ISAI 1:17 - Pathien Lekhabu Inthieng (BSI)

¹⁷ rorêlna fel zawng unla, nêk- sâwrna tuorhai chu ṭhangpui unla, pa bohai chu ro rêlpêk unla, hmeithaihai chu hrilpui ro,” ti hi.

ISAI 1:17 ပူးပေါင်းရင်းမြစ်များ

INPÂKNA HLABU 34:14

Suol chu fe san la, thil ṭha thaw rawh; Inremna zawng la, a hnawtin hnawt rawh.

FESUOKNA 22:21

Mikhuol chu indiknawtakin i thaw ding a ni nawh a, i suknawmna ding khawm a ni nawh; nang khawm Aiguptaah mikhuol i ni ta kha.

THUVARHAI 15:25

Mi chapo sûngkuo chu LALPA chun kar thlûng a ta, Hmeithai ramri ruok chu tungdingpêk a tih.

THUVARHAI 21:3

Rorêlna le thil fel thaw hi, Inthâwina nêkin LALPA ta dingin pawmtlâk a ni lem dai.

THUVARHAI 31:9

I bau chu ka la, feltakin ro chu rêl la, Chun, tlasamhai le pasiehai ta ding chun rorêlna rawng chu bâwl rawh.

ISAI 1:23

I mi lienhai chu mi hel hmang, inru hmanghai ruolhai an nih, mi tinin tham an nuom a, lâwmman an hnawt hlak; pa bohai ro an rêlpêk ngai nawh a, hmeithai thu hlak an kuom a tlung ngai nawh.

ISAI 10:2

Pasiehai chu rorêlna fel inkhêltir ding le ka mihai laia pasiehai hmu thei ding âwm hrim hrim lâkpêk dinga, hmeithaihai chu an râllâk anga an um theina dingin le pa nei nawhai chu an thil lâkpêk anga an siem theina dinga thawtuhai chu.

ISAI 56:1

LALPA chun hieng ang hin a tih, “Rorêl zâwm unla, feltakin thaw ro, ka sandamna chu a hung tlung vâng vângin, ka felna chu a hung inlang ṭêp ta sih a.

ISAI 58:6

“Hi hi ni lo am a ni bungheina ka idit zâwng chu? Rîtlonaa khuop sût- pêk le, rîngkawl hruihai sûtpêk le, nêksâwra umhai insuoktir le, rîng- kawl tinrêng suktliekpêk hi.

JEREMIA 21:12

Aw David sûngkuo, LALPA chun hieng hin a tih: Zîngtieng chun rorêlna chu tirsuok la, nêksâwrtu kuta inthawk chun suksieta um chu sansuok la; chuong naw chun, in thil- thawhai rîtlo leiin, mei angin ka lunginsenna chu fe suok a ta, tukhawm ṭhel ruol loin chawk a tih.

JEREMIA 22:3

LALPA chun hieng hin a tih: Felna le rorêlna chu tirsuok unla, nêksâwrtu kuta inthawk suksieta um chu sansuok ro; thil dik naw chu thaw naw unla, thawluina chu thaw naw unla, hmeithaihai le, mikhuolhai le pa neilohai chunga chun; hi hmuna hin mi thiem thisen chu insuo bawk naw ro.

JEREMIA 35:15

Chun, zîngkâra thoa anni hung tirin, ‘Mi tin chu mâni lampui suola inthawk chun hung kîr unla, in thil- thawhai chu siemṭha unla, pathien danghai chu an rawng bâwl dingin zui bawk naw ro, chuongchun, nangni le in thlatuhai kuoma ram ka ipêk cheua hin chêng in tih,’ tiin, ka siehlaw zâwlneihai po po chu in kuomah ka hung tir a; nisienla- khawm, in na khawm in sit nawh a, ngai khawm in mi ngai naw kha.

EZEKIEL 18:31

In bawsietnahai po po, in lo bawsiet tahai chu, nangnia inthawk- in peihâwn unla, thlarau thar le lung- ril thar insiempêk unla, aw Israel sûngkuo, iengdingin am thîng in ta?

EZEKIEL 22:7

I sûnga chun nu le pa chu hmu- sitin an um a; i sûnga chun mikhuol- hai chu nêksâwrin an sawisah a; i sûnga chun pa neilohai le hmeithai chu an sukkhawhlo tah a.

EZEKIEL 45:9

“Lalpa PATHIEN chun hieng hin a tih; Aw Israel lalhai, inhuntâwktir ta ro; pâwngnêkna le suksietna chu sie hmang unla, indikna le rorêl fel chîng ta unla; ka mihai hnawt suok hi ma ta ro; Lalpa PATHIEN chun a tih.

DANIEL 4:27

Chuleiin, aw lalpa, ka thurâwn hi i kuoma chun pawmtlâka ngai ni raw se; i suolnahai chu felnain thleng la, i khawhlonahai chu mi rimsihai chunga lunginsietna inentir bawk rawh; i sukdik nawnahai hi sukdama a um ding chun chu,” a ta.

MIKA 6:8

Aw mihriem, a ṭha chu ân entir ta che a nih; LALPAIN a phût che chu ieng am a na? Indiktaka thaw le lunginsietna ngainat le i Pathien le thuhnuoirawltaka lêng hmunkhat chu a ni naw am a nih?

ZEPHANIA 2:3

Nangni a rorêlnahai anga thaw- tu, hnuoi chunga zainêm po pohai, LALPA chu zawng ro; felna chu zawng unla, zainêmna chu zawng ro; LALPA lunginsenna nia chun thupa in um theina dingin.

ZEKARIA 8:16

Hienghai hi thil in thaw dinghai chu an nih: mi tinin mâni tuolbâwm kuomah thu indiktak hril raw se: in kul kawtkhârhaia chun inremna le indikna rorêlna chu suksuok unla,

DÂN PAHNINA 14:29

chun, in umnaa um Levi mihai khawm chu nangni laia chanvo, rochan khawm nei ve nawhai le ram dang mihai le pa nei nawhai le hmeithaihai chun fâng an ta, lo khawsa ve thei el an tih; chuongchun, LALPA in Pathienin in kutsuok po poa chun mal a sâwm ding cheu a nih.

JAKOB 1:27

Ei Pathien le Pa mithmua sakhaw biek dân inthieng le, suol ṭhang naw chu hi hi a nih, fahra le hmeithaihai an rimsik laia kan le, khawvêl inthieng nawna kai loa in- siem hi.