INṬANNA 50:5 - Pathien Lekhabu Inthieng (BSI)

⁵ ‘Ka pain, ngai ta, ka thi ding a ni tah, Kanaan rama ka thlân ka chosaah, chutaka ngei chun mi hung phûm rawh,’ tiin a mîn khâmtir a. Chuleiin, tuhin lunginsiettakin, ka pa hi mi hang inphûmtir rawh; chun, hung nâwk el ka tih, a tih a, tiin hril ro,” a tih a.

INṬANNA 50:5 ပူးပေါင်းရင်းမြစ်များ

INṬANNA 3:19

hnuoia i kîr nâwk hmakhat chu, i hmaiah thlan luong rak khawpin bu fa tâng i tih; hnuoia inthawka lâk suok i ni sih a, pilvut i nih a, pil- vutah i kîr nâwk ding a nih,” a tih a.

INṬANNA 48:21

Chun, Israel bawk chun Josef kuomah, “Ngai ta, ka thi ding a ni tah a: nisienlakhawm, Pathien chu in kuomah um a ta, in thlatuhai rama chun ṭhuoi nâwk a ti cheu.

INṬANNA 50:24

Chun, Josefin a unauhai kuom- ah, “Ka thi ding a ni tah a, ni- sienlakhawm, Pathienin hung kan ngei ngei a ti cheu a, hi rama inthawk hi hung ṭhuoi suok cheuvin, Abraham, Isak le Jakob hai kuoma inkhâma pêk a tiem ramah ṭhuoi a ti cheu,” a tih a.

INṬANNA 50:4

Chun, ama an ṭa a bo hnung chun Josefin Pharao sûnghai chu a biek a, “In mi lunginsiet thei chun, lungin- siettakin Pharao hrieta chun,

INṬANNA 50:6

Chun, Pharao chun, “Ân khâmtir ang che chun i pa chu hang phûm raw chu,” a tih a.

2 CHANCHIN SUINA 16:14

Ama thlân in David khuoa a siem ngeia chun an phûm tah a; chun, riminhnik le chawkpawl thiem mi- haiin an buotsai riminhnik tinrênga sip khuma chun an inzâltir a; ama ta ding chun meichawk nasatak chu an siem tah a.

JOB LEKHABU (THE BOOK OF JOB) 30:23

Nang chun thina le, Mi hring po po ta dinga in ruota chun mi ṭhuoi i tih ti ka hriet sih a.

INPÂKNA HLABU 79:3

An thisen chu Jerusalem vêla hin tui angin an bunthlâk a, Anni phûmtu ding hlak tukhawm an um si nawh,

THUHRILTU 12:5

anni chun ân sâng chu an ṭih a, lampuia chun ṭitna a hung um a, almond thing chu a hung kumûm a, khâuṭhikṭhihai chu buoipuium an hung ni a, nuom zâwng dâm chun a hung hlawsam a, mi chu a chatuon ina chun a fe ta leiin le, lusûnhai chun kawtthlêrhai chu an fang leiin le;

THUHRILTU 12:7

pilvut chu a nina anga hnuoia a kîr nâwk hmain le thlarau chu ama petu Pathien kuoma a kîr nâwk hmain.

THUHRILTU 6:3

Miin nau za nei sienla, kum tamtak dam sienla, a kum nihai chu tam hle sienla, amiruokchu, a lungril chu thil ṭhain a tlai nawh a; chu nawa khawm phûmna a hlaw bawk si naw chun, ama nêk chun a hun nawh a pieng khawm chu a ṭha lem a nih ka ti a nih;

ISAI 22:16

Chun, a kuomah hieng ang hin hril rawh: Hitaka hin ieng am i thawh a? Hitaka hin tuhai am i nei a, thlân hi i kerkuok kher a ni leh? Nangma ta dingin insângtakah thlân i kerkuoh a, i ta dinga lungpuia umna i siem hrim hi!

MATTHAI 27:60

ama thlân thar, lung a iverkuoa chun ân zâl a, thlân kawtkhâr chu lung lientakin ân del a, a fe tah a.

DÂN PAHNINA 4:22

Kei chu hi rama hi thi ding ka na, Jordan vadung chu ka kai naw ding a nih; nangni ruok chu kai in ta, chu ram ṭhatak chu hluong in tih.

1 SAMUEL 14:43

Chuongchun, Jonathan chunga chun a tlu tah a. Chun, Saula chun Jonathan kuoma chun, “Iengam a na i thaw mi hril raw khai?” a ta. Chun, Jonathan chun a hril a, “Ka hmawl chawi hmawrin khuoizu tlâwmte chu kân tem ngei el a, ngai ta, ka thi ngei ding a nih,” a ta.