INṬANNA 48:7 - Pathien Lekhabu Inthieng (BSI)

⁷ Chun, keia thu chu, Paddan- aram rama inthawka ka hung lai khan Rakil chu Kanaan ramah, lam- pui kârlakah, Ephrath chu a la hlat fe laiin, ka bulah a thih a: chutaka Ephrath lampuia chun ka phûm tah a (chu chu Bethlehem a nih)” a tih a.

INṬANNA 48:7 ပူးပေါင်းရင်းမြစ်များ

INṬANNA 25:20

Abraham chun naupasal Isak a nei a, Isak chu Paddan-aram rama Suria mi Bethuel naunu, Suria mi Laban farnu Rebeka chu nuhmeia a nei lai chun kum sâwmli mi a nih a.

INṬANNA 33:18

Chun, Jakob chu Paddan-aram rama inthawka hungin, Kanaan rama um Sekem khuo chu himtakin a tlung a, khawhnâwma chun a puon in a zar tah a.

INṬANNA 35:20

Chun, a thlân chunga chun Jakobin lung a phun a. Chu chu tu chen a Rakil thlân Lungphun la um chu a nih.

INṬANNA 35:9

Chun, Jakob chu Paddan-aram rama inthawka a hung nâwk chun Pathien a kuomah ân lâr nâwk a, mal a sâwm a,

INṬANNA 48:6

Anni hnunga nau i neihai chu i ta nîng an ta, an ro chana chun an uhai hming chu inṭâwmpui el an tih.

MIKA 5:2

Nisienlakhawm, nang Bethle- hem Ephratha, Juda rama sâng tamtakhai laia ṭhanga chun chîn hle la khawm, nangmaa inthawk hin Israelhai rorêltu ding chu ka ta ding hung suok a tih; a hung inṭanna chu tiena chatuona inthawk ta khan a nih.

MATTHAI 2:18

“Rama khuoah khêkri an hriet a, Ṭap dâm, mithi ngaia khêk rawng rawng dâm; Rakil chun a nauhai a ṭah a, An um ta naw leiin thlamuong thei a ni nawh,” ti hi.

RUTH 1:2

Chu mipa hming chu Elimelek a nih, a nuhmei hming chu Naomi, a naupasalhai pahni hming chu Mahlon le Kilion an nih; Juda ram, Bethlehema Ephrath mi an nih. Moab rama chun an feh a, chutaka chun an um ta zing a.

1 SAMUEL 1:1

Ephraim tlâng rama Ramathaim- zophim khuoa chun mi pakhat a um a, a hming chu Elkana a nih; ama chu Jeroham naupa a na, ama chu Elihu naupa a na, ama chu Tohu naupa a na, ama chu Ephraim mi Zuph naupa a nih.

1 SAMUEL 10:2

Vawisûn hin i mi fesan hnungin, Zelzaah Benjamin ramria Rakil thlân kâwlah mi pahni hmûng i ta; chun, anni chun i kuomah, Sabengtung i zawnghai kha an hmu tah ie; chun, ngai ta, i pa chun sabengtung chu a ngaituo ta nawh a, nangma mawl a ngaituoh a, ‘Ka naupa chu iengtin am ka thaw ding a ni ta leh aw, a ti a ti el a,’ tîng an ta.

1 SAMUEL 16:4

Chuongchun, Samuel chun LALPA hril ang chun a thaw a, Bethlehema chun a fe tah a. Khuoa upahai chun inthin pumin ama an lo tuok a, “Thu ṭhaa hung am i nih?” an lo tih a.

1 SAMUEL 17:12

Chun, David chu Jesai naupa a na, ama chu Bethlehem-Judaa Ephrath mi kha a na, naupasal pariet a nei a; ama chu Saula inlal lai chun tartak a ni tah a, tarsiea ngai a ni tah.