ISAI 10:28 - Pathien Lekhabu Inthieng (BSI)

²⁸ Aiath khuo a tlung tah, Migron khuo a fe thleng tah; Mikmas khuoa chun a thuomhnaw a sie tah:

ISAI 10:28 ပူးပေါင်းရင်းမြစ်များ

NEHEMIA 11:31

Chun, Benjamin thlahai chu Geba khêl tieng, Mikmas-a dâm, Aija-a dâm, Bethel le a khawperahai dâm:

ISAI 8:8

chun, Juda ram chenin chîm tlum dum dum a ta, a liemin luong tlang dum dum a ta, rîng khawm chîm phâk hiel a tih; chun, a thla zar chun, Aw Immanuel, i ram khang tieng po po hi aw vawng a tih.

MIKA 1:9

A hliemnahai chu sukdam thei a ni nawh; Juda ram a tlung ta hiel sih a; ka mihai kawtkhâr, Jerusalem meu khawm a tlung a nih.

JOSUA 7:2

Chun, Josua chun Jeriko khuoa inthawk chun Bethel saktieng, Beth-Aven dep Ai khuoa chun mihai a tir a, an kuomah, “Hang fe unla, ram hang enthla ta u,” tiin a hril a. Mihai chu an hang feh a, Ai khuo chu an hang enthlâk tah a.

RORELTUHAI 18:21

Chuongchun, an fe suok tah a, an nau le tehai le an ranhai, thuom- hnawhai chu an sawm pei a.

1 SAMUEL 13:2

Chun, Saula chun Israelhai laia mi sâng thum a thlang a, sâng hni chu Mikmasa le Bethel tlângah Saula kuomah an um a; sâng khat chu Benjamin rama Gibeaa Jonathan kuomah an um a; a dang po chu anni puon inah ân fetir vawng a.

1 SAMUEL 13:23

Chun, Philistin râl vêngtu sipaihai chu Mikmas kâwna chun an suok tah a.

1 SAMUEL 13:5

Chun, Philistin mihai chu Israel- hai do ding chun an inpun khâwm ta ṭeu el a, tawlailîr sîng thum, sakawr chung chuong mi sâng ruk, sipai chu tuisuoriet panga phaiphin zât zet an nih; chun, an hang feh a, Beth-aven saktieng panga Mikmasa chun ṭhanghmun an khuor a.

1 SAMUEL 14:2

Saula chu Gibea ram hmawr tieng daia Migrona theibufai kûng hnuoiah a um a; a kuoma mi umhai chu za ruk amani lai an na.

1 SAMUEL 14:31

Chuongchun, chu ni chun Mikmasa inthawkin Aijalon chenin Philistin mihai chu an thawh a; chun, mipuihai chu an châu hle el tah a.

1 SAMUEL 14:5

Lungpui indaw pakhat chu Mikmas hmârtieng panga um a na, a dang pakhat chu Geba zâwn simtieng panga um a nih.

1 SAMUEL 17:22

Chun, David chun a thuom- hnaw chu thuomhnaw enkawltu kuoma chun a sieh a, indona hmun tieng chun a va tlân a; a uhai chu chibai a va bûk a.