INṬANNA 6:3 - Pathien Lekhabu Inthieng (BSI)

³ Chun, LALPA chun, “Ka thlarau chu mihriemah chêng kumkhuo naw ni; chun mihriem chu kumkhuoin thaw rawp naw nih; ama chu tisa a ni sih a; chuongchun, a dam sûng hun khawm kum za le sâwmhni ni raw se,” a tih a.

INṬANNA 6:3 ပူးပေါင်းရင်းမြစ်များ

INṬANNA 6:2

Pathien naupasalhai chun mi- hriem naunuhmeihai chu hmêl ṭhatakin an hmuh a; chuongchun, an dit zâwng taphawthai chu nuhmeiah an nei tâwl hlak a.

NEHEMIA 9:30

Nisienlakhawm, kum tamtak anni chu i dawh a, i thlaraua i zâwl- neihai hmangin i kâwk hlak a; nisien- lakhawm, an na an suksêt a; chuleiin, chu rama mihai kuta chun i pêk tah a.

INPÂKNA HLABU 78:39

Tisa chau an nih ti a hriet zing a, Thli, lêt nâwk lo dinga hrâng liem hlak ang hi.

INPÂKNA HLABU 90:10

Kan dam sûng kumhai chu kum sâwmsari a na, Hrâtna leiin kum sâwmriet khawm a ni thei. Nisienlakhawm, a sâwtna chu sininrimna le lungngaina chau a nih; A bo vak a, keini khawm kan vuong hmang hlak a ni hi.

ISAI 5:4

Ka grêp huona hin ka thaw ta ang bâk khan chu a chungah ieng am thaw nâwk chuong ding a la um ta rawp a? Grêp raa ra dinga ka beisei vei le khan ieng leia grêp suoka a hung ra el am a ni aw?

ISAI 57:16

Kumkhuoin ka do âwm si nawh a, lunginsen rawp bawk naw ning ah; chuong naw chun, mi lungril ka hmaah châu a ta, hringna ka siemhai khawm chu châu bawk an tih.

ISAI 63:10

Nisienlakhawm, an hel a, a thlarau inthieng chu an suklungngai a; chuleiin, anni do dingin ân let a, ama ngei chun anni chu a thaw tah a.

JEREMIA 11:11

Chuleiin, LALPA chun hieng hin a tih: Ngai ta, an chungah thil ṭha naw, an pumpel thei dêr lo ding chu ka hung intlungtir ding a nih; ka kuomah hung khêk an ta, nisienla- khawm, anni chu lo ngai naw ning ah.

JEREMIA 11:7

Aigupta rama inthawka anni ka hung ṭhuoi suok nia inthawk tah vawisûn ni chen khawm hin. “Ka râwl chu awi ro,” tia hrila, inhmataka thoa, anni chu inhriettirin, in thlatu- hai chu ṭhahnemngaitakin ka lo inhriettir tah a.

NAMBAR 11:17

Chuongchun, hung ṭum ka ta, chutaka chun hung bieng ka ti che; chun, nangmaa thlarau chu an chunga chun sieng ka ta; nanga khâta phur loin, mipuihai rikphur chu phurpui an ti che.

JOHAN 3:6

tisaa pieng taphawt tisa a nih, Thlaraua pieng taphawt chu thlarau a nih.

THILTHAWHAI 7:51

“Mi kâwmawhai, lungril le na tan nawhai, kumkhuoin Thlarau Inthieng hi in kal rawp el; in thlatuhai thaw ang pei khan in thaw hlak.

1 THESSALONIKA 5:19

Thlarau chu sukmit naw ro.