INṬANNA 7:1 - Pathien Lekhabu Inthieng (BSI)

¹ Chun, LALPAIN Noa kuoma chun, “Nang le i sûnghai po po chu lawngah lût ro; nang chu tulai ṭhangthar lai hin ka mithmuin mi feltak i nih ti ka hriet che a nih.

INṬANNA 7:1 ပူးပေါင်းရင်းမြစ်များ

INṬANNA 6:18

Amiruokchu, ka thuthlung chu i kuomah sukdet lem ka tih, lawnga chun i lût ding a nih, nang lût i ta, i naupasalhai leh, i nuhmei leh, i nauhai nuhmeihai khawm i kuomah an lût ve ding a nih.

INṬANNA 6:9

Hienghai hi Noa thlahai chu an nih: Noa chu mi feltak a na, a dam ruolpuihai lai chun sawisêlbo a nih: Noa chu Pathien leh an lêng hmunkhat hlak.

INṬANNA 7:13

Chu ni ngei chun Noa le a naupasalhai Sem, Ham, Japheth le Noa nuhmei chu lawnga chun an lût tah a, a naupasalhai nuhmei pa- thum khawm an kuomah an lût veh a;

INṬANNA 7:7

Chun, tui a hung lêt ding a ni lei chun Noa chu lawnga chun a lût a, a naupasalhai le a nuhmei le a nauhai nuhmeihai khawm an lût ve a.

2 SAMUEL 22:24

Ama kuoma chun hrilsietbo ka ni bawk a, Ka rîtlonaa inthawkin kân siekieng hlak a.

THUVARHAI 10:9

Mi tluongtaka fe chu ngamtakin a feh a, A lampuihai pêtsantu ruok chu hriet nîng a tih.

THUVARHAI 14:26

LALPA ṭinaa hin ringna nghettak a um a, A thlahai chun inhumhimna hmun nei an tih.

THUVARHAI 18:10

LALPA hming chu kulbîng dettak a na, Mi fel chu chutaka chun a tlân lût a, a him hlak.

EZEKIEL 14:14

hi mi pathumhai Noa, Daniel le Job hai meu khawm hi a sûnga chun umhai sien, an felna chun anni hringna chau chu an sanhim ding a nih, Lalpa PATHIEN chun a tih.

ZEPHANIA 2:3

Nangni a rorêlnahai anga thaw- tu, hnuoi chunga zainêm po pohai, LALPA chu zawng ro; felna chu zawng unla, zainêmna chu zawng ro; LALPA lunginsenna nia chun thupa in um theina dingin.

LUKA 1:6

An pahni chun Pathien mit- hmuah feltakin an um a, sawisêlboin Lalpa thupêk le a dân po po zâwmin an um hlak.

LUKA 17:26

“Noa dam laia thil umzie ang khan, Mihriem Naupa a hung nâwk nihai chun um bawk a tih.

THILTHAWHAI 2:39

A tiem kha, nangni ta ding khawmin, in nauhai ta ding khawmin, hlataka mi po po ta ding khawmin, Lalpa ei Pathienin a kuoma a kohai taphawt ta dingin a nih ie,” a ta.

HEBRAIHAI 11:7

Ringnain Noa chu thil la hung inlang lohai kawng thuah Pathien hrila lo umin Pathien ṭidêkin, ama sûngkuo sandamna dingin lawng a tuk a; chu chun khawvêl chu thiemnaw ân changtir tah a, ringna leia felna um ro chu hluotu a lo ni tah a.

1 PETER 3:20

Chuonghai chun, inhmaa Noa dam laia lawng siem sûng poa, Pathien dâwtheinain a nghâk lai khan an awi nawh a; chu lawnga chun, mi tlâwmtê (chu chu pariet tina a nih) tuia inthawka sandamin an um tah.