INṬANNA 6:5 - Pathien Lekhabu Inthieng (BSI)

⁵ Chun, LALPA chun hnuoia hin mihriem suolzie chu nasatak a nih ti le, a lungril ngaituonahai hrim hrim chu suol ruok a nih ti a lo hriet a.

INṬANNA 6:5 ပူးပေါင်းရင်းမြစ်များ

INṬANNA 13:13

Chun, Sodom mihai chu Pathien mithmuin nasataka ṭha naw le suolin an um a.

INṬANNA 8:21

Chun, LALPAIN riminhnik chu a hriet a; chun, LALPA chun a lungrilin, “Hnuoi chu mihriem lei chun ṭawngsie inphur nâwk ta naw ning, mihriem lungril ngaituonahai chu an chîntea inthawkin a suol sih a; tuta ka hrem ang hin thilsiem hringna nei tinrêng chu hrem nâwk ta naw bawk ka tih.

JOB LEKHABU (THE BOOK OF JOB) 15:16

Mî, khawhlona tui anga dâwntu chu, Tirdak a va umin a va pawrche zuol âwm de!

JOB LEKHABU (THE BOOK OF JOB) 22:15

Lampui hlui kha i hraw zing ding maw, Mi rilohai lo fena ta kha?

INPÂKNA HLABU 53:2

Hrethiema Pathien zawng hrim hrim an um am? ti hmu dingin, Pathienin vâna inthawkin mi- hriem nauhai hi a zuk en a.

THUVARHAI 6:18

Ngaituona suol ngairuot hlak lungril le, Pawi tâwk dinga ke tlân hrât hlakhai leh;

THUHRILTU 7:29

Ngai ta, hi chau hi ka hmu suok a, Pathien chun mi chu mi ngîl ni dingin a siem a, amiruokchu, anni chu mâni nuom dân dânin an khawsa ta lem a.

THUHRILTU 9:3

Nisa hnuoia thawa um po po lai hi hi thil suol a nih: mi po po chunga thiltlung hmunkhat vawng a ni hi; anih, mihriem nauhai lungril chu thil ṭha nawa sip a na, an dam lai chun an lungrila chun invêtna a um a, chu hnung hlak chun mithi kuomah an fê tah a.

JEREMIA 17:9

Thil po po nêkin lungril hi ân khêl a; a se bik rieu a; tuin am hre thei a ta?

JEREMIA 4:14

Aw Jerusalem, sandama i um theina dingin i khawhlonaa inthawk chun i lungril chu sâwpfai rawh. I ngaituona rilohai hi ieng chen am i lungrila chun a châm ding a na?

EZEKIEL 8:12

Chun, ama chun ka kuomah, “Mihriem naupa, mi tin mâni milim pindan chitah, Israel sûngkaw upa- hai chun inthim hnuoia chun ieng am an thawh a, i hmu am? Anni chun, ‘LALPA chun a mi hmu nawh, LALPA chun hnuoi hi a nghatsan tah,’ an tih a,” tiin.

EZEKIEL 8:9

Chun, ka kuoma chun, “Va lût la, hitaka tirdakumna suoltak an thaw chu va en rawh,” a ta.

MATTHAI 15:19

Lungrila hin ngaituona suolhai, tuolthatna hai, uiretna hai, inditna hai, inrûkna hai, inhêkna hai, hrilsietna hai a hung suok hlak sih a.

MATTHAI 24:37

Chun, Noa damlai ang bawk khan Mihriem Naupa hung nâwkna chu nîng a tih.

LUKA 17:26

“Noa dam laia thil umzie ang khan, Mihriem Naupa a hung nâwk nihai chun um bawk a tih.

DÂN PAHNINA 29:19

Chun, chuong chu a ni chun chu, hi inkhâmna thu hi a hrietin, ‘thil ṭâwla thil hnâwng sukhlum tum ti angin, lungril kâwmâwtakin um inla khawm, lungmuongna chu ka nei hrim hrim,’ tiin a lungrilin mal insâwm fâwm khat rawi a tih.

TITA 3:3

Eini khawm inhma khan invêt tak dâm, thu awi naw dâm, hlêma um dâm, châkna le lâwmna tinrêng rawng bâwl dâm, suol le îtthîk hmanga um dâm, tirdakum dâm, intheida tuo dâm ei ni sih a.

1 PETER 3:20

Chuonghai chun, inhmaa Noa dam laia lawng siem sûng poa, Pathien dâwtheinain a nghâk lai khan an awi nawh a; chu lawnga chun, mi tlâwmtê (chu chu pariet tina a nih) tuia inthawka sandamin an um tah.