INṬANNA 9:2 - Pathien Lekhabu Inthieng (BSI)

² Nangni ṭîna le pawisakna hnuoia sa tinrêng le chunglêng vate tinrêngin nei an ta; chuonghai le hnuoia bawkinvâka lâwn po po le, tuisuorieta nga po pohai chu, in kuta pêk an ni vawng tah.

INṬANNA 9:2 ပူးပေါင်းရင်းမြစ်များ

INṬANNA 1:21

Chuongchun, Pathienin tuisuo- rieta thilhring lientak takhai chu a siem a, thilsiem hringna nei le chângthei tinrêng tuiin a insuo ṭeuhai chu anni chi um dân ding ang sengin a siem bawk a, vate thla nei tinrêng khawm anni chi um dân ding ang sengin a siem a: Pathienin chu chu a en a, ṭha a ti hleh a.

INṬANNA 1:26

Chun, Pathienin, “Ei angpuiin, eini angtakin, mihriem siem inla, anni chu tuisuorieta nga chunga dâm, chunglêng vate chunga dâm, ran chunga dâm, hnuoi chung po poa le thilhring hnuoia bawkinvâka lâwn po po chunga dâm, thu inneitir ei tiu,” a ta.

INṬANNA 1:28

Chun, Pathienin anni chu mal a sâwm a, Pathien ma chun an kuomah, “Chi tamtak thlain hung pung unla, hnuoi hi hluo sip unla, in thu thuin inumtir ro; tuisuorieta nga chunga dâm, chunglêng vate chunga dâm, thilhring hnuoi chunga bawkinvâka lâwn po po chunga dâm thu nei bawk ro,” a ta.

INṬANNA 2:19

Chun, LALPA Pathien chun pilin ramsa tinrêng le chunglêng vate tinrêng chu a siem a; an hmingah ieng ieng am ân bûk ding ti hrietna dingin mihriem kuoma chun a ṭhuoi tâwl a; chun, thilhring tinrênghai chu mihriem chun an hming a lo inbûk po chu an hming a ni sawng tah a.

INṬANNA 35:5

Chun, an feh a, an vêla khuohai chun an lo ṭi nasa hleh a, Jakob naupasalhai chu an hnawt ngam nawh a.

INṬANNA 9:1

Chun, Pathienin Noa le a naupasalhai chu mal a sâwm a, an kuomah, “Chi tamtak inthlain hung pung unla, hnuoi hi hluo sip ro.

INṬANNA 9:3

Thilhring chângthei tinrênghai chu in ta dingin fâk ding nîng an ta; thlai hring ka pêk ang cheu khan iengkim ka pêk vawng cheu.

JOB LEKHABU (THE BOOK OF JOB) 39:11

A hrâtna chu a nasa leiin, ama chu i ring ding maw? Annawleh, ama kuoma chun i sininrimna chu în nghat ding am a nih?

EZEKIEL 34:25

Anni le inremna thuthlung siem ka ta, rama inthawk chun ramsa rilohai chu inrêmtir vawng ka tih; thlalêra chun himtakin chêng an ta, rampui hnuoia chun zâl an tih.

HOSEA 2:18

Chu nia chun ramsahai, chung- lêng vatehai, hnuoia thilhringhai leh an ta dingin thuthlung siem ka ta; thalngulhai, kâwlhnâm dâm le indo nahai hi hnuoia inthawkin sukbo- hmang ka ta, himtakin inum hmun- khattir ka tih.

LEVI DÂN 26:22

Nangni lai ramsahai inhungtir ka ta, chuonghai chun in nauhai lâkpêk an ti cheu a, sukkiem tiel tiel an ti cheu a, in lampuihai chu ṭhing ṭhuop a tih.

LEVI DÂN 26:6

Hi ram hi râlmuongtakin inumtir ka ta, zâl ṭawk ṭawk in ta, tukhawma sukṭi naw nihai cheu a, ramsa suolhai chu hi rama inthawk hin hnawt hmang ka ta, kawlhnâmin in ram fe thleng naw bawk a tih.

JAKOB 3:7

Sa chi tinrêng dâm, vate chi tinrêng dâm, thilhring chi tinrêng dâm, tuisuorieta thil tinrêng dâm hi vai ngam thei a ni sih a, mihriemhai ivai ngamin an um bawk a;