ISAI 1:3 - Pathien Lekhabu Inthieng (BSI)

³ Bâwngchal chun a pu a hriet a, sabengtung khawma a pu bupêkna a hriet bawk a, Israelhai ruok chun an hriet si nawh a; ka mihai chun an ngaituo naw a nih,” tiin.

ISAI 1:3 ပူးပေါင်းရင်းမြစ်များ

INPÂKNA HLABU 94:8

Mi laia mi ngawnghai ngaituo ro, Mi invêthai, iengtik am var in ti aw!

THUVARHAI 28:5

Mi suol chun rorêlna chu a hrietthiem nawh a, LALPA zawngtuhai ruok chun thil po po an hrietthiem.

THUVARHAI 6:6

Nang thabo, phaivâng kuomah fe la, A lampuihai ngaituo la, var rawh.

ISAI 27:11

A kauhai chu a vuoi pha chun thliekin um a ta, nuhmeihai hung an ta, raw el an tih; hriet theina hrim hrim nei naw mihai an ni sih a; chuleiin, anni siemtu chun anni chu lunginsiet naw nih a, anni inngîrtu chun anni chu a ditin ditsak hrim hrim bawk naw nih.

ISAI 42:20

Thil tamtak i hmuh a, nisien- lakhawm, i lungrilah i vawng zing ngai nawh a, nahai chu ân âwng a, anachu a hriet ngai nawh.

ISAI 44:18

An hriet nawh a, an ngaituo bawk nawh; ama chun an hmu thei nawna dingin ân sîmtir ta sih a; an hrietthiem nawna dingin an lungril khawm a khârpêk tah a.

ISAI 5:12

Ṭingṭang le perkhuonghai, khuongtê le theihlehai, uoin leh an ruoiṭhenaahai chun a um hlak a, nisienlakhawm, LALPA sinthaw chu an ngaisâng ngai nawh a, a kut thil- thaw chu an ngaituo ngai bawk nawh.

ISAI 5:13

Chuleiin, ka mihai chu, hrietna an nei naw leiin, sala ṭhuoiin an um tah a; an mi inzâumhai chu an phîng a ṭâm a, an mipuihai chu dangchârin an dang ân hil zo tah a.

ISAI 56:11

Anih, uihai chu duâmtak an na, huntâwk ti hrim an nei ngai nawh; chuong chu berâm vêngtu thil hre theilohai an na, mâni lampui pei, mâni hlâwkna tieng seng, an ngha vawng tâwl, an rêng elin.

JEREMIA 10:14

Mi tin el chu ngawngtak, hriet- na nei lo an na; rângkachak suttu tinhai khawm chu a milim kera siem lei chun sukzakin a um a; a milim sunghai chu khêlthu ngawt a na, an- nia chun inthuokna a um si nawh a.

JEREMIA 10:8

Anni chu ngawngtak le invêt an na, milim inchûktirna chu thing bul el chu a nih.

JEREMIA 35:16

Rekab naupa Jonadab naupa- salhaiin an pain thu a pêk an thaw vei leh, hi mihai hlak hin an mi ngai si nawh a;

JEREMIA 4:22

“Ka mihai an invêt a, an mi hriet si nawh a; naupang invêttak ang, hrietthiemna hrim khawm an nei naw, thil ṭha naw thaw dingin an var a, thil ṭha thaw ding ruok chun hrietna an nei nawh.”

JEREMIA 50:6

“Ka mihai chu berâm inhmang- hai an lo ni tah a, an vêngtuhai chun anni chu tlângahai chun inherhmang- tirin, an ṭhuoi hmang a; tlânga in- thawkin muola dâm chun an fe a, an riekna hmun chu an theinghil tah a.

JEREMIA 8:7

Anih, chunga vakâwl chun ama hun ruot chu a hriet a; vaṭhuhai, pelêuhai, vangalsânghai an hunah an hung tlung a, ka mihai ruok chun LALPA thupêk an hriet nawh.

EZEKIEL 16:30

Hieng thil, nuhmei châk tawm tawmhai sin i thaw hi hmuin, ‘I lungril chu a va khawhlo de!’ Lalpa PATHIEN chun a ti a nih.

DANIEL 9:11

Anih, Israel mihai po po chun i râwl chu awi lo dinga inherhmangin i Dân chu an lo bawsiet tah a; chuleiin, ṭawngsie chu kan chungah, Pathien siehlaw Mosie dâna inkhâmna zieka um le chun buokin a um tah a; chuonga chun thil kan lo suksuol ta sih a.

HOSEA 2:8

Bu dâm, uoin dâm, hriek dâm hi, Tangka ka sukpungpêkhai hi, Rângkachak Baal ta dinga an hmanghai leh; Keima pêk a nih ti a hriet si nawh a;

MATTHAI 13:19

Tukhawmin ram thu chu naa a lo hriet a, a ngaina a hriet si naw chun, mi suol chu a hung a, a lungrila the sa chu a lâkpêk hlak. Chu chu lampui sîra the chu a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:28

Chun, Pathien hriet an nuom naw leiin, thil mawi naw tak tak thaw dinga a dit naw zâwng lungril nei phalin Pathienin a nghatsan tah a;

2 PETER 3:5

Hieng hi an theinghil tehlêm hlak si; Pathien thuin tienlaiin vânhai a hung um a, hnuoi khawm tuia inthawka siemin tui laia hai chun a lo um a;