INṬANNA 49:8 - Pathien Lekhabu Inthieng (BSI)

⁸ Juda, nang chu i unauhaiin inpâk an ti che, I kut chu i râlhai rîngah innghat a ta, I pa naupasalhai chu i hmaah kûn an tih.

INṬANNA 49:8 ပူးပေါင်းရင်းမြစ်များ

INṬANNA 27:29

Mi chi tum tumin i rawng bâwl hai sienla, Hnam tum tumin chibai bûk raw hai se che. I unauhai lai lalah um la, I nu nauhaiin chibai bûk raw hai se che. Ṭawngsie inphurtu che taphawt chu ṭawngsephurin um sienla, Malsâwmtu che chu malsâwmin um raw se,” a tih a.

INṬANNA 29:35

Chun, ân rai nâwk a, naupasal a nei nâwk a, “Tuta ṭum hin chu LALPA chu inpâk ka tih,” a tih a; chuleiin, a hmingah Juda a sak a, chu hnung chun nau a nei nâwk ta nawh.

INṬANNA 42:6

Chun, Josef chu Aigupta ram chunga chun hotu a nih a, ama chu chu rama mi po po kuoma a zawrtu a nih: chuongchun, Josef unauhai chu an hung a, hnuoi sikin ama chibai an bûk tâwl a.

INṬANNA 46:12

Juda naupasalhai chu Er, Onan, Selah, Perez le Zera. (Er le Onan chu Kanaan ramah an thi tah). Perez naupasalhai chu Hezron le Hamul.

2 SAMUEL 22:41

A mi theidatuhai chu ka sukbohmang theina dingin, Nangin a mi dotuhai chu mi hnunginnghatin în umtir ta bawk a.

2 SAMUEL 24:9

Chun, Joab chun mihriem zât chin chu lal a pêk a; chun, Israel rama chun kâwlhnâm chawi mi, mi huoisen nuoi riet an um a; chun, Juda mi chu nuoi nga an um a.

2 SAMUEL 5:3

Chuongchun, Israel upahai po po chu Hebrona chun lal kuomah an va feh a; chun, lal David chun Hebrona chun LALPA hmaah an kuomah thu a thlung a, chun, David chu Israelhai chunga lal dingin hriek an nâl a.

1 CHANCHIN SUINA 28:4

Ngai ta u, LALPA Israel Pathien chun kumkhuoa Israelhai chunga lala um dingin ka thlatuhai thla laia inthawk chun a mi thlang suok a; ka thlatu sûngkuoah, Juda sûngkuoa chun, Juda chu hotu ni dingin a thlang ta sih a; chuongchun, ka pa naupasalhai laia chun Israel po po chunga lala mi siem chu ṭha a ti zâwng tak a ni tah a;

1 CHANCHIN SUINA 5:2

Juda chu a unauhai nêk chun a chunghnung lem a, chuongchun, amaa chun lalnau nina chu pêk a na, amiruokchu, rohluotu nina chu Josef ta a nih).

2 CHANCHIN SUINA 14:8

Chun, Asa chun Juda hnama inthawkin âwmphâw le fei chawi mi sipai nuoi thum a nei a; Benjamin hnama inthawkin phaw chawia thal- ngul kuoi mi nuoi hni le sîng riet a nei bawk a: hieng mihai po po hi mi hrât khawkhêng ruok an nih.

2 CHANCHIN SUINA 15:9

Juda le Benjamin rama mi po po le, Ephraim le Manasse le Simeona inthawka chutaka hung inpêm lûthai chu a ko khâwm vawng a; LALPA a Pathien chu a kuomah a um ti an hmu chun Israel rama inthawkin mi tamtak chu ama kuoma chun an lo kai ta sih a.

2 CHANCHIN SUINA 17:2

Juda rama khawpui kul neihai taphawta chun sipaihai a sieh a, Juda rama le Ephraim rama khawpui a pa Asain a lo lâk tahaia khan sipai pâwl lienhai chu a sie bawk a.

2 CHANCHIN SUINA 30:11

Nisienlakhawm, Aser le Manas- se le Zebulun hnama mi ṭhenkhat chu an insukhnuoi a, Jerusalema chun an hung a.

INPÂKNA HLABU 76:1

Judahai lai chun Pathien chu hrietin a um a, Israelhai lai chun a hming a ropui a nih.

ISAI 9:7

David lalṭhungpha chunga le a ram chungah a rorêlna pungzie le inremnain tâwpintai nei naw nih, sukdet ding le tuta inthawka chatuon chen khawma rorêlna le felnaa tung- ding dingin. Sipaihai LALPA ṭha- hnemngaina chun chuong chu thâwng a tih.

EZEKIEL 21:29

an hremna nuhnungtak ding hun, mi rilo tâwpkhâwkhai ringa in- nghat ding ni tlung mêk zing laiin thilhmulâwk teplo hmupêk chein aisânna khêlhlip an hrilpêk che a nih.

NAMBAR 1:27

Juda thla po pohai chu sîng sari sâng li le za ruk an nih.

NAMBAR 10:14

Juda pâwlhai an pâwl tam dân izir peiin an suok a; an hotu chu Amminadab naupa Nason a nih.

NAMBAR 26:20

Chun, Juda thlahai pahnam fe dân chun hieng ang hi a nih; Sela thlahai Selarawi; Perez thlahai Perez- rawi; Zera thlahai Zerarawi an nih.

NAMBAR 26:22

Hienghai hi Juda naupasalhai thlahai nizât chu a nih, sîng sari sâng ruk le za nga an nih.

DÂN PAHNINA 33:7

Chun, hi hi Juda mal a sâwmna a nih; “LALPA, Juda râwl chu ngai la, A mihai kuomah ṭhuoi lût rawh; I kutin a ta dingin dopêk la, A hmêlmahai thawpuitu ni rawh,” ti hi.

HEBRAIHAI 10:13

Chu chena inthawk chu, a hmêlmahai a kepha innghatnaa siem an ni hmakhat chu a nghâk zing a.

HEBRAIHAI 7:14

Ei Lalpa chu Juda hnam laia inthawka hung suok a ni ti ân lang fel sih a, chu hnam thua chun Mosiein thiempuhai kawng thu iengkhawm a hril nawh.

JOSUA 10:24

Chuong lalhai chu Josua kuoma an hung ṭhuoi chun, Josua chun Israel mihai po po chu a ko khâwm a, a kuoma fe ve râl kâp mihai laia lusa deu deuhai kuoma chun, “Hung hnai unla, hieng lalhai ringahai hin in kephahaiin sir ro,” a ta. Chun, an hung hnai a, an ringahai chun an kephahai chun an sir tah a.

JOSUA 15:20

Juda thlahai hnam an sûngkuo izir ang peia an rochan chu hieng hi a nih:

THUPUONGSUO 11:15

Chun, vântirko pasarina chun a hang mût a, chuongchun, “Khawvêl ram chu ei Lalpa le a Krista ram a hung ni tah, ama chun chatuonin ro rêl a tih,” tiin vâna chun rawl inringtakin a hung suok nghâl tah a.

THUPUONGSUO 5:5

Chun, upa laia pakhat chun, ka kuomah, “Ṭap naw, ngai ta, Sakei- baknei Juda hnama mi, David Bulpui khan, lekhabu chu phar ding le, a închikna pasari sût dingin a hne tah,” a tih a.

RORELTUHAI 20:18

Chun, Israel thlahai chu an tho a, Bethelah an hang feh a, Pathien an hang rawn a, “Benjamin thlahai chu tu am a na hang thaw hmasa ding?” an tih a. LALPA chun, “Judahai hang fe hmasa raw se,” a tih a.