INṬANNA 6:13 - Pathien Lekhabu Inthieng (BSI)

¹³ Chun, Pathienin Noa kuoma chun, “Tisa po po suktâwpna ding thu ka sukthlûk tah: anni leiin hnuoi hi inpâwngnêknain a sip zo ta sih a: chuongchun, ngai ta, a hnuoi pumin ka sukbohmang ding a nih.

INṬANNA 6:13 ပူးပေါင်းရင်းမြစ်များ

INṬANNA 49:5

Simeon le Levi hi unau an nih: An kâwlhnâmhai chu thisen insuona hriemhrei an nih.

INṬANNA 6:14

I ta dingin fâr thingin lawng siem rawh: lawnga chun pindan- hai siem i ta, a puo tieng le a sûng tieng chu fâr hnai nâl vawng bawk i tih.

INṬANNA 6:4

Chuong lai chun Milienhai chu hnuoia hin an um a; chu hnunga khawm Pathien naupasalhai chun mihriem naunuhmeihai chu an pâwl a, anni leh nauhai an nei hlak lai khan, an um bawk a; chuonghai chu tienlaia mi hrât, mi hming inthanghai kha an nih.

INṬANNA 7:21

Chuongchun, tisa hnuoia chângthei po po, vate dâm, ran dâm, sa dâm, thilhring hnuoi chunga bawk- invâka lâwn tinrêng dâm, mihriem tinrêng leh an thi zo vawng tah a;

INṬANNA 7:23

Chuongchun, hnuoi chunga thil hringna nei tinrêng, mihriem dâm, ran dâm, thilhring bawkinvâk chi dâm, chunglêng vate dâm, hnuoia inthawka sukbohmangin an um tah a: Noa le a kuoma lawnga umhai chau chu hlain an um tah a.

INṬANNA 7:4

Ni sari a la bâk a, chu hnunga chun hnuoi chunga hin ni sâwmli le zân sâwmli sûng ruo insûrtir ka ta; ka thilhring siem tinrêng hi hnuoi chunga inthawkin sukbohmang ka tih,” a ta.

INṬANNA 8:21

Chun, LALPAIN riminhnik chu a hriet a; chun, LALPA chun a lungrilin, “Hnuoi chu mihriem lei chun ṭawngsie inphur nâwk ta naw ning, mihriem lungril ngaituonahai chu an chîntea inthawkin a suol sih a; tuta ka hrem ang hin thilsiem hringna nei tinrêng chu hrem nâwk ta naw bawk ka tih.

ISAI 34:1

Hnam tinhai, naa hre dingin hung hnai ta u; mi tinhai, ngai ta u; hnuoi le a sûnga um po pohai chun nain hre raw hai se; khawvêl le a sûnga inthawka suok po pohai leh.

JEREMIA 51:13

Aw nang tui tamtakhai chunga chêng, hausaknaa bit, i tâwpna a hung tlung mêk a, i hringna hrui ân tan tah.

AMOS 3:7

Indiktakin Lalpa PATHIEN chun a rawngbâwltu, a zâwlneihai kuoma a thurûk hril loin iengkhawm thaw naw ni.

AMOS 8:2

Chun, ama chun, “Amos, ieng am i hmuh a?” a ta. Keiin, “Nisapuithei bâwm,” ka tih a. Chun, LALPA chun ka kuomah, “Ka mi Israelhai chungah tâwpna a hung tlung tah; anni chu khêl nâwk ta naw ning,” a ta.

HEBRAIHAI 11:7

Ringnain Noa chu thil la hung inlang lohai kawng thuah Pathien hrila lo umin Pathien ṭidêkin, ama sûngkuo sandamna dingin lawng a tuk a; chu chun khawvêl chu thiemnaw ân changtir tah a, ringna leia felna um ro chu hluotu a lo ni tah a.

1 PETER 4:7

Nisienlakhawm, thil po po tâwpna chu a hnai tah a, chuleiin, in ṭawngṭai theina dingin lungril feltak putin fimkhur ro.