INṬANNA 50:25 - Pathien Lekhabu Inthieng (BSI)

²⁵ Chun, Josef chun Israel thlahai chu ân khâmtir a, “Pathienin hung kan ngei ngei a ti cheu a, ka ruhai hi hitaka inthawkin khitieng in zâwn ngei ding a nih,” a tih a.

INṬANNA 50:25 ပူးပေါင်းရင်းမြစ်များ

JOSUA 24:32

Chun, Israel thlahaiin Aigupta rama inthawka Josef ru an sawm pei kha Sekem khuoa chun Sekem pa, Hamor nauhaia inthawka Jakobin tangka zaa a în châwka khan an phûm a; chuongchun, chuong chu Josef thlahai puolah a hung um tah a.

FESUOKNA 13:19

Mosie chun Josef ruhai chu a chawi pei a, Israel thlahai chu, “Pathienin hung kan ngei ngei a ti cheu a, chun in fena taphawtah ka ru khawm sawm pei in tih,” tiin a lo tiem ta hrim a.

HEBRAIHAI 11:22

Ringnain Josef chun, a thi a hung hnai khan, Israel thlahai suok ding thu a hril a, a ruhai kawng thuah thu a pêk bawk a.

THILTHAWHAI 7:16

Sekem khuo an zâwn tlung a, Abrahamin Sekem khuoa Hamor naupahai kuoma thlân, tangka suma a inchâwka khan an phûm tah a.

INṬANNA 50:5

‘Ka pain, ngai ta, ka thi ding a ni tah, Kanaan rama ka thlân ka chosaah, chutaka ngei chun mi hung phûm rawh,’ tiin a mîn khâmtir a. Chuleiin, tuhin lunginsiettakin, ka pa hi mi hang inphûmtir rawh; chun, hung nâwk el ka tih, a tih a, tiin hril ro,” a tih a.

FESUOKNA 3:8

chuleiin, Aigupta mihai kuta inthawka anni sansuok ding le, chu rama inthawka, Kanaan mihai, Hit mihai, Amor mihai, Periz mihai, Hiv mihai le Jebus mihai hmun, ram lien le ram ṭha, khuoizu le nenetui luong rama ṭhuoi lût dinga hung thla ka nih.

FESUOKNA 3:17

Chun, in kuomah Aiguptaa rimsiknaa inthawkin Kanaan mihai, Hit mihai, Amor mihai, Periz mihai, Hiv mihai le Jebus mihai ram khuoizu le nênetuia luong rama chun ṭhuoi lût ka ti cheu ti ka tiem ta cheu kha,’ a tih, ti rawh.

FESUOKNA 13:18

Tuipui sen tieng, thlalêr tienga lam inhêl zâwng chun mipui chu Pathienin a ṭhuoi ta lem a, Israel thlahai chu râlthuom kim leh Aigupta rama inthawk chun an suok tah a.

RUTH 1:6

Chun, Moab rama inthawkin, LALPAIN a mihai chu kanin fâk ding a pêkzie thu a lo hriet leiin, a mohai pahni leh Moab rama inthawk kîr nâwk dingin ân thawk suok a.