INṬANNA 6:7 - Pathien Lekhabu Inthieng (BSI)

⁷ Chuongchun, LALPA chun, “Ka mihriem siem hi hnuoi chunga inthawk hin sukbohmang el ka tih a, mihriem dâm, sa dâm, thilhring dâm, chunglêng vate dâm chen hin; ka siem ta leiin kân sîr a nih,” a ta.

INṬANNA 6:7 ပူးပေါင်းရင်းမြစ်များ

INṬANNA 6:6

Chuongchun, hnuoia hin mi- hriem a lo siem ta lei chun LALPA chu ân sîr a, lungril natnain a hmang pha tah a.

INṬANNA 7:21

Chuongchun, tisa hnuoia chângthei po po, vate dâm, ran dâm, sa dâm, thilhring hnuoi chunga bawk- invâka lâwn tinrêng dâm, mihriem tinrêng leh an thi zo vawng tah a;

INṬANNA 7:4

Ni sari a la bâk a, chu hnunga chun hnuoi chunga hin ni sâwmli le zân sâwmli sûng ruo insûrtir ka ta; ka thilhring siem tinrêng hi hnuoi chunga inthawkin sukbohmang ka tih,” a ta.

INṬANNA 8:21

Chun, LALPAIN riminhnik chu a hriet a; chun, LALPA chun a lungrilin, “Hnuoi chu mihriem lei chun ṭawngsie inphur nâwk ta naw ning, mihriem lungril ngaituonahai chu an chîntea inthawkin a suol sih a; tuta ka hrem ang hin thilsiem hringna nei tinrêng chu hrem nâwk ta naw bawk ka tih.

INPÂKNA HLABU 37:20

Mi rilohai ruok chu bohmang an ta, LALPA dotuhai khawm phûl hlohna inno ang nîng an ta, Sukbohmangin um an ta, meikhuah inzâm hmang an tih.

THUVARHAI 10:27

LALPA ṭina chun nihai chu a suksei a, Mi khawhlo kumhai ruok chu suktâwi nîng a tih.

THUVARHAI 16:4

LALPA chun thil tinrêng hi san nei sengin a siem a, Anih, mi khawhlo ngei khawm chu ni ṭha nawa dingin.

ISAI 27:11

A kauhai chu a vuoi pha chun thliekin um a ta, nuhmeihai hung an ta, raw el an tih; hriet theina hrim hrim nei naw mihai an ni sih a; chuleiin, anni siemtu chun anni chu lunginsiet naw nih a, anni inngîrtu chun anni chu a ditin ditsak hrim hrim bawk naw nih.

HOSEA 4:3

Chuleiin, ram chun sûn a ta, A sûnga chêng tinrêng chu chau an tih, Ramsahai le chunglêng vatehai leh; Anih, tuisuorieta ngahai chenin lâk hmang nîng an tih.

AMOS 7:3

Hi thu tieng hin LALPA chu ân lêt a, LALPA chun, “Ni nâwk ta naw nih,” a ta.

AMOS 7:6

Hi thu tieng hin LALPA chu ân lêt a, Lalpa PATHIEN chun, “Hi khawm hi ni ta naw nih,” a ta.

ZEPHANIA 1:18

LALPA lunginsenna nia chun an tangkain amanih, an rângkachak- in amani khawm sansuok thei naw nih a; amiruokchu, ram pumpui chu a thîkna mei chun kâng hmang a tih; tâwpna chu, anih, rama chêngtuhai po po tâwpna râpthlâktak el chu ân tlungtir vak ding a ni sih a.

ZEPHANIA 1:2

“Leihnuoi chunga inthawkin thil tinrêng chu sukbohmang vawng ka tih,” LALPA chun a tih.

ZEPHANIA 1:3

“Mihriem le sa khawm sukbo- hmang ka ta, chunglêng vatehai le, tuisuorieta ngahai le mi khawhlohai insuithlûktir ka ta; chun, sukbo- hmang vawng ka ta; chun, leihnuoi chunga inthawk hin mihriem chu sât thlâng ka tih,” LALPA chun a tih.

DÂN PAHNINA 28:63

A thawṭha ding cheu le a sukpung ding cheua LALPA chu a thafân ang khan a sukbohmang ding cheu le a sukse ding cheuin LALPA chu thafân a ta, in va hluo ding in va lûtna rama inthawk chun sawn hmang nîng in tih.

DÂN PAHNINA 29:20

LALPA chun ngaidam dêr naw nih a, LALPA lunginsenna le a thîkna chun, chu mi chu ur a ta, hi lekhabua ṭawngsie um po po hi a chungah um a tih; LALPAIN vân hnuoia inthawk- in a hming chu thaihmang lem a tih.

1 SAMUEL 15:11

“Saula hi lala ka ruot hi kân sîr ngawt el a nih; a mi zui lai chu a mi hnung innghatin ka thupêk angin a thaw si nawh a,” a ta. Chun, Samuel chu a lunginsen a, zânkhawvârin LALPA chu a ko a.