INṬANNA 7:11 - Pathien Lekhabu Inthieng (BSI)

¹¹ Noa chu kum za ruk a ni kum, a thla hnina ni sâwm le ni sari niah, chu ni ngei chun tui inthûk lientak hnâr po po chu a hung pût ta vawng a, vân tukverhai khawm a hung inhawng ta bawk a.

INṬANNA 7:11 ပူးပေါင်းရင်းမြစ်များ

INṬANNA 1:7

Chuongchun, Pathienin boruok lientak chu a siem a, boruok lientak hnuoia tui umhai le boruok lientak chunga tui umhai chu a ṭhe tah a: chuong angtak chu a lo ni tah a.

INṬANNA 6:17

Chun, ngai ta, keima ngeiin, tisa po po hringna thuoka inthuok taphawt chu vân hnuoia inthawka sukbohmang dingin hnuoia hin tui ka suklêt ding a nih; hnuoia thil tinrêng um hi thi vawng an tih.

INṬANNA 7:6

Chun, hnuoia tui a hung lêt lai chun Noa chu kum za ruk mi a nih.

INṬANNA 8:14

A thla hnina ni sâwmhni le ni sari nia chun hnuoi chu a hung ṭâwl zo tah a.

INṬANNA 8:2

tui inthûktak hnarhai le vân tukverhai khawm chu a hung inkhâr tah a, vâna inthawka ruo hung sûr chu sukchâtin a um ta bawk a;

2 LALHAI 7:19

chun, sipai hotuin Pathien mi chu a dawn a, “Ngai ta, LALPAIN vânah tukver a hawng ding a ni chu tie! Chuong ang chu ni thei hlak a ti maw?” a tih a, ama chun “Ngai rawh, i mit chun hmûng i ta, fâk ruok chu i fâk naw ding a nih,” tia a hril kha;

2 LALHAI 7:2

Chun, sipai hotu, lalin a kut a ihung ringsan chun, Pathien mi chu a dawn a, “Ngai ta, LALPAIN vânah tukver a hawng ding a ni chu aw! Chuong ang chu a ni thei hlak ding am a nih?” a ta. Chun, ama chun, “Ngai rawh, i mit chun chu hmu ngei i ta, a fâk ruok chu i fâk naw ding a nih,” a ta.

JOB LEKHABU (THE BOOK OF JOB) 12:15

Ngai ta, tuihai chu a chelngîr a, an kang tah a; A hung tir nâwk thung a, hnuoi chu an inkhum a.

JOB LEKHABU (THE BOOK OF JOB) 28:4

A ram hluotuhai um nawnaa chun khur an cho a, A chunga fehai chun an theinghil a; Mi hlatnaah an inkhai a, an inthên an inthên a.

JOB LEKHABU (THE BOOK OF JOB) 38:16

Tuisuoriet hnârahai chun i lût ta hlak am? Annawleh, li inthûk rila chun i fe ta hlak am?

JOB LEKHABU (THE BOOK OF JOB) 38:37

Varna ngawtin tuin am sûmhai chu a tiem sêng a? Vâna penghai chu tuin am bunthla thei a ta?

INPÂKNA HLABU 33:7

Ama chun tuisuoriet tuihai chu iengkhat siekhâwm thûr angin a sukkhâwm a, Tui inthûktakhai chu siekhâwm- na inahai a sieṭha hlak.

INPÂKNA HLABU 74:15

Nang chun tuihnâr le tuilien chu în ṭhe huk a, Nang chun vadung lientak takhai chu i sukkang a.

THUVARHAI 3:20

A hrietnain lithûkhai chu a sukdar a, Vânhai chun daidâw an insûrtir a.

ISAI 24:18

Chuongchun, ṭitum ria in- thawka tlânhmang chu khura chun tlâng a ta; khur sûnga inthawka hung suok chu chângah âwk a tih; chung- tienga tukverhai chu hawngin a um sih a; leihnuoi innghatsan chu ân hnîng bawk a nih.

ISAI 24:19

Hnuoi hi a kawi se vawng a, hnuoi hi sukboin a um tah, hnuoi hi nasatakin ân hnîng a.

JEREMIA 5:22

Kei chu in mi ṭi naw maw? LALPA chun a tih; Keia hmaihmaa, kumkhaw thupêk anga a liem thei nawna dinga tuisuoriet khuopnaa phaiphin sietu hmaah in inthin naw ding maw? chutaka tuifâwnhai chu an hang innawk hlaka chu, a liem thei si nawh a; an inrûm hlaka chu an fe khêl thei bawk si nawh.

JEREMIA 51:16

a râwl a hung insuo pha chun, vânhaia tuihai ân ri hum hum a; leihnuoi tâwphaia inthawk chun tui- hu dâm chu ân zâmkaitir bawk a, ruo ta dingin kâwlinlephai chu a siem a, a robâwmhaia inthawk chun thlihai chu a hung lâk suok a.

EZEKIEL 26:19

“Lalpa PATHIEN chun hieng hin a ti sih a: khawpui hluo loa umhai anga, khawpui râusana uma ka siem pha che chun; li inthûk chu i chunga chun ka hung lâka, tui nasatakhai chun ân khum pha che.

MALAKI 3:10

Ka ina chun bu a um theina dingin, siekhâwmna ina chun sâwma pakhat po po chu hung la unla, chu- taka chun mi fie ro, sipaihai LALPA chun a tih. Vân tukverhai hung hawngin, a siena ding um naw khawp rauin, malsâwmna chu ka hung burpêk naw hrim cheu am.

MATTHAI 24:38

Chuong ni tuilêt hmahai chun, Noa lawnga a lût ni chenin an fâkin an dâwn a, nuhmei pasal an innei hlak;

1 THESSALONIKA 5:3

“Muongna le himna,” tia an hril lai takin, nuhmei nauhase angin kârloin an chungah bohmangna hung tlung a tih, pumpel naw tawp an tih.

2 PETER 3:6

chu tuihai vêk chun chu laia khawvêl um chu a chîm a, a bohmang tah a, ti hi;