INṬANNA 50:17 - Pathien Lekhabu Inthieng (BSI)

¹⁷ ‘Hieng ang hin Josef kuomah, Lunginsiettakin i unauhai bawsietna le an suolna chu ngaidam rawh, i chungah thil chu an suksuol deha chu, tiin hril ro,’ tiin thu a mi pêk a: tuhin, lunginsiettakin i pa Pathien siehlawhai bawsietnahai chu ngai- dam rawh,” an tih a. Chuonga a kuoma an hang hril chun Josef chu a ṭap tah a.

INṬANNA 50:17 ပူးပေါင်းရင်းမြစ်များ

INṬANNA 31:42

Ka pa Pathien, Abraham Pathien, Isak Iṭi chu ka kuomah um naw sienla lem chu, tu khawm hin ruok ngawta mîn fetir ngei ding i ni hi. Pathienin ka rinum tuor le ka rimsikzie chu a hmuh a, zâni zân chun a kâwk che a ni chu,” a tih a.

INṬANNA 45:8

Chuongchun, hitaka mîn kaitirtu hi nangni in ni nawh a, Pathien a ni lem, ama chun Pharao paa le a sûnghai po po hotuah le Aigupta ram po po rorêltuah a mi siem tah a.

INṬANNA 49:25

I pa Pathien nangma ṭhangpuitu dinga, Iengkimthawthei, Chungtienga vân malsâwmnahai, Hnuoitienga bawk zing tui inthûktak malsâwmnahai, Nene le sul malsâwmnaa Nang malsâwmtu ding ngei sukhrâtin a um a.

INṬANNA 50:16

Chuongchun, Josef kuoma hril dingin thu an inchah a, “I pa chun a thi hma khan,

INṬANNA 50:18

A unauhai khawm chu an va feh a, a hmaa chun an bawkkhup tâwl a, “Ngai ta, i siehlawhai kan ni hi,” an tih a.

INṬANNA 50:20

Nangni chun ka chungah thil suol thaw in lungril a; nisienla- khawm, Pathien chun, vawisûna an um ang ngei hin, mi tamtak dama sanhimna dingin thil ṭhaha in- changtir a lo lungril lem a ni sih a.

INPÂKNA HLABU 21:11

I chunga khan thil suol thaw an tum sih a, Thil suol an ngaituo suok a, an thaw thei si nawh.

THUVARHAI 28:13

Mi a bawsietna inkhumtu chu hlawtling naw nih a, Thupha chawia, nghatsan hlaktu ruok chun zângaina hmûng a tih.

MATTHAI 10:42

Chun, tukhawm hieng mi chîn- tak laia pakhat kuoma hin, tirko a ni leia tuisik no khat chau khawm pe taphawt chun, titakzetin ka hril cheu hi, a lâwmman chu chân naw tawp a tih,” a ta.

MATTHAI 18:35

Mi tinin in lungril taka in unauhai in ngaidam naw chun, ka Pa vâna mi khawmin chuong ang bawkin in chungah thaw vêng a tih,” a ta.

MATTHAI 25:40

Chun, Laltak chun an kuomah, ‘Titakzetin ka hril cheu hi, hieng ka unau chîntakhai laia mi pakhat chunga in thaw chu, ka chunga thaw in nih,’ tîn la dawn a tih.”

MATTHAI 6:12

Kan bathai hi mi ngaidamla, Keini khawmin kan iengkhat battuhai kan ngaidam ang khan.

MARKA 10:41

Chun, sâwmhai chun chu chu an lo hrietin Jakob le Johan chunga chun an lungninaw ta bêk bêk a.

GALATI 6:10

Chuongchun, remchâng hun ei nei ang peiin mi po po kuomah thil ṭha chu thâwng ei tiu, ringna sûnghai laia mi chungah thaw bîk tak ei tiu.

GALATI 6:16

Chun, chu dân anga um taphawthai chunga chun inremna le lunginsietna um raw se, Pathien Israelhai chunga khawm.

EPHESI 4:32

Chun, inlunginsiet tuoa, lainat- na neiin um unla, Pathienin Kristaa a ngaidam ang bawk cheuin inngai- dam tuo ro.

JAKOB 5:16

Chuongchun, sukdama in um theina dingin in suolhai thupha inchawi tuo unla, in ṭawngṭaipêk tuo hlak ro.