsai ding a nih; anni chun i ditthlang sidar dâm chu sât thlâng an ta, meiah tîng an tih.

JEREMIA 48:2

Moab inpâkna chu a um ta nawh a; Hesbona chun a chungah thil ṭha naw chu an rawt a, ‘Thaw ro, hnam ninaa inthawkin ama chu sât thlâng ei tiu,’ tiin. Nang khawm Aw Madmen, sukto ṭawk la nîng i tih; kâwlhnâmin hung hnawt bawk a ti che.

EZEKIEL 31:3

Ngai ta, Assuria chu Lebanona thingkau ṭha tak nei, Buk hlim nei, dung tieng insâng tak a na; A lêrzîk khawm chu kâu inbuk tak laia chun a um a.

DANIEL 4:23

Chun, lalin vâna inthawka vêngtu le mi inthieng hung thlaa, Thing kha phûr thlu unla sukbo- hmang ro, amiruokchu, a zunghai kûnghmui ruok chu hnuoia hlobet innêm lai thîr le dârsen hnânga khuopin mâksan ro, vâna inthawka daidâw chun hu hlak sienla, a fâk ding khawm chu ramhnuoia ramsa- hai fâk ang chu ni raw se; ama chunga hun sarihai a fe liem hma- khat chun, ti thu an hung hril ruok hi chu,

NAHUM 1:12

LALPA chun hieng ang hin a tih: “An hrât thei tâwpin hrât hai sienla khawm, tam khawm tamtak ni hai sien khawm, chuongsa khawm chun vât thlûkin um an ta, bohmang an tih. Lo sukrimsi ta lang che khawm sukrimsi nâwk ta naw ning che.

2 THESSALONIKA 1:7

nangni rinum tuortuhai chu, Lalpa Isu a vântirko hrâttakhai leh meichawk laia a hung inlang pha, keini le hin min châwltir le;

2 PETER 2:11

Vântirko, hrâtna le thilthaw- theina nei lemhai hmanin, Lalpa hmaa chu an chungthu rêlpêkin an hrilsiet ngai naw kha.

THUPUONGSUO 10:1

Chun, vântirko hrâttak dang pakhat, sûma inthuom, vâna inthawka hung ṭum ka hmuh a; a lua chun sumrisâng ân zâm a, a hmai chu nisa ang a na, a kehai chu mei ban ang a nih.

THUPUONGSUO 18:21

Chun, vântirko hrâttak hin burawtnawina lung lientak ang hi lung a lâk a, tuisuorietah a peithlâk a, “Babulon khaw ropui chu hieng anga nasa hin peithlâk nîng a tih, tûkhawmin hmu nâwk ta naw tawp an tih.