INṬANNA 9:3 - Pathien Lekhabu Inthieng (BSI)

³ Thilhring chângthei tinrênghai chu in ta dingin fâk ding nîng an ta; thlai hring ka pêk ang cheu khan iengkim ka pêk vawng cheu.

INṬANNA 9:3 ပူးပေါင်းရင်းမြစ်များ

INṬANNA 9:2

Nangni ṭîna le pawisakna hnuoia sa tinrêng le chunglêng vate tinrêngin nei an ta; chuonghai le hnuoia bawkinvâka lâwn po po le, tuisuorieta nga po pohai chu, in kuta pêk an ni vawng tah.

LEVI DÂN 22:8

Insukpawrche dingin mânia thi amanih, sa se amanih a fâk ding a ni nawh. Kei hi LALPA chu ka nih,’ tiin hril rawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:14

Ama le ama ngawt chun ân thieng naw iengkhawm a um nawh ti Lalpa Isua chun ka hriet hle a nih, thil inthieng loa ngaitu ta ding chun, ama ta ding chun ân thieng naw a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:17

Pathien ram chu dâwn le fâk tieng thu a ni si nawh a; felna dâm, inremna dâm, Thlarau Inthienga lâwmna dâm a ni lem ie.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:20

I thil fâk leiin Pathien sinthaw sukse naw. Thil po po chu ân thieng ngei, nisienlakhawm, a thil fâkin mi a sukthlûk chun, a fatu ta dingin suol a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:3

Iengkim fa mi chun a fa naw chu hmusit naw raw se; a fa naw khawm chun a fatu chu sawisêl naw raw se; Pathienin ama chu a lâwm tah annâwm.

1 KORINTH 10:23

Thil iengkim thaw a thieng a; nisienlakhawm, thil iengkim thaw a ṭha kher nawh. Thil iengkim thaw a thieng a; nisienlakhawm, thil ieng- kim thawin a mi siem ṭha kher nawh.

1 KORINTH 10:31

Chuongchun, in fâk khawmin, in dâwn khawmin, in thaw taphawta chun Pathien ropuina ding ruokin thaw ro.

DÂN PAHNINA 12:15

Amiruokchu, LALPA in Pa- thienin malsâwmna ân dawngtir cheu ang peiin in hringnain a châk ang ang chu in in sengah that in ta, a sa chu fa thei in tih; ân thienghai le ân thiengnawhai khawm a, sangai dâm, sakhi dâm hi chu fa thei an tih.

KOLOSSA 2:16

Chuongchun, fâk thua manih, dâwn thua manih, ruoiṭhe ni thua manih, thla thar thua manih, châwlni thua manih tûkhawmin sawisêl naw raw hai se cheu;