ISAI 1:9 - Pathien Lekhabu Inthieng (BSI)

⁹ Sipaihai LALPA chun hlabîkhai tlâwmte mi lo hlapêk naw sienla chu Sodom ang khan um dai tâng ei ta, Gomorra ang el khan um tâng ei tih.

ISAI 1:9 ပူးပေါင်းရင်းမြစ်များ

INṬANNA 18:26

Chun, LALPA chun, “Sodom sûnga chun mi fel sâwmnga khawm ka hmu chun anni lei chun khaw pumpui chu hla el ka tih,” a ta.

INṬANNA 18:32

Chun, ama chun, “Aw Lalpa, lunginsen naw la, vawikhat bak hang hril nâwk ka tih; chutaka chun sâwm bak i hmu el rawi mawh,” a ta. Chun, ama chun, “Sâwm lei khawm chun sukbohmang naw ning,” a tih a.

INṬANNA 19:24

Chun, LALPA chun Sodom le Gomorra chunga chun vâna LALPA kuoma inthawk kât le mei ân sûrtir a;

1 LALHAI 19:18

Nisienlakhawm, Israel rama hin Baal hmaa la dingṭhaṭhuon ngailo le, la fâwp ngailo mi sâng sari ka ta dingin ka hum ding a nih,” a ta.

2 LALHAI 19:4

A pu Assuria lalin Pathien hring hming hrilse dinga a tir Rabsake thuhrilhai po po chu, LALPA i Pathien chun hrieng a ta, a thuhril, LALPA i Pathienin a thu hriet chu a la kâwk rawi mawh; chu chu lei chun a la um sunhai chu ṭawngṭaipêk rawh,’ a ti che,” an ta.

ISAI 1:8

Zion naunu chu grêp huona vêngbûk ang le, fanghma huona ṭu ang le, khawpui inhuolvêl anga mâksanin a um tah.

ISAI 11:11

Chun, chu nia chun LALPA chun a mihai, a thi mahla la um sun, Assuria rama inthawk dâmin, Aigup- ta rama inthawk dâmin, Pathros rama inthawk dâmin, Kus rama inthawk dâmin, Elam rama inthawk dâmin, Sinar rama inthawk dâmin, Hamath khuoa inthawk dâmin, tuisuoriet thlierkâra inthawk dâma la nâwk dingin a vawi hninaa chun a kut la phar nâwk a tih.

ISAI 11:16

Chuongchun, Aigupta rama inthawka an suok nia, Israelhai ta dinga lamlien a lo um ang khan a mihai thi mahla la um sunhai ta ding chun Assuria rama inthawkin lamlien hung um a tih.

ISAI 17:6

Nisienlakhawm, oliv thing vuok hnunga a zikpui insângtak lêra ra pahni pathum amanih, thing ratak zâr seitaka hai pali panga amanih a um hlak ang hin chutaka chun hmu ṭhel rût ding la um a tih, LALPA Israelhai Pathien chun a tih.

ISAI 24:13

Hnuoi lailia mi tin lai chun hieng ang hin a la um ding a ni sih a, oliv thing vuok hnunga a ra la um hlak ang le, grêp lo hnunga grêp hmu ṭhel lo ding a la um hlak ang el hin.

ISAI 24:6

Chuleiin, ṭawngsie inphurnain hnuoi a fâk zo a, a umhai chu thiem- naw inchangtirin an um tah; chuleiin, hnuoia umhai chu an kâng hlum a, mi tlâwmte chau an um tah.

ISAI 37:4

Rabsake, a pu Assuria lalin Pathien hring hrilse dinga a itirpa thuhrilhai chu LALPA i Pathienin a naa a hriethai chun la kâwk ngei a tih; chuleiin, hlabîka la umhai ta ding hin i ṭawngṭâina chu hang inhlân rawh,’ a tih a,” an ta.

ISAI 46:3

Aw Jakob sûnghai le, Israel sûng- hai laia hlabîkhai po po, phînga inthawka ka puok a, sula inthawka ka pawm tahai, ka thu hi lo ngai ro;

ISAI 6:13

Chun, a sûnga chun sâwm laia pakhat khawm la um sienla, fâk zoin um nâwk nghâl an tih; nisienla- khawm, sething le thingsaisuo chu phûr hnung khawma a bul a la um zing hlak angin chi inthieng chu a bul la um zing chu a nih,” tiin.

ISAI 65:8

LALPA chun hieng ang hin a tih, “Grêp bâwrah uoin thar an hmuh a, miin, ‘Sukse naw, khataka khan malsâwmna a um si,’ an ti ang khan, ka siehlawhai leiin ti vêng ka tih, an rênga ka suksiet vawng nawna dingin.

JEREMIA 23:14

Jerusalema zâwlneihaia khawm thil râpthlâktak ka hmuh a; anni chun uiretna thil an thawh a, thukhêlah an feh a, thilsuol thawtu kut chu an sukhrât a, chuongchun, tukhawm an khawhlonaa inthawkin an kîr nawh; an rêng el chun ka ta ding chun Sodom ang an na, chutaka a hluotuhai chu Gomorra ang an nih.

JEREMIA 42:2

zâwlnei Jeremia kuoma chun hieng hin an hril a, “Kan ngên che hi, kan hninahai hi i hmaa chun pawm ni raw se; hieng tuta la mahlahai po po ta ding hin, LALPA i Pathien kuoma chun kan ta dingin ṭawngṭai rawh; i mitin a hmu chie ang hin, tamtak kha tlâwmte chau hi hlain kan um a nih;

JEREMIA 50:20

Chuong niahai chun, chuong pha chun, LALPA chun a tih: Israel suolna chu zawng nîng a ta, ieng- khawm um naw ni; chun, Juda suolna khawm chu hmu ni ta naw nih a; a mahla anga ka hla tahai chu ka ngaidam ding a ni sih a.

ṬAP HLA 3:22

A lunginsietna chun a tlin naw naw leiin, LALPA zângaina leiin sukbohmangin ka um hri nawh a.

ṬAP HLA 4:6

Ka mihai naunu rîtlona chu Sodom suolna nêkin a nasa lem sih a; Chu chu mitkhapkâr loa pei- hâwnin a um a, a chunga chun kut hrim innghat a ni nawh.

EZEKIEL 14:22

Amiruokchu, ngai ta, chutaka chun a mahla lâksuok la ni rawp an ta, an naupasalhai le an naunu- hmeihai chu; ngai ta, in kuoma chun hung suok an ta, an umdân le an thilthawhai chu lo hmûng in tih, chun, Jerusalem chunga thil ṭha naw ka hung intlungtir thua le a chunga ka hung intlungtir po po thua chun sukthlamuongin um in tih.

EZEKIEL 6:8

Amiruokchu, ṭhenkhat la hlâng ka ta, ramhaia sukdara in um pha chun, hnamhai laia chun ṭhen- khat chun kâwlhnâm chu pumpel in tih.

JOEL 2:32

Chun, hieng ang hi nîng a ta, tukhawm LALPA hming lam taphawt chu sanhim nîng an tih; LALPAIN a hril ang khan a tlânsuokhai chu Zion tlânga le Jerusalem khuoah an um âwm sih a, chu hai lai chun LALPAIN a kohai chu ṭhang an tih.”

AMOS 4:11

“Sodom le Gomorra khuo chu Pathienin a sukchim lai angin nangni lai mi ṭhenkhat ka sukchim a, thing kâng ût lâk suok ang in na; chuong khawm chun ka kuomah in hung kîr nawh,” LALPA chun a tih.

HABAKKUK 3:2

Aw LALPA, i ṭawng ka hriet a,ka ṭi tah a; Aw LALPA, hieng kumhai sûng hin i sinthaw chu hung sukhar rawh. Kumhai laia hin hung inhriettir la, Lunginsennaa khawm zângaina chu hre zing rawh.

ZEPHANIA 2:9

Chuleiin, kei le kei insâlin, sipaihai LALPA, Israelhai Pathien chun a tih: “Matheiloin Moab chu Sodom ang hung nîng a ta, Ammon thlahai chu Gomorra, chikhurhai hmun le zakthlai bil râusan kumkhuo ang chu hung nîng a tih. Ka mi a la um sunhai chun anni chu suksieng an ta, ka mi a la um sunhai chun hluong an tih.”

MATTHAI 7:14

Hringnaa fena kawtkhâr chu a chîn a, a lampui khawm ân têp bawk a, a hmutuhai khawm tlâwmte an nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:27

Isai khawma Israelhai thu khêkpuiin, “Israel mihai chu tuisuorieta phaiphin zâtin tam hai sien khawm, a ihrem bâk chau chu sandamin um an tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:29

Isai bawkin, “Mipuihai Lalpa chun chithlâtu mi lo hlapêk naw sien chu, Sodom angin lo um tâng ei ta, Gomorra anga siemin lo um tâng ei tih,” tia a lo hrillâwk ta ang khan.

DÂN PAHNINA 29:23

a ram pumpui chu kât le chi le kângzêu, iengkhawm chîng nawna, iengkhawm inder nawna, hlobethai khawm inder nawna, Sodom le Gomorra le Adma le Zeboiim suksiet, LALPA lunginsen le lungâwinawa a suksiet ang anga suksiet a ni an hmu hnung chun,

2 PETER 2:6

Sodom le Gomorra khuohai chu ama ngaisak naw la hung um dinghai inentirna dingin a hmang a, vuta inchangtirin, sukbohmangin thiem- naw ân changtir tah a.

THUPUONGSUO 11:8

Chun, an ruong chu khaw ropui kawtthlêra chun um zing a ta; chu khaw ropui chu thlarau tieng thua chu Sodom le Aigupta an ti a nih, chutaka bawk chun an Lalpa chu hemdein a um kha.