ISAI 1:26 - Pathien Lekhabu Inthieng (BSI)

²⁶ chun, i chungah rorêltuhai chu a tîra an um ang khan inumtir nâwk ka ta, i sûnga remruottuhai chu a hmasa taka an um ang khan inumtir nâwk bawk ka tih; chu hnunga chun, ‘Felna khawpui, khawpui ringumtak,’ la tîng an ti che.

ISAI 1:26 ပူးပေါင်းရင်းမြစ်များ

ISAI 1:21

Iengtiziea khawpui ringumtak chu nawchizawra inchang el am a ni le aw! Rorêl felnaa sipnu a ni hlak vei leh! Amaa chun felna a um hlak a, tu ruok hin chu tuolthattuhai an um lem ta hi.

ISAI 2:3

Chun, chi tamtakhai chu fêng an ta, “Hung unla, LALPA tlângah, Jakob Pathien ina chun, hang fêng ei tiu; chuongchun, ama chun a lampui chanchinhai chu mîn chûktir a ta, a lampuiahai chun fêng ei tih,” tîng an tih. Ziona inthawk chun dân thu chu a hung suok ding a ni sih a. LALPA thu chu Jerusalema inthawkin a hung suok ding a nih.

ISAI 33:5

LALPA chu chawisângin a um tah; chungtienga khin a um sih a; ama chun Zion chu rorêl felna le felnain a suksip tah.

ISAI 54:14

Felnaa sukdetin um i ta, nêk- sâwrnaa inthawka hlatakah um i tih; i ṭi ta naw ding a nih; thil râpthlâka inthawka hlatakah um bawk i ta; a hnai naw ding che a nih.

ISAI 60:14

Chun, nangma sukrimsituhai naupasalhai chu kûnin i kuomah hung an ta; nangma hmusittuhai po po chu chibai bûkin i kepha hnuoiah kûn an tih; nang chu, “LALPA khaw- pui, Israelhai Mi Inthieng Zion,” tîng an ti che.

ISAI 60:21

I mihai khawm an rêngin mi fel nîng an ta, i ram hi hluo kumkhuong an tih; chawimawia ka um theina dingin anni chu a zung kaksuok ka phun, ka kutsuok chu nîng an tih.

JEREMIA 31:23

Sipaihai LALPA, Israel Pathien chun hieng hin a tih: An sal intângna ka hung lâk kîr nâwk pha chun Juda rama le chutaka khawpuihaia chun hi ṭawngbau hi la hmang nâwk an tih: “Aw indikna chêngna, LALPA chun mal sâwm raw se che,” ti dâm le, “Aw inthiengna tlâng,” ti dâm hi.

JEREMIA 33:11

hlimna râwl dâm, lâwmna râwl dâm, moneitu râwl dâm, mo le, ‘Sipaihai LALPA kuoma chun lâwmthu hril ro, LALPA chu a ṭha sih a; a zainêmna chu kumkhuoin um zing a tih,’ tituhai râwl le, LALPA ina lâwmthu hrilna inthâwinahai hung chawituhai râwl ri chu. Hi ram sal intângna hi a tîr ang khan ka lamlêt ding a ni sih a, LALPA chun a tih.

JEREMIA 33:7

Juda sal intângna le Israel sal intângna chu inlamlêttir ka ta, a tîra ang khan anni chu rem ka tih.

EZEKIEL 45:8

Chu ram chu Israelhai laia ama ta dinga a chan chu nîng a ta; ka lalhai chun ka mihai chu nêksâwr ta ngai naw ni hai a; amiruokchu, Israel sûngkuo laia chun an hnam ang peiin ram chu pe lem tâng an tih.

MIKA 4:8

Aw nang, ran ruol kul, Zion naunu umna tlâng, i kuomah hung tlung a tih: anih, inlalna hmasa chu hung tlung a tih, Jerusalem naunu inlalna chu.

ZEPHANIA 3:13

Israel mi hlabîkhai chun rîtlona thaw ta naw ni hai a, khêl khawm hril ta ngai naw nihai; an bauhaia chun lei mi hlêm hmangna hrim hrim khawm hmu ni ngai ta naw nih; khawp dingin fâng an ta, zâl an tih, tukhawma an sukṭi ta naw ding a ni sih a,” a ta.

ZEPHANIA 3:9

Chun, chutaka inthawk chun hmûr inthieng put chihai kuoma chun kîr nâwk ka ta, lungril hmun- khata a rawng bâwl dinga LALPA hming chu an rênga an lam theina dingin.

ZEKARIA 8:3

LALPA chun hieng hin a tih, “Ziona chun ka hung kîr a, Jerusalem sûnga chun chêng ka tih; chun, Jerusalem chu, ‘Thudik khawpui,’ ti nîng a ta; sipaihai LALPA tlâng chu, ‘Tlâng inthieng,’ ti nîng a tih,” tiin.

ZEKARIA 8:8

anni chu hung ṭhuoi ka ta, Jerusalem sûnga chun chêng an tih; chun, anni chu ka mihai nîng an ta, kei chu, felna le indiknain an Pathien nîng ka tih,” tiin.

NAMBAR 12:3

Mosie chu hnuoi chunga mihriem po poa zainêm tak a na.

NAMBAR 16:15

Chuongchun, Mosie chu a lung a sen hle el tah a; LALPA kuomah, “An thilinhlân chu pawm naw rawh, an sabengtung chu pakhat khawm ka lâk nawh a, tukhawm ka sukna bawk nawh,” a ta.

THUPUONGSUO 21:27

Nisienlakhawm, thil inthieng- naw hrim lût dêr naw nih a, thil tirdakum thawhai le khêlinhlip khawm lût naw bawk an tih; Berâmte Hringna Bua hming an ziekhai chau lût an tih.